| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
246. அத³ஸ்ஸனே உக்கே²பனீயகம்மகதா²
246. Adassane ukkhepanīyakammakathā
415. இத⁴ பன, பி⁴க்க²வே, பி⁴க்கு² ஆபத்திங் ஆபஜ்ஜித்வா ந இச்ச²தி ஆபத்திங் பஸ்ஸிதுங். தத்ர சே பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² ஆபத்திங் ஆபஜ்ஜித்வா ந இச்ச²தி ஆபத்திங் பஸ்ஸிதுங். ஹந்த³ஸ்ஸ மயங் ஆபத்தியா அத³ஸ்ஸனே உக்கே²பனீயகம்மங் கரோமா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மங் கரொந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞங் ஆவாஸங் க³ச்ச²தி. தத்த²பி பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² ஸங்கே⁴ன ஆபத்தியா அத³ஸ்ஸனே உக்கே²பனீயகம்மகதோ அத⁴ம்மேன வக்³கே³ஹி. ஹந்த³ஸ்ஸ மயங் ஆபத்தியா அத³ஸ்ஸனே உக்கே²பனீயகம்மங் கரோமா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மங் கரொந்தி – அத⁴ம்மேன ஸமக்³கா³…பே॰… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே॰….
415. Idha pana, bhikkhave, bhikkhu āpattiṃ āpajjitvā na icchati āpattiṃ passituṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu āpattiṃ āpajjitvā na icchati āpattiṃ passituṃ. Handassa mayaṃ āpattiyā adassane ukkhepanīyakammaṃ karomā’’ti. Te tassa āpattiyā adassane ukkhepanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā adassane ukkhepanīyakammakato adhammena vaggehi. Handassa mayaṃ āpattiyā adassane ukkhepanīyakammaṃ karomā’’ti. Te tassa āpattiyā adassane ukkhepanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
சக்கங் காதப்³ப³ங்.
Cakkaṃ kātabbaṃ.
அத³ஸ்ஸனே உக்கே²பனீயகம்மகதா² நிட்டி²தா.
Adassane ukkhepanīyakammakathā niṭṭhitā.
