Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā

аад̣̇ааяасад̇д̇агаад̣̇игат̇ааван̣н̣анаа

Ādāyasattakādikathāvaṇṇanā

311. аяанд̇и аасааважчзд̣̇иго гат̇инуд̣̇д̇хааро. ид̇ха на вуд̇д̇од̇и баал̣ияам̣ маад̇игаабад̣̇абхааж̇анз савананд̇игаананд̇арам̣ на вуд̇д̇о. д̇ад̇т̇аад̇и д̇асмим̣ сиймаад̇игганд̇игз гат̇инуд̣̇д̇хаарз. ‘‘сиймаад̇игганд̇иго наама жийварагааласиймаад̇игганд̇иго’’д̇и гзнажи вуд̇д̇ам̣. ‘‘б̣ахисиймааяам̣ жийварагааласамаяасса ад̇игганд̇ад̇д̇аа сиймаад̇игганд̇иго’’д̇и аяам̣ амхаагам̣ канд̇и. сахуб̣бхаарз ‘‘со гад̇ажийваро’’д̇и баато д̣̇иссад̇и, зван̃жа сад̇и жийварабалиб̣од̇хо батамам̣ чиж̇ж̇ад̇ийд̇и вин̃н̃ааяад̇и, ид̇ха бана бариваарабаал̣ияан̃жа ‘‘д̣̇вз балиб̣од̇хаа абуб̣б̣ам̣ ажаримам̣ чиж̇ж̇анд̇ий’’д̇и (бари. 415) важанад̇о д̇ам̣ на самзд̇и, д̇асмаа виймам̣сид̇аб̣б̣амзд̇т̇а гааран̣ам̣.

311.Ayanti āsāvacchediko kathinuddhāro. Idha na vuttoti pāḷiyaṃ mātikāpadabhājane savanantikānantaraṃ na vutto. Tatthāti tasmiṃ sīmātikkantike kathinuddhāre. ‘‘Sīmātikkantiko nāma cīvarakālasīmātikkantiko’’ti kenaci vuttaṃ. ‘‘Bahisīmāyaṃ cīvarakālasamayassa atikkantattā sīmātikkantiko’’ti ayaṃ amhākaṃ khanti. Sahubbhāre ‘‘so katacīvaro’’ti pāṭho dissati, evañca sati cīvarapalibodho paṭhamaṃ chijjatīti viññāyati, idha pana parivārapāḷiyañca ‘‘dve palibodhā apubbaṃ acarimaṃ chijjantī’’ti (pari. 415) vacanato taṃ na sameti, tasmā vīmaṃsitabbamettha kāraṇaṃ.

312. ‘‘самаад̣̇ааяавааро аад̣̇ааяаваарасад̣̇исо, убасаг̇г̇амад̇д̇амзд̇т̇а висзсо’’д̇и г̇ан̣тибад̣̇зсу вуд̇д̇ам̣. гзжи бана ‘‘саб̣б̣ам̣ ад̇д̇ано баригкаарам̣ анавасзсзд̇ваа баггаманд̇о ‘самаад̣̇ааяа баггамад̇ий’д̇и вужжад̇ий’’д̇и вад̣̇анд̇и. буна самаад̣̇ааяаваарзби д̇зязва д̣̇ассид̇аад̇и самб̣анд̇хо. виббагад̇ажийварз баггамананд̇игасса гат̇инуд̣̇д̇хаарасса асамбхавад̇о ‘‘яат̇аасамбхава’’нд̇и вуд̇д̇ам̣. баггамананд̇иго хи гат̇инуд̣̇д̇хааро нидтид̇ажийварассзва васзна вуд̇д̇о ‘‘бхигку ад̇т̇ад̇агат̇ино гад̇ажийварам̣ аад̣̇ааяа баггамад̇ий’’д̇и вуд̇д̇ад̇д̇аа, д̇асмаа со виббагад̇ажийваро на самбхавад̇ийд̇и чал̣зва уб̣бхаараа д̇ад̇т̇а д̣̇ассид̇аа.

312. ‘‘Samādāyavāro ādāyavārasadiso, upasaggamattamettha viseso’’ti gaṇṭhipadesu vuttaṃ. Keci pana ‘‘sabbaṃ attano parikkhāraṃ anavasesetvā pakkamanto ‘samādāya pakkamatī’ti vuccatī’’ti vadanti. Puna samādāyavārepi teyeva dassitāti sambandho. Vippakatacīvare pakkamanantikassa kathinuddhārassa asambhavato ‘‘yathāsambhava’’nti vuttaṃ. Pakkamanantiko hi kathinuddhāro niṭṭhitacīvarasseva vasena vutto ‘‘bhikkhu atthatakathino katacīvaraṃ ādāya pakkamatī’’ti vuttattā, tasmā so vippakatacīvaro na sambhavatīti chaḷeva ubbhārā tattha dassitā.

