| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
४. अदन्तवग्गवण्णना
4. Adantavaggavaṇṇanā
३१-३६. चतुत्थस्स पठमे अदन्तन्ति चित्तभावनाय विना न दन्तं। तेनाह – ‘‘सतिसंवररहित’’न्ति। चतुत्थे ततिये वुत्तविपरियायेन अत्थो वेदितब्बो। पञ्चमछट्ठेसु पुरिमसदिसोयेवाति ततियचतुत्थसदिसो एव।
31-36. Catutthassa paṭhame adantanti cittabhāvanāya vinā na dantaṃ. Tenāha – ‘‘satisaṃvararahita’’nti. Catutthe tatiye vuttavipariyāyena attho veditabbo. Pañcamachaṭṭhesu purimasadisoyevāti tatiyacatutthasadiso eva.
३७-३८. सत्तमट्ठमेसु उपमा पनेत्थाति यथा पठमादीसु अदन्तहत्थिअस्सादयो उपमाभावेन गहिता, एवमेत्थ सत्थमट्ठमेसु ‘‘असंवुतघरद्वारादिवसेन वेदितब्बा’’ति वुत्तं।
37-38. Sattamaṭṭhamesu upamā panetthāti yathā paṭhamādīsu adantahatthiassādayo upamābhāvena gahitā, evamettha satthamaṭṭhamesu ‘‘asaṃvutagharadvārādivasena veditabbā’’ti vuttaṃ.
३९-४०. नवमदसमेसु चतूहिपि पदेहीति अदन्तादीहि चतूहि पदेहि योजेत्वा नवमदसमानि सुत्तानि वुत्तानीति योजना।
39-40. Navamadasamesu catūhipi padehīti adantādīhi catūhi padehi yojetvā navamadasamāni suttāni vuttānīti yojanā.
अदन्तवग्गवण्णना निट्ठिता।
Adantavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ४. अदन्तवग्गो • 4. Adantavaggo
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ४. अदन्तवग्गवण्णना • 4. Adantavaggavaṇṇanā
