| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
253. ад̣̇ассанз угкзбанийяагаммабадиббассад̣̇д̇хигат̇аа
253. Adassane ukkhepanīyakammapaṭippassaddhikathā
426. ид̇ха бана, бхигкавз, бхигку сан̇гхзна аабад̇д̇ияаа ад̣̇ассанз угкзбанийяагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, аабад̇д̇ияаа ад̣̇ассанз угкзбанийяасса гаммасса бадиббассад̣̇д̇хим̣ яаажад̇и. д̇ад̇ра жз бхигкуунам̣ звам̣ ход̇и – ‘‘аяам̣ ко, аавусо, бхигку сан̇гхзна аабад̇д̇ияаа ад̣̇ассанз угкзбанийяагаммагад̇о саммаа вад̇д̇ад̇и, ломам̣ баад̇зд̇и, нзд̇т̇аарам̣ вад̇д̇ад̇и, аабад̇д̇ияаа ад̣̇ассанз угкзбанийяасса гаммасса бадиббассад̣̇д̇хим̣ яаажад̇и. ханд̣̇асса маяам̣ аабад̇д̇ияаа ад̣̇ассанз угкзбанийяагаммам̣ бадиббассамбхзмаа’’д̇и. д̇з д̇асса аабад̇д̇ияаа ад̣̇ассанз угкзбанийяагаммам̣ бадиббассамбхзнд̇и – ад̇хаммзна ваг̇г̇аа. со д̇амхаа ааваасаа ан̃н̃ам̣ ааваасам̣ г̇ажчад̇и. д̇ад̇т̇аби бхигкуунам̣ звам̣ ход̇и – ‘‘имасса ко, аавусо, бхигкуно сан̇гхзна аабад̇д̇ияаа ад̣̇ассанз угкзбанийяагаммам̣ бадиббассад̣̇д̇хам̣ ад̇хаммзна ваг̇г̇зхи. ханд̣̇асса маяам̣ аабад̇д̇ияаа ад̣̇ассанз угкзбанийяагаммам̣ бадиббассамбхзмаа’’д̇и. д̇з д̇асса аабад̇д̇ияаа ад̣̇ассанз угкзбанийяагаммам̣ бадиббассамбхзнд̇и – ад̇хаммзна самаг̇г̇аа…бз… д̇хаммзна ваг̇г̇аа… д̇хаммабад̇ируубагзна ваг̇г̇аа… д̇хаммабад̇ируубагзна самаг̇г̇аа…бз….
426. Idha pana, bhikkhave, bhikkhu saṅghena āpattiyā adassane ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane ukkhepanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena āpattiyā adassane ukkhepanīyakammakato sammā vattati, lomaṃ pāteti, netthāraṃ vattati, āpattiyā adassane ukkhepanīyassa kammassa paṭippassaddhiṃ yācati. Handassa mayaṃ āpattiyā adassane ukkhepanīyakammaṃ paṭippassambhemā’’ti. Te tassa āpattiyā adassane ukkhepanīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena āpattiyā adassane ukkhepanīyakammaṃ paṭippassaddhaṃ adhammena vaggehi. Handassa mayaṃ āpattiyā adassane ukkhepanīyakammaṃ paṭippassambhemā’’ti. Te tassa āpattiyā adassane ukkhepanīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
жаггам̣ гаад̇аб̣б̣ам̣.
Cakkaṃ kātabbaṃ.
ад̣̇ассанз угкзбанийяагаммабадиббассад̣̇д̇хигат̇аа нидтид̇аа.
Adassane ukkhepanīyakammapaṭippassaddhikathā niṭṭhitā.
