| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༤༦. ཨདསྶནེ ཨུཀྑེཔནཱིཡཀམྨཀཐཱ
246. Adassane ukkhepanīyakammakathā
༤༡༥. ཨིདྷ པན, བྷིཀྑཝེ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ། ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཨཱཔཏྟིཾ ཨཱཔཛྫིཏྭཱ ན ཨིཙྪཏི ཨཱཔཏྟིཾ པསྶིཏུཾ། ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོམཱ’’ཏི། ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོནྟི – ཨདྷམྨེན ཝགྒཱ། སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི། ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཀཏོ ཨདྷམྨེན ཝགྒེཧི། ཧནྡསྶ མཡཾ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོམཱ’’ཏི། ཏེ ཏསྶ ཨཱཔཏྟིཡཱ ཨདསྶནེ ཨུཀྑེཔནཱིཡཀམྨཾ ཀརོནྟི – ཨདྷམྨེན སམགྒཱ…པེ॰… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ॰…།
415. Idha pana, bhikkhave, bhikkhu āpattiṃ āpajjitvā na icchati āpattiṃ passituṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu āpattiṃ āpajjitvā na icchati āpattiṃ passituṃ. Handassa mayaṃ āpattiyā adassane ukkhepanīyakammaṃ karomā’’ti. Te tassa āpattiyā adassane ukkhepanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā adassane ukkhepanīyakammakato adhammena vaggehi. Handassa mayaṃ āpattiyā adassane ukkhepanīyakammaṃ karomā’’ti. Te tassa āpattiyā adassane ukkhepanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ཙཀྐཾ ཀཱཏབྦཾ།
Cakkaṃ kātabbaṃ.
ཨདསྶནེ ཨུཀྑེཔནཱིཡཀམྨཀཐཱ ནིཊྛིཏཱ།
Adassane ukkhepanīyakammakathā niṭṭhitā.
