| Library / Tipiṭaka / திபிடக • Tipiṭaka / மஹாவக்³க³பாளி • Mahāvaggapāḷi |
253. அத³ஸ்ஸனே உக்கே²பனீயகம்மபடிப்பஸ்ஸத்³தி⁴கதா²
253. Adassane ukkhepanīyakammapaṭippassaddhikathā
426. இத⁴ பன, பி⁴க்க²வே, பி⁴க்கு² ஸங்கே⁴ன ஆபத்தியா அத³ஸ்ஸனே உக்கே²பனீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, ஆபத்தியா அத³ஸ்ஸனே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. தத்ர சே பி⁴க்கூ²னங் ஏவங் ஹோதி – ‘‘அயங் கோ², ஆவுஸோ, பி⁴க்கு² ஸங்கே⁴ன ஆபத்தியா அத³ஸ்ஸனே உக்கே²பனீயகம்மகதோ ஸம்மா வத்ததி, லோமங் பாதேதி, நெத்தா²ரங் வத்ததி, ஆபத்தியா அத³ஸ்ஸனே உக்கே²பனீயஸ்ஸ கம்மஸ்ஸ படிப்பஸ்ஸத்³தி⁴ங் யாசதி. ஹந்த³ஸ்ஸ மயங் ஆபத்தியா அத³ஸ்ஸனே உக்கே²பனீயகம்மங் படிப்பஸ்ஸம்பே⁴மா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மங் படிப்பஸ்ஸம்பெ⁴ந்தி – அத⁴ம்மேன வக்³கா³. ஸோ தம்ஹா ஆவாஸா அஞ்ஞங் ஆவாஸங் க³ச்ச²தி. தத்த²பி பி⁴க்கூ²னங் ஏவங் ஹோதி – ‘‘இமஸ்ஸ கோ², ஆவுஸோ, பி⁴க்கு²னோ ஸங்கே⁴ன ஆபத்தியா அத³ஸ்ஸனே உக்கே²பனீயகம்மங் படிப்பஸ்ஸத்³த⁴ங் அத⁴ம்மேன வக்³கே³ஹி. ஹந்த³ஸ்ஸ மயங் ஆபத்தியா அத³ஸ்ஸனே உக்கே²பனீயகம்மங் படிப்பஸ்ஸம்பே⁴மா’’தி. தே தஸ்ஸ ஆபத்தியா அத³ஸ்ஸனே உக்கே²பனீயகம்மங் படிப்பஸ்ஸம்பெ⁴ந்தி – அத⁴ம்மேன ஸமக்³கா³…பே॰… த⁴ம்மேன வக்³கா³… த⁴ம்மபதிரூபகேன வக்³கா³… த⁴ம்மபதிரூபகேன ஸமக்³கா³…பே॰….
426. Idha pana, bhikkhave, bhikkhu saṅghena āpattiyā adassane ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane ukkhepanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā adassane ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane ukkhepanīyassa kammassa paṭippassaddhiṃ yācati. Handassa mayaṃ āpattiyā adassane ukkhepanīyakammaṃ paṭippassambhemā’’ti. Te tassa āpattiyā adassane ukkhepanīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena āpattiyā adassane ukkhepanīyakammaṃ paṭippassaddhaṃ adhammena vaggehi. Handassa mayaṃ āpattiyā adassane ukkhepanīyakammaṃ paṭippassambhemā’’ti. Te tassa āpattiyā adassane ukkhepanīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
சக்கங் காதப்³ப³ங்.
Cakkaṃ kātabbaṃ.
அத³ஸ்ஸனே உக்கே²பனீயகம்மபடிப்பஸ்ஸத்³தி⁴கதா² நிட்டி²தா.
Adassane ukkhepanīyakammapaṭippassaddhikathā niṭṭhitā.
