| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೪. ಅದನ್ತವಗ್ಗವಣ್ಣನಾ
4. Adantavaggavaṇṇanā
೩೧. ಚತುತ್ಥಸ್ಸ ಪಠಮೇ ಅದನ್ತನ್ತಿ ಸವಿಸೇವನಂ ಅದನ್ತಹತ್ಥಿಅಸ್ಸಾದಿಸದಿಸಂ। ಚಿತ್ತನ್ತಿ ವಟ್ಟವಸೇನ ಉಪ್ಪನ್ನಚಿತ್ತಮೇವ।
31. Catutthassa paṭhame adantanti savisevanaṃ adantahatthiassādisadisaṃ. Cittanti vaṭṭavasena uppannacittameva.
೩೨. ದುತಿಯೇ ದನ್ತನ್ತಿ ನಿಬ್ಬಿಸೇವನಂ ದನ್ತಹತ್ಥಿಅಸ್ಸಾದಿಸದಿಸಂ। ಇಮಸ್ಮಿಮ್ಪಿ ಸುತ್ತದ್ವಯೇ ವಟ್ಟವಿವಟ್ಟವಸೇನ ಉಪ್ಪನ್ನಚಿತ್ತಮೇವ ಕಥಿತಂ। ಯಥಾ ಚೇತ್ಥ, ಏವಂ ಇತೋ ಪರೇಸುಪೀತಿ।
32. Dutiye dantanti nibbisevanaṃ dantahatthiassādisadisaṃ. Imasmimpi suttadvaye vaṭṭavivaṭṭavasena uppannacittameva kathitaṃ. Yathā cettha, evaṃ ito paresupīti.
೩೩. ತತಿಯೇ ಅಗುತ್ತನ್ತಿ ಅಗೋಪಿತಂ ಸತಿಸಂವರರಹಿತಂ ಅಗುತ್ತಹತ್ಥಿಅಸ್ಸಾದಿಸದಿಸಂ।
33. Tatiye aguttanti agopitaṃ satisaṃvararahitaṃ aguttahatthiassādisadisaṃ.
೩೪. ಚತುತ್ಥೇ ಗುತ್ತನ್ತಿ ಗೋಪಿತಂ ಅವಿಸ್ಸಟ್ಠಸತಿಸಂವರಂ ಗುತ್ತಹತ್ಥಿಅಸ್ಸಾದಿಸದಿಸಂ।
34. Catutthe guttanti gopitaṃ avissaṭṭhasatisaṃvaraṃ guttahatthiassādisadisaṃ.
೩೫-೩೬. ಪಞ್ಚಮಛಟ್ಠಾನಿ ಅರಕ್ಖಿತಂ ರಕ್ಖಿತನ್ತಿ ಪದವಸೇನ ಬುಜ್ಝನಕಾನಂ ಅಜ್ಝಾಸಯೇನ ವುತ್ತಾನಿ। ಅತ್ಥೋ ಪನೇತ್ಥ ಪುರಿಮಸದಿಸೋಯೇವ।
35-36. Pañcamachaṭṭhāni arakkhitaṃ rakkhitanti padavasena bujjhanakānaṃ ajjhāsayena vuttāni. Attho panettha purimasadisoyeva.
೩೭-೩೮. ಸತ್ತಮಟ್ಠಮೇಸುಪಿ ಏಸೇವ ನಯೋ। ಉಪಮಾ ಪನೇತ್ಥ ಅಸಂವುತಘರದ್ವಾರಾದಿವಸೇನ ವೇದಿತಬ್ಬಾ।
37-38. Sattamaṭṭhamesupi eseva nayo. Upamā panettha asaṃvutagharadvārādivasena veditabbā.
೩೯-೪೦. ನವಮದಸಮಾನಿ ಚತೂಹಿಪಿ ಪದೇಹಿ ಯೋಜೇತ್ವಾ ವುತ್ತಾನಿ। ಇಮಸ್ಮಿಮ್ಪಿ ವಗ್ಗೇ ವಟ್ಟವಿವಟ್ಟಮೇವ ಕಥಿತನ್ತಿ।
39-40. Navamadasamāni catūhipi padehi yojetvā vuttāni. Imasmimpi vagge vaṭṭavivaṭṭameva kathitanti.
ಅದನ್ತವಗ್ಗವಣ್ಣನಾ।
Adantavaggavaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ಅದನ್ತವಗ್ಗೋ • 4. Adantavaggo
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೪. ಅದನ್ತವಗ್ಗವಣ್ಣನಾ • 4. Adantavaggavaṇṇanā
