| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
188. ආදායසත්‌තකකථා
188. Ādāyasattakakathā
311. න පච්‌චෙස්‌සන්‌ති එත්‌ථ පතීත්‍යූපසග්‌ගස්‌ස පුනත්‌ථං, ඉධාතුයා ච ගත්‍යත්‌ථං දස්‌සෙන්‌තො ආහ ‘‘න පුන ආගමිස්‌ස’’න්‌ති. එවං පක්‌කමතො ඡිජ්‌ජතීති සම්‌බන්‌ධො.
311.Na paccessanti ettha patītyūpasaggassa punatthaṃ, idhātuyā ca gatyatthaṃ dassento āha ‘‘na puna āgamissa’’nti. Evaṃ pakkamato chijjatīti sambandho.
එතඤ්‌චාති පක්‌කමනන්‌තිකං, කථිනුද්‌ධාරඤ්‌ච. තාහන්‌ති තෙ අහං. තෙති තුය්‌හං.
Etañcāti pakkamanantikaṃ, kathinuddhārañca. Tāhanti te ahaṃ. Teti tuyhaṃ.
අඤ්‌ඤන්‌ති අත්‌තනො විහාරතො අඤ්‌ඤං. එවං හොතීති එසො පරිවිතක්‌කො හොති. සොති ආවාසපලිබොධො. ආදිච්‌චබන්‌ධුනා වුත්‌තොති යොජනා.
Aññanti attano vihārato aññaṃ. Evaṃ hotīti eso parivitakko hoti. Soti āvāsapalibodho. Ādiccabandhunā vuttoti yojanā.
ද්‌වෙ පලිබොධා එකතො ඡිජ්‌ජන්‌තීති සම්‌බන්‌ධො. අපුබ්‌බං අචරිමන්‌ති එකපහාරෙනෙව. සො පලිබොධූපච්‌ඡෙදො කස්‌මා විත්‌ථාරතො න වුත්‌තොති ආහ ‘‘සො පනා’’තිආදි. සො පනාති පලිබොධූපච්‌ඡෙදො පන. න වුත්‌තොති සම්‌බන්‌ධො. එත්‌ථාති ඉමස්‌මිං කථිනුබ්‌භාරෙ. කස්‌මා අයං කථිනුද්‌ධාරො ‘‘නාසනන්‌තිකො’’ති වුත්‌තොති ආහ ‘‘යස්‌මා’’තිආදි. තස්‌සාති භික්‌ඛුනො.
Dve palibodhā ekato chijjantīti sambandho. Apubbaṃ acarimanti ekapahāreneva. So palibodhūpacchedo kasmā vitthārato na vuttoti āha ‘‘so panā’’tiādi. So panāti palibodhūpacchedo pana. Na vuttoti sambandho. Etthāti imasmiṃ kathinubbhāre. Kasmā ayaṃ kathinuddhāro ‘‘nāsanantiko’’ti vuttoti āha ‘‘yasmā’’tiādi. Tassāti bhikkhuno.
ආසාවච්‌ඡෙදිකෙ ඡිජ්‌ජතීති සම්‌බන්‌ධො. අයං පනාති ආසාවච්‌ඡෙදිකො කථිනුද්‌ධාරො පන. අනෙකපභෙදො හොතීති සම්‌බන්‌ධො. තස්‌සාති භික්‌ඛුස්‌ස. වුත්‌තොති අයං ආසාවච්‌ඡෙදිකො කථිනුද්‌ධාරො වුත්‌තොති යොජනා. එත්‌ථ පනාති ඉමස්‌මිං පන ඨානෙ. තත්‌ථාති සීමාතික්‌කන්‌තිකෙ.
Āsāvacchedike chijjatīti sambandho. Ayaṃ panāti āsāvacchediko kathinuddhāro pana. Anekapabhedo hotīti sambandho. Tassāti bhikkhussa. Vuttoti ayaṃ āsāvacchediko kathinuddhāro vuttoti yojanā. Ettha panāti imasmiṃ pana ṭhāne. Tatthāti sīmātikkantike.