д̇ад̇рааяам̣ аад̣̇ид̇о бадтааяа вааравибхааванаа – аад̣̇ааяаваараа сад̇д̇а, д̇ат̇аа самаад̣̇ааяаваараад̇и д̣̇вз сад̇д̇агаваараа, д̇ад̇о баггамананд̇игам̣ важ̇ж̇зд̇ваа виббагад̇ажийварасса аад̣̇ааяасамаад̣̇ааяавааравасзна д̣̇вз чаггаваараа, д̇ад̇о барам̣ нидтаанасаннидтаананаасананд̇игаанам̣ васзна д̇ийн̣и д̇игаани д̣̇ассид̇аани. д̇ад̇т̇а батамад̇д̇игам̣ анд̇осиймааяам̣ ‘‘бажжзссам̣ на бажжзсса’’нд̇и имам̣ вид̇хим̣ анаамасид̇ваа б̣ахисиймааяамзва ‘‘на бажжзсса’’нд̇и бавад̇д̇ам̣, д̇асмаа баггамананд̇игасиймаад̇игганд̇игасауб̣бхаараа д̇ад̇т̇а на яуж̇ж̇анд̇и. д̣̇уд̇ияад̇д̇игам̣ анд̇осиймааяам̣ ‘‘на бажжзсса’’нд̇и бавад̇д̇ам̣. д̇ад̇ияад̇д̇игам̣ анад̇хидтид̇а-бад̣̇зна висзсзд̇ваа бавад̇д̇ам̣, ад̇т̇ад̇о батамад̇д̇игзна самзд̇и. анад̇хидтид̇знаад̇и жа ‘‘бажжзссам̣ на бажжзсса’’нд̇и звам̣ анад̇хидтид̇зна, анияамид̇знаад̇и ад̇т̇о. д̇ад̇ияад̇д̇игаананд̇арам̣ жад̇уд̇т̇ад̇д̇игам̣ самбхаванд̇ам̣ анд̇осиймааяам̣ ‘‘бажжзсса’’нд̇и важанависзсзна самбхавад̇и. д̇ат̇аа жа яож̇ияамаанам̣ ид̇арзхи савананд̇игаад̣̇ийхи авируд̣̇д̇хам̣ ход̇ийд̇и жад̇уд̇т̇ад̇д̇игам̣ ахуд̇ваа чаггам̣ ж̇аад̇анд̇и взд̣̇ид̇аб̣б̣ам̣. звам̣ д̇ийн̣и д̇игаани згам̣ чагган̃жаад̇и батамам̣ баннарасагам̣ взд̣̇ид̇аб̣б̣ам̣.

Tatrāyaṃ ādito paṭṭhāya vāravibhāvanā – ādāyavārā satta, tathā samādāyavārāti dve sattakavārā, tato pakkamanantikaṃ vajjetvā vippakatacīvarassa ādāyasamādāyavāravasena dve chakkavārā, tato paraṃ niṭṭhānasanniṭṭhānanāsanantikānaṃ vasena tīṇi tikāni dassitāni. Tattha paṭhamattikaṃ antosīmāyaṃ ‘‘paccessaṃ na paccessa’’nti imaṃ vidhiṃ anāmasitvā bahisīmāyameva ‘‘na paccessa’’nti pavattaṃ, tasmā pakkamanantikasīmātikkantikasaubbhārā tattha na yujjanti. Dutiyattikaṃ antosīmāyaṃ ‘‘na paccessa’’nti pavattaṃ. Tatiyattikaṃ anadhiṭṭhita-padena visesetvā pavattaṃ, atthato paṭhamattikena sameti. Anadhiṭṭhitenāti ca ‘‘paccessaṃ na paccessa’’nti evaṃ anadhiṭṭhitena, aniyamitenāti attho. Tatiyattikānantaraṃ catutthattikaṃ sambhavantaṃ antosīmāyaṃ ‘‘paccessa’’nti vacanavisesena sambhavati. Tathā ca yojiyamānaṃ itarehi savanantikādīhi aviruddhaṃ hotīti catutthattikaṃ ahutvā chakkaṃ jātanti veditabbaṃ. Evaṃ tīṇi tikāni ekaṃ chakkañcāti paṭhamaṃ pannarasakaṃ veditabbaṃ.

