| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៤. អទន្តវគ្គវណ្ណនា
4. Adantavaggavaṇṇanā
៣១-៣៦. ចតុត្ថស្ស បឋមេ អទន្តន្តិ ចិត្តភាវនាយ វិនា ន ទន្តំ។ តេនាហ – ‘‘សតិសំវររហិត’’ន្តិ។ ចតុត្ថេ តតិយេ វុត្តវិបរិយាយេន អត្ថោ វេទិតព្ពោ។ បញ្ចមឆដ្ឋេសុ បុរិមសទិសោយេវាតិ តតិយចតុត្ថសទិសោ ឯវ។
31-36. Catutthassa paṭhame adantanti cittabhāvanāya vinā na dantaṃ. Tenāha – ‘‘satisaṃvararahita’’nti. Catutthe tatiye vuttavipariyāyena attho veditabbo. Pañcamachaṭṭhesu purimasadisoyevāti tatiyacatutthasadiso eva.
៣៧-៣៨. សត្តមដ្ឋមេសុ ឧបមា បនេត្ថាតិ យថា បឋមាទីសុ អទន្តហត្ថិអស្សាទយោ ឧបមាភាវេន គហិតា, ឯវមេត្ថ សត្ថមដ្ឋមេសុ ‘‘អសំវុតឃរទ្វារាទិវសេន វេទិតព្ពា’’តិ វុត្តំ។
37-38. Sattamaṭṭhamesu upamā panetthāti yathā paṭhamādīsu adantahatthiassādayo upamābhāvena gahitā, evamettha satthamaṭṭhamesu ‘‘asaṃvutagharadvārādivasena veditabbā’’ti vuttaṃ.
៣៩-៤០. នវមទសមេសុ ចតូហិបិ បទេហីតិ អទន្តាទីហិ ចតូហិ បទេហិ យោជេត្វា នវមទសមានិ សុត្តានិ វុត្តានីតិ យោជនា។
39-40. Navamadasamesu catūhipi padehīti adantādīhi catūhi padehi yojetvā navamadasamāni suttāni vuttānīti yojanā.
អទន្តវគ្គវណ្ណនា និដ្ឋិតា។
Adantavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៤. អទន្តវគ្គោ • 4. Adantavaggo
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៤. អទន្តវគ្គវណ្ណនា • 4. Adantavaggavaṇṇanā