312-325. එවන්‌තිආදි නිගමනං. සත්‌තකෙති අට්‌ඨසු මාතිකාසු ආසාවච්‌ඡෙදතො සෙසෙ සත්‌තපමාණෙ, සත්‌තසමූහෙ වා. තෙයෙවාති සත්‌තකෙ එව. තතොති වාරතො. යෙ යෙති කථිනුද්‌ධාරා. ඉතරෙහීති ආසාවච්‌ඡෙදතො අඤ්‌ඤෙහි. යෙ පලිබොධා වුත්‌තාති සම්‌බන්‌ධො. ආවාසො චජීයති අනෙනාති චත්‌තන්‌ති වචනත්‌ථං දස්‌සෙන්‌තො ආහ ‘‘යෙන චිත්‌තෙනා’’තිආදි. තන්‌ති චිත්‌තං. ‘‘එසෙව නයො’’ති ඉමිනා ආවාසො වමීයති අනෙනාති වන්‌තං. ආවාසතො මුච්‌චති අනෙනාති මුත්‌තන්‌ති වචනත්‌ථං අතිදිසති. සබ්‌බත්‌ථාති සබ්‌බස්‌මිං කථිනක්‌ඛන්‌ධකෙ.
312-325.Evantiādi nigamanaṃ. Sattaketi aṭṭhasu mātikāsu āsāvacchedato sese sattapamāṇe, sattasamūhe vā. Teyevāti sattake eva. Tatoti vārato. Ye yeti kathinuddhārā. Itarehīti āsāvacchedato aññehi. Ye palibodhā vuttāti sambandho. Āvāso cajīyati anenāti cattanti vacanatthaṃ dassento āha ‘‘yena cittenā’’tiādi. Tanti cittaṃ. ‘‘Eseva nayo’’ti iminā āvāso vamīyati anenāti vantaṃ. Āvāsato muccati anenāti muttanti vacanatthaṃ atidisati. Sabbatthāti sabbasmiṃ kathinakkhandhake.
ඉති කථිනක්‌ඛන්‌ධකවණ්‌ණනාය යොජනා සමත්‌තා.
Iti kathinakkhandhakavaṇṇanāya yojanā samattā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
188. ආදායසත්‌තකං • 188. Ādāyasattakaṃ
189. සමාදායසත්‌තකං • 189. Samādāyasattakaṃ
190. ආදායඡක්‌කං • 190. Ādāyachakkaṃ
191. සමාදායඡක්‌කං • 191. Samādāyachakkaṃ
192. ආදායපන්‌නරසකං • 192. Ādāyapannarasakaṃ
193. සමාදායපන්‌නරසකාදි • 193. Samādāyapannarasakādi
194. විප්‌පකතසමාදායපන්‌නරසකං • 194. Vippakatasamādāyapannarasakaṃ
195. අනාසාදොළසකං • 195. Anāsādoḷasakaṃ
196. ආසාදොළසකං • 196. Āsādoḷasakaṃ
197. කරණීයදොළසකං • 197. Karaṇīyadoḷasakaṃ
198. අපවිලායනනවකං • 198. Apavilāyananavakaṃ
199. ඵාසුවිහාරපඤ්‌චකං • 199. Phāsuvihārapañcakaṃ
200. පලිබොධාපලිබොධකථා • 200. Palibodhāpalibodhakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / ආදායසත්‌තකකථා • Ādāyasattakakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / ආදායසත්‌තකාදිකථාවණ්‌ණනා • Ādāyasattakādikathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / ආදායසත්‌තකකථාවණ්‌ණනා • Ādāyasattakakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ආදායසත්‌තකකථාවණ්‌ණනා • Ādāyasattakakathāvaṇṇanā