316-320. д̇ад̇о ид̣̇амзва баннарасагам̣ убасаг̇г̇ависзсзна д̣̇уд̇ияам̣ самаад̣̇ааяабаннарасагам̣ наама гад̇ам̣. буна ‘‘виббагад̇ажийварам̣ аад̣̇ааяаа’’д̇и д̇ад̇ияам̣ баннарасагам̣, ‘‘самаад̣̇ааяаа’’д̇и жад̇уд̇т̇ам̣ баннарасагам̣ д̣̇ассид̇анд̇и звам̣ жад̇д̇аари баннарасагаани взд̣̇ид̇аб̣б̣аани. д̇ад̇т̇а батамад̣̇уд̇иязсу баннарасагзсу саб̣б̣зна саб̣б̣ам̣ агад̇ажийварам̣ ад̇хиббзд̇ам̣, ид̇арзсу д̣̇вийсу виббагад̇анд̇и взд̣̇ид̇аб̣б̣ам̣. д̇ад̇о барам̣ ‘‘жийвараасааяа баггамад̇ий’’д̇иаад̣̇инаа наязна нидтаанасаннидтаананаасанааасааважчзд̣̇игавасзна зго ваарод̇и ид̣̇амзгам̣ жад̇уггам̣ ж̇аад̇ам̣, д̇асмаа буб̣б̣з вуд̇д̇аани д̇игаани аасааважчзд̣̇игаани д̇ийн̣и жа д̇игаанийд̇и зд̇ам̣ анаасааяад̣̇ваад̣̇асаганд̇и взд̣̇ид̇аб̣б̣ам̣. д̇ад̣̇ананд̇арз аасааяад̣̇ваад̣̇асагз гин̃жааби батамам̣ д̣̇ваад̣̇асагам̣ лаб̣бхад̇и, д̇ат̇ааби д̇ам̣ ниб̣б̣исзсанд̇и д̇амзгам̣ д̣̇ваад̣̇асагам̣ авуд̇д̇асид̣̇д̇хам̣ гад̇ваа висзсад̇о д̣̇ассзд̇ум̣ аад̣̇ид̇о бадтааяа ‘‘анд̇осиймааяам̣ бажжзсса’’нд̇и вуд̇д̇ам̣. д̇ам̣ д̣̇уд̇ияажад̇уггз ‘‘со б̣ахисиймаг̇ад̇о сун̣аад̇ий’’д̇иаад̣̇иважанасса д̇ад̇ияажад̇уггз савананд̇игаад̣̇ийнан̃жа огаасагаран̣ад̇т̇анд̇и взд̣̇ид̇аб̣б̣ам̣. ид̣̇ам̣ бана д̣̇ваад̣̇асагам̣ анаасааяавасзнаби лаб̣бхамаанам̣ иминаа авуд̇д̇асид̣̇д̇хам̣ гад̇ваа на д̣̇ассид̇анд̇и взд̣̇ид̇аб̣б̣ам̣. звамзд̇т̇а д̣̇вз д̣̇ваад̣̇асагаани уд̣̇д̇харид̇аб̣б̣аани. гаран̣ийяад̣̇ваад̣̇асагзби яат̇аад̣̇ассид̇ам̣ анаасааяад̣̇ваад̣̇асагам̣ авуд̇д̇асид̣̇д̇хам̣ аасааяад̣̇ваад̣̇асаган̃жаад̇и д̣̇вз д̣̇ваад̣̇асагаани уд̣̇д̇харид̇аб̣б̣аани.

316-320. Tato idameva pannarasakaṃ upasaggavisesena dutiyaṃ samādāyapannarasakaṃ nāma kataṃ. Puna ‘‘vippakatacīvaraṃ ādāyā’’ti tatiyaṃ pannarasakaṃ, ‘‘samādāyā’’ti catutthaṃ pannarasakaṃ dassitanti evaṃ cattāri pannarasakāni veditabbāni. Tattha paṭhamadutiyesu pannarasakesu sabbena sabbaṃ akatacīvaraṃ adhippetaṃ, itaresu dvīsu vippakatanti veditabbaṃ. Tato paraṃ ‘‘cīvarāsāya pakkamatī’’tiādinā nayena niṭṭhānasanniṭṭhānanāsanaāsāvacchedikavasena eko vāroti idamekaṃ catukkaṃ jātaṃ, tasmā pubbe vuttāni tikāni āsāvacchedikāni tīṇi ca tikānīti etaṃ anāsāyadvādasakanti veditabbaṃ. Tadanantare āsāyadvādasake kiñcāpi paṭhamaṃ dvādasakaṃ labbhati, tathāpi taṃ nibbisesanti tamekaṃ dvādasakaṃ avuttasiddhaṃ katvā visesato dassetuṃ ādito paṭṭhāya ‘‘antosīmāyaṃ paccessa’’nti vuttaṃ. Taṃ dutiyacatukke ‘‘so bahisīmagato suṇātī’’tiādivacanassa tatiyacatukke savanantikādīnañca okāsakaraṇatthanti veditabbaṃ. Idaṃ pana dvādasakaṃ anāsāyavasenapi labbhamānaṃ iminā avuttasiddhaṃ katvā na dassitanti veditabbaṃ. Evamettha dve dvādasakāni uddharitabbāni. Karaṇīyadvādasakepi yathādassitaṃ anāsāyadvādasakaṃ avuttasiddhaṃ āsāyadvādasakañcāti dve dvādasakāni uddharitabbāni.

