Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi

१८८. आदायसत्तककथा

188. Ādāyasattakakathā

३११. न पच्‍चेस्सन्ति एत्थ पतीत्यूपसग्गस्स पुनत्थं, इधातुया च गत्यत्थं दस्सेन्तो आह ‘‘न पुन आगमिस्स’’न्ति। एवं पक्‍कमतो छिज्‍जतीति सम्बन्धो।

311.Na paccessanti ettha patītyūpasaggassa punatthaṃ, idhātuyā ca gatyatthaṃ dassento āha ‘‘na puna āgamissa’’nti. Evaṃ pakkamato chijjatīti sambandho.

एतञ्‍चाति पक्‍कमनन्तिकं, कथिनुद्धारञ्‍च। ताहन्ति ते अहं। तेति तुय्हं।

Etañcāti pakkamanantikaṃ, kathinuddhārañca. Tāhanti te ahaṃ. Teti tuyhaṃ.

अञ्‍ञन्ति अत्तनो विहारतो अञ्‍ञं। एवं होतीति एसो परिवितक्‍को होति। सोति आवासपलिबोधो। आदिच्‍चबन्धुना वुत्तोति योजना।

Aññanti attano vihārato aññaṃ. Evaṃ hotīti eso parivitakko hoti. Soti āvāsapalibodho. Ādiccabandhunā vuttoti yojanā.

द्वे पलिबोधा एकतो छिज्‍जन्तीति सम्बन्धो। अपुब्बं अचरिमन्ति एकपहारेनेव। सो पलिबोधूपच्छेदो कस्मा वित्थारतो न वुत्तोति आह ‘‘सो पना’’तिआदि। सो पनाति पलिबोधूपच्छेदो पन। न वुत्तोति सम्बन्धो। एत्थाति इमस्मिं कथिनुब्भारे। कस्मा अयं कथिनुद्धारो ‘‘नासनन्तिको’’ति वुत्तोति आह ‘‘यस्मा’’तिआदि। तस्साति भिक्खुनो।

Dve palibodhā ekato chijjantīti sambandho. Apubbaṃ acarimanti ekapahāreneva. So palibodhūpacchedo kasmā vitthārato na vuttoti āha ‘‘so panā’’tiādi. So panāti palibodhūpacchedo pana. Na vuttoti sambandho. Etthāti imasmiṃ kathinubbhāre. Kasmā ayaṃ kathinuddhāro ‘‘nāsanantiko’’ti vuttoti āha ‘‘yasmā’’tiādi. Tassāti bhikkhuno.

आसावच्छेदिके छिज्‍जतीति सम्बन्धो। अयं पनाति आसावच्छेदिको कथिनुद्धारो पन। अनेकपभेदो होतीति सम्बन्धो। तस्साति भिक्खुस्स। वुत्तोति अयं आसावच्छेदिको कथिनुद्धारो वुत्तोति योजना। एत्थ पनाति इमस्मिं पन ठाने। तत्थाति सीमातिक्‍कन्तिके।

Āsāvacchedike chijjatīti sambandho. Ayaṃ panāti āsāvacchediko kathinuddhāro pana. Anekapabhedo hotīti sambandho. Tassāti bhikkhussa. Vuttoti ayaṃ āsāvacchediko kathinuddhāro vuttoti yojanā. Ettha panāti imasmiṃ pana ṭhāne. Tatthāti sīmātikkantike.

३१२-३२५. एवन्तिआदि निगमनं। सत्तकेति अट्ठसु मातिकासु आसावच्छेदतो सेसे सत्तपमाणे, सत्तसमूहे वा। तेयेवाति सत्तके एव। ततोति वारतो। ये येति कथिनुद्धारा। इतरेहीति आसावच्छेदतो अञ्‍ञेहि। ये पलिबोधा वुत्ताति सम्बन्धो। आवासो चजीयति अनेनाति चत्तन्ति वचनत्थं दस्सेन्तो आह ‘‘येन चित्तेना’’तिआदि। तन्ति चित्तं। ‘‘एसेव नयो’’ति इमिना आवासो वमीयति अनेनाति वन्तं। आवासतो मुच्‍चति अनेनाति मुत्तन्ति वचनत्थं अतिदिसति। सब्बत्थाति सब्बस्मिं कथिनक्खन्धके।

312-325.Evantiādi nigamanaṃ. Sattaketi aṭṭhasu mātikāsu āsāvacchedato sese sattapamāṇe, sattasamūhe vā. Teyevāti sattake eva. Tatoti vārato. Ye yeti kathinuddhārā. Itarehīti āsāvacchedato aññehi. Ye palibodhā vuttāti sambandho. Āvāso cajīyati anenāti cattanti vacanatthaṃ dassento āha ‘‘yena cittenā’’tiādi. Tanti cittaṃ. ‘‘Eseva nayo’’ti iminā āvāso vamīyati anenāti vantaṃ. Āvāsato muccati anenāti muttanti vacanatthaṃ atidisati. Sabbatthāti sabbasmiṃ kathinakkhandhake.

इति कथिनक्खन्धकवण्णनाय योजना समत्ता।

Iti kathinakkhandhakavaṇṇanāya yojanā samattā.

Next: ८. चीवरक्खन्धकं • 8. Cīvarakkhandhakaṃ

अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā / आदायसत्तककथा • Ādāyasattakakathā

टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / आदायसत्तकादिकथावण्णना • Ādāyasattakādikathāvaṇṇanā

टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / आदायसत्तककथावण्णना • Ādāyasattakakathāvaṇṇanā

टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / आदायसत्तककथावण्णना • Ādāyasattakakathāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact