| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
४. अदन्तवग्गवण्णना
4. Adantavaggavaṇṇanā
३१. चतुत्थस्स पठमे अदन्तन्ति सविसेवनं अदन्तहत्थिअस्सादिसदिसं। चित्तन्ति वट्टवसेन उप्पन्नचित्तमेव।
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
३२. दुतिये दन्तन्ति निब्बिसेवनं दन्तहत्थिअस्सादिसदिसं। इमस्मिम्पि सुत्तद्वये वट्टविवट्टवसेन उप्पन्नचित्तमेव कथितं। यथा चेत्थ, एवं इतो परेसुपीति।
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
३३. ततिये अगुत्तन्ति अगोपितं सतिसंवररहितं अगुत्तहत्थिअस्सादिसदिसं।
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
३४. चतुत्थे गुत्तन्ति गोपितं अविस्सट्ठसतिसंवरं गुत्तहत्थिअस्सादिसदिसं।
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
३५-३६. पञ्चमछट्ठानि अरक्खितं रक्खितन्ति पदवसेन बुज्झनकानं अज्झासयेन वुत्तानि। अत्थो पनेत्थ पुरिमसदिसोयेव।
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
३७-३८. सत्तमट्ठमेसुपि एसेव नयो। उपमा पनेत्थ असंवुतघरद्वारादिवसेन वेदितब्बा।
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
३९-४०. नवमदसमानि चतूहिपि पदेहि योजेत्वा वुत्तानि। इमस्मिम्पि वग्गे वट्टविवट्टमेव कथितन्ति।
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
अदन्तवग्गवण्णना।
Adantavaggavaṇṇanā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ४. अदन्तवग्गो • 4. Adantavaggo
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ४. अदन्तवग्गवण्णना • 4. Adantavaggavaṇṇanā