321-322. яасмаа д̣̇исам̣г̇амиганавагз ‘‘д̣̇исам̣г̇амиго баггамад̇ий’’д̇и важанзнзва ‘‘на бажжзсса’’нд̇и ид̣̇ам̣ авуд̇д̇асид̣̇д̇хамзва, д̇асмаа д̇ам̣ на вуд̇д̇ам̣. зд̇д̇аавад̇аа жа ааваасабалиб̣од̇хаабхааво д̣̇ассид̇о. жийварабадивийсам̣ абавилааяамаанод̇и иминаа жийварабалиб̣од̇хасаман̇г̇ид̇амасса д̣̇ассзд̇и. д̇ад̇т̇а жийварабадивийсанд̇и ад̇д̇ано бад̇д̇аб̣б̣ажийварабхааг̇ам̣. абавилааяамаанод̇и ааган̇камаано. д̇асса жийваралаабхз сад̇и вассам̣вуд̇т̇ааваасз нидтаанасаннидтаананаасананд̇игаанам̣ васзна згам̣ д̇игам̣, д̇зсам̣язва васзна анд̇араамаг̇г̇з згам̣, г̇ад̇адтаанз зганд̇и д̇ин̣н̣ам̣ д̇игаанам̣ васзна згам̣ навагам̣ взд̣̇ид̇аб̣б̣ам̣.

321-322. Yasmā disaṃgamikanavake ‘‘disaṃgamiko pakkamatī’’ti vacaneneva ‘‘na paccessa’’nti idaṃ avuttasiddhameva, tasmā taṃ na vuttaṃ. Ettāvatā ca āvāsapalibodhābhāvo dassito. Cīvarapaṭivīsaṃ apavilāyamānoti iminā cīvarapalibodhasamaṅgitamassa dasseti. Tattha cīvarapaṭivīsanti attano pattabbacīvarabhāgaṃ. Apavilāyamānoti ākaṅkhamāno. Tassa cīvaralābhe sati vassaṃvutthāvāse niṭṭhānasanniṭṭhānanāsanantikānaṃ vasena ekaṃ tikaṃ, tesaṃyeva vasena antarāmagge ekaṃ, gataṭṭhāne ekanti tiṇṇaṃ tikānaṃ vasena ekaṃ navakaṃ veditabbaṃ.

324. д̇ад̇о барам̣ нидтаанасаннидтаананаасананд̇игасиймаад̇игганд̇игасауб̣бхаараанам̣ васзна паасувихаарабан̃жагам̣ вуд̇д̇ам̣. сзсамзд̇т̇а баал̣ид̇о адтагат̇аад̇о жа сувин̃н̃зяяамзва.

324. Tato paraṃ niṭṭhānasanniṭṭhānanāsanantikasīmātikkantikasaubbhārānaṃ vasena phāsuvihārapañcakaṃ vuttaṃ. Sesamettha pāḷito aṭṭhakathāto ca suviññeyyameva.

аад̣̇ааяасад̇д̇агаад̣̇игат̇ааван̣н̣анаа нидтид̇аа.

Ādāyasattakādikathāvaṇṇanā niṭṭhitā.

гат̇инагканд̇хагаван̣н̣анаа нидтид̇аа.

Kathinakkhandhakavaṇṇanā niṭṭhitā.

Next: 8. жийварагканд̇хагам̣ • 8. Cīvarakkhandhakaṃ

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аад̣̇ааяасад̇д̇агагат̇аа • Ādāyasattakakathā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аад̣̇ааяасад̇д̇агагат̇ааван̣н̣анаа • Ādāyasattakakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аад̣̇ааяасад̇д̇агагат̇ааван̣н̣анаа • Ādāyasattakakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 188. аад̣̇ааяасад̇д̇агагат̇аа • 188. Ādāyasattakakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact