| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੦. ਸਲ਼વਗ੍ਗੋ
10. Saḷavaggo
੧. ਅਦਨ੍ਤਅਗੁਤ੍ਤਸੁਤ੍ਤવਣ੍ਣਨਾ
1. Adantaaguttasuttavaṇṇanā
੯੪. ਅਦਮਿਤਾਤਿ ਦਮਂ ਨਿਬ੍ਬਿਸੇવਨਭਾવਂ ਅਨੀਤਾ। ਅਗੋਪਿਤਾਤਿ ਸਤਿਸਙ੍ਖਾਤਾਯ વਤਿਯਾ ਨ ਰਕ੍ਖਿਤਾ। ਅਪਿਹਿਤਾਤਿ ਸਤਿਕવਾਟੇਨ ਨ ਪਿਹਿਤਾ। ਚਤੂਹਿਪਿ ਪਦੇਹਿ ਇਨ੍ਦ੍ਰਿਯਾਨਂ ਅਨਾવਰਣਮੇવਾਹ। ਅਧਿਕਂ વਹਨ੍ਤੀਤਿ ਅਧਿવਾਹਾ, ਦੁਕ੍ਖਸ੍ਸ ਅਧਿવਾਹਾ ਦੁਕ੍ਖਾਧਿવਾਹਾ। ਨਿਰਯੇਸੁ ਉਪ੍ਪਜ੍ਜਨਕਂ ਨੇਰਯਿਕਂ। ਆਦਿ-ਸਦ੍ਦੇਨ ਸੇਸਪਾਲ਼ਿਂ ਸਙ੍ਗਣ੍ਹਾਤਿ।
94.Adamitāti damaṃ nibbisevanabhāvaṃ anītā. Agopitāti satisaṅkhātāya vatiyā na rakkhitā. Apihitāti satikavāṭena na pihitā. Catūhipi padehi indriyānaṃ anāvaraṇamevāha. Adhikaṃ vahantīti adhivāhā, dukkhassa adhivāhā dukkhādhivāhā. Nirayesu uppajjanakaṃ nerayikaṃ. Ādi-saddena sesapāḷiṃ saṅgaṇhāti.
ਸਲ਼ੇવਾਤਿ ਛ-ਕਾਰਸ੍ਸ ਸ-ਕਾਰੋ, ਲ਼-ਕਾਰੋ ਪਦਸਨ੍ਧਿਕਰੋ। ਯਤ੍ਥਾਤਿ ਨਿਮਿਤ੍ਤਤ੍ਥੇ ਭੁਮ੍ਮਂ। ਅਨવਸ੍ਸੁਤਾ ਅਤਿਨ੍ਤਾਤਿ ਰਾਗੇਨ ਅਤੇਮਿਤਾ।
Saḷevāti cha-kārassa sa-kāro, ḷa-kāro padasandhikaro. Yatthāti nimittatthe bhummaṃ. Anavassutā atintāti rāgena atemitā.
ਅਸ੍ਸਾਦਿਤਨ੍ਤਿ ਅਸ੍ਸਾਦਂ ਇਤਂ ਉਪਗਤਂ। ਤੇਨਾਹ ‘‘ਅਸ੍ਸਾਦવਨ੍ਤ’’ਨ੍ਤਿ। ਸੁਖਦੁਕ੍ਖਨ੍ਤਿ ਇਟ੍ਠਾਨਿਟ੍ਠਂ। ਅਨ੍વਯਤੀਤਿ ਅਨ੍વਯੋ, ਹੇਤੁ। ਫਸ੍ਸੋਤਿ ਅਨ੍વਯੋ ਏਤਸ੍ਸਾਤਿ ਫਸ੍ਸਨ੍વਯਨ੍ਤਿ ਆਹ – ‘‘ਫਸ੍ਸਹੇਤੁਕ’’ਨ੍ਤਿ। ‘‘ਅવਿਰੁਦ੍ਧ’’ਇਤਿ વਿਭਤ੍ਤਿਲੋਪੇਨ ਨਿਦ੍ਦੇਸੋ।
Assāditanti assādaṃ itaṃ upagataṃ. Tenāha ‘‘assādavanta’’nti. Sukhadukkhanti iṭṭhāniṭṭhaṃ. Anvayatīti anvayo, hetu. Phassoti anvayo etassāti phassanvayanti āha – ‘‘phassahetuka’’nti. ‘‘Aviruddha’’iti vibhattilopena niddeso.
