| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၄. အဒန္တဝဂ္ဂဝဏ္ဏနာ
4. Adantavaggavaṇṇanā
၃၁. စတုတ္ထသ္သ ပဌမေ အဒန္တန္တိ သဝိသေဝနံ အဒန္တဟတ္ထိအသ္သာဒိသဒိသံ။ စိတ္တန္တိ ဝဋ္ဋဝသေန ဥပ္ပန္နစိတ္တမေဝ။
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
၃၂. ဒုတိယေ ဒန္တန္တိ နိဗ္ဗိသေဝနံ ဒန္တဟတ္ထိအသ္သာဒိသဒိသံ။ ဣမသ္မိမ္ပိ သုတ္တဒ္ဝယေ ဝဋ္ဋဝိဝဋ္ဋဝသေန ဥပ္ပန္နစိတ္တမေဝ ကထိတံ။ ယထာ စေတ္ထ, ဧဝံ ဣတော ပရေသုပီတိ။
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
၃၃. တတိယေ အဂုတ္တန္တိ အဂောပိတံ သတိသံဝရရဟိတံ အဂုတ္တဟတ္ထိအသ္သာဒိသဒိသံ။
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
၃၄. စတုတ္ထေ ဂုတ္တန္တိ ဂောပိတံ အဝိသ္သဋ္ဌသတိသံဝရံ ဂုတ္တဟတ္ထိအသ္သာဒိသဒိသံ။
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
၃၅-၃၆. ပဉ္စမဆဋ္ဌာနိ အရက္ခိတံ ရက္ခိတန္တိ ပဒဝသေန ဗုဇ္ဈနကာနံ အဇ္ဈာသယေန ဝုတ္တာနိ။ အတ္ထော ပနေတ္ထ ပုရိမသဒိသောယေဝ။
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
၃၇-၃၈. သတ္တမဋ္ဌမေသုပိ ဧသေဝ နယော။ ဥပမာ ပနေတ္ထ အသံဝုတဃရဒ္ဝာရာဒိဝသေန ဝေဒိတဗ္ဗာ။
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
၃၉-၄၀. နဝမဒသမာနိ စတူဟိပိ ပဒေဟိ ယောဇေတ္ဝာ ဝုတ္တာနိ။ ဣမသ္မိမ္ပိ ဝဂ္ဂေ ဝဋ္ဋဝိဝဋ္ဋမေဝ ကထိတန္တိ။
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
အဒန္တဝဂ္ဂဝဏ္ဏနာ။
Adantavaggavaṇṇanā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. အဒန္တဝဂ္ဂော • 4. Adantavaggo
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၄. အဒန္တဝဂ္ဂဝဏ္ဏနာ • 4. Adantavaggavaṇṇanā
