| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. อทนฺตวคฺควณฺณนา
4. Adantavaggavaṇṇanā
๓๑. จตุตฺถสฺส ปฐเม อทนฺตนฺติ สวิเสวนํ อทนฺตหตฺถิอสฺสาทิสทิสํฯ จิตฺตนฺติ วฎฺฎวเสน อุปฺปนฺนจิตฺตเมวฯ
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
๓๒. ทุติเย ทนฺตนฺติ นิพฺพิเสวนํ ทนฺตหตฺถิอสฺสาทิสทิสํฯ อิมสฺมิมฺปิ สุตฺตทฺวเย วฎฺฎวิวฎฺฎวเสน อุปฺปนฺนจิตฺตเมว กถิตํฯ ยถา เจตฺถ, เอวํ อิโต ปเรสุปีติฯ
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
๓๓. ตติเย อคุตฺตนฺติ อโคปิตํ สติสํวรรหิตํ อคุตฺตหตฺถิอสฺสาทิสทิสํฯ
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
๓๔. จตุเตฺถ คุตฺตนฺติ โคปิตํ อวิสฺสฎฺฐสติสํวรํ คุตฺตหตฺถิอสฺสาทิสทิสํฯ
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
๓๕-๓๖. ปญฺจมฉฎฺฐานิ อรกฺขิตํ รกฺขิตนฺติ ปทวเสน พุชฺฌนกานํ อชฺฌาสเยน วุตฺตานิฯ อโตฺถ ปเนตฺถ ปุริมสทิโสเยวฯ
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
๓๗-๓๘. สตฺตมฎฺฐเมสุปิ เอเสว นโยฯ อุปมา ปเนตฺถ อสํวุตฆรทฺวาราทิวเสน เวทิตพฺพาฯ
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
๓๙-๔๐. นวมทสมานิ จตูหิปิ ปเทหิ โยเชตฺวา วุตฺตานิฯ อิมสฺมิมฺปิ วเคฺค วฎฺฎวิวฎฺฎเมว กถิตนฺติฯ
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
อทนฺตวคฺควณฺณนาฯ
Adantavaggavaṇṇanā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. อทนฺตวโคฺค • 4. Adantavaggo
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๔. อทนฺตวคฺควณฺณนา • 4. Adantavaggavaṇṇanā