ਪਪਞ੍ਚਸਞ੍ਞਾਤਿ ਤਣ੍ਹਾਦਿਸਮਧੂਪਸਂਹਤਸਞ੍ਞਾ। ਤੇਨਾਹ ‘‘ਕਿਲੇਸਸਞ੍ਞਾਯ ਪਪਞ੍ਚਸਞ੍ਞਾ ਨਾਮ ਹੁਤ੍વਾ’’ਤਿ। ਪਪਞ੍ਚਸਞ੍ਞਾ ਏਤੇਸਂ ਅਤ੍ਥੀਤਿ ਪਪਞ੍ਚਸਞ੍ਞਾ, ਇਤਰੀਤਰਾ ਨਰਾ। ਪਪਞ੍ਚਯਨ੍ਤਾਤਿ ਸਂਸਾਰੇ ਪਪਞ੍ਚਂ ਚਿਰਾਯਨਂ ਕਰੋਨ੍ਤਾ। ਸਞ੍ਞਿਨੋਤਿ ਗੇਹਸ੍ਸਿਤਸਞ੍ਞਾਯ ਸਞ੍ਞਾવਨ੍ਤੋ। ਮਨੋਮਯਂ વਿਤਕ੍ਕਨ੍ਤਿ ਕੇવਲਂ ਮਨਸਾ ਸਮ੍ਭਾવਿਤਂ ਮਿਚ੍ਛਾવਿਤਕ੍ਕਂ। ਇਰੀਯਤੀਤਿ ਇਰਿਯਂ ਪਟਿਪਤ੍ਤਿਂ ਇਰੀਯਤਿ ਪਟਿਪਜ੍ਜਤਿ।
Papañcasaññāti taṇhādisamadhūpasaṃhatasaññā. Tenāha ‘‘kilesasaññāya papañcasaññā nāma hutvā’’ti. Papañcasaññā etesaṃ atthīti papañcasaññā, itarītarā narā. Papañcayantāti saṃsāre papañcaṃ cirāyanaṃ karontā. Saññinoti gehassitasaññāya saññāvanto. Manomayaṃ vitakkanti kevalaṃ manasā sambhāvitaṃ micchāvitakkaṃ. Irīyatīti iriyaṃ paṭipattiṃ irīyati paṭipajjati.
ਸੁਟ੍ਠੁ ਭਾવਿਤੋਤਿ ਸੁਟ੍ਠੁਭਾવਂ ਸੁਭਾવਨਂ ਇਤੋ ਭਾવਿਤਭਾવਿਤੋ। ਫੁਟ੍ਠਸ੍ਸ ਚਿਤ੍ਤਨ੍ਤਿ ਤੇਨ ਯਥਾવੁਤ੍ਤਫਸ੍ਸੇਨ ਫੁਟ੍ਠਂ ਅਸ੍ਸ ਚਿਤ੍ਤਂ। ਨ વਿਕਮ੍ਪਤੇ ਕ੍વਚੀਤਿ ਕਿਸ੍ਮਿਞ੍ਚਿ ਇਟ੍ਠਾਨਿਟ੍ਠਾਰਮ੍ਮਣੇ ਨ ਕਮ੍ਪਤਿ। ਪਾਰਗਾਤਿ ਪਾਰਗਾਮਿਨੋ ਭવਥ।
Suṭṭhu bhāvitoti suṭṭhubhāvaṃ subhāvanaṃ ito bhāvitabhāvito. Phuṭṭhassa cittanti tena yathāvuttaphassena phuṭṭhaṃ assa cittaṃ. Na vikampate kvacīti kismiñci iṭṭhāniṭṭhārammaṇe na kampati. Pāragāti pāragāmino bhavatha.
ਅਦਨ੍ਤਅਗੁਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Adantaaguttasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਅਦਨ੍ਤਅਗੁਤ੍ਤਸੁਤ੍ਤਂ • 1. Adantaaguttasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਅਦਨ੍ਤਅਗੁਤ੍ਤવਣ੍ਣਨਾ • 1. Adantaaguttavaṇṇanā
