| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၄. အဒန္တဝဂ္ဂဝဏ္ဏနာ
4. Adantavaggavaṇṇanā
၃၁-၃၆. စတုတ္ထသ္သ ပဌမေ အဒန္တန္တိ စိတ္တဘာဝနာယ ဝိနာ န ဒန္တံ။ တေနာဟ – ‘‘သတိသံဝရရဟိတ’’န္တိ။ စတုတ္ထေ တတိယေ ဝုတ္တဝိပရိယာယေန အတ္ထော ဝေဒိတဗ္ဗော။ ပဉ္စမဆဋ္ဌေသု ပုရိမသဒိသောယေဝာတိ တတိယစတုတ္ထသဒိသော ဧဝ။
31-36. Catutthassa paṭhame adantanti cittabhāvanāya vinā na dantaṃ. Tenāha – ‘‘satisaṃvararahita’’nti. Catutthe tatiye vuttavipariyāyena attho veditabbo. Pañcamachaṭṭhesu purimasadisoyevāti tatiyacatutthasadiso eva.
၃၇-၃၈. သတ္တမဋ္ဌမေသု ဥပမာ ပနေတ္ထာတိ ယထာ ပဌမာဒီသု အဒန္တဟတ္ထိအသ္သာဒယော ဥပမာဘာဝေန ဂဟိတာ, ဧဝမေတ္ထ သတ္ထမဋ္ဌမေသု ‘‘အသံဝုတဃရဒ္ဝာရာဒိဝသေန ဝေဒိတဗ္ဗာ’’တိ ဝုတ္တံ။
37-38. Sattamaṭṭhamesu upamā panetthāti yathā paṭhamādīsu adantahatthiassādayo upamābhāvena gahitā, evamettha satthamaṭṭhamesu ‘‘asaṃvutagharadvārādivasena veditabbā’’ti vuttaṃ.
၃၉-၄၀. နဝမဒသမေသု စတူဟိပိ ပဒေဟီတိ အဒန္တာဒီဟိ စတူဟိ ပဒေဟိ ယောဇေတ္ဝာ နဝမဒသမာနိ သုတ္တာနိ ဝုတ္တာနီတိ ယောဇနာ။
39-40. Navamadasamesu catūhipi padehīti adantādīhi catūhi padehi yojetvā navamadasamāni suttāni vuttānīti yojanā.
အဒန္တဝဂ္ဂဝဏ္ဏနာ နိဋ္ဌိတာ။
Adantavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. အဒန္တဝဂ္ဂော • 4. Adantavaggo
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၄. အဒန္တဝဂ္ဂဝဏ္ဏနာ • 4. Adantavaggavaṇṇanā
