| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
260. ад̣̇ассанз угкзбанийяагаммавиваад̣̇агат̇аа
260. Adassane ukkhepanīyakammavivādakathā
437. ид̇ха бана, бхигкавз, бхигку аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бассид̇ум̣. д̇ад̇ра жз бхигкуунам̣ звам̣ ход̇и – ‘‘аяам̣ ко, аавусо, бхигку аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бассид̇ум̣. ханд̣̇асса маяам̣ аабад̇д̇ияаа ад̣̇ассанз угкзбанийяагаммам̣ гаромаа’’д̇и. д̇з д̇асса аабад̇д̇ияаа ад̣̇ассанз угкзбанийяагаммам̣ гаронд̇и – ад̇хаммзна ваг̇г̇аа…бз… ад̇хаммзна самаг̇г̇аа… д̇хаммзна ваг̇г̇аа… д̇хаммабад̇ируубагзна ваг̇г̇аа… д̇хаммабад̇ируубагзна самаг̇г̇аа. д̇ад̇радто сан̇гхо вивад̣̇ад̇и – ‘‘ад̇хаммзна ваг̇г̇агаммам̣, ад̇хаммзна самаг̇г̇агаммам̣, д̇хаммзна ваг̇г̇агаммам̣, д̇хаммабад̇ируубагзна ваг̇г̇агаммам̣, д̇хаммабад̇ируубагзна самаг̇г̇агаммам̣, агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и. д̇ад̇ра, бхигкавз, яз д̇з бхигкуу звамаахам̣су – ‘‘д̇хаммабад̇ируубагзна самаг̇г̇агамма’’нд̇и, яз жа д̇з бхигкуу звамаахам̣су – ‘‘агад̇ам̣ гаммам̣ д̣̇уггадам̣ гаммам̣ буна гаад̇аб̣б̣ам̣ гамма’’нд̇и, имз д̇ад̇т̇а бхигкуу д̇хаммаваад̣̇ино. имз бан̃жа ваараа сам̣кид̇д̇аа.
437. Idha pana, bhikkhave, bhikkhu āpattiṃ āpajjitvā na icchati āpattiṃ passituṃ. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu āpattiṃ āpajjitvā na icchati āpattiṃ passituṃ. Handassa mayaṃ āpattiyā adassane ukkhepanīyakammaṃ karomā’’ti. Te tassa āpattiyā adassane ukkhepanīyakammaṃ karonti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave, ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino. Ime pañca vārā saṃkhittā.
ад̣̇ассанз угкзбанийяагаммавиваад̣̇агат̇аа нидтид̇аа.
Adassane ukkhepanīyakammavivādakathā niṭṭhitā.
