Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi

੧੮੮. ਆਦਾਯਸਤ੍ਤਕਕਥਾ

188. Ādāyasattakakathā

੩੧੧. ਨ ਪਚ੍ਚੇਸ੍ਸਨ੍ਤਿ ਏਤ੍ਥ ਪਤੀਤ੍ਯੂਪਸਗ੍ਗਸ੍ਸ ਪੁਨਤ੍ਥਂ, ਇਧਾਤੁਯਾ ਚ ਗਤ੍ਯਤ੍ਥਂ ਦਸ੍ਸੇਨ੍ਤੋ ਆਹ ‘‘ਨ ਪੁਨ ਆਗਮਿਸ੍ਸ’’ਨ੍ਤਿ। ਏવਂ ਪਕ੍ਕਮਤੋ ਛਿਜ੍ਜਤੀਤਿ ਸਮ੍ਬਨ੍ਧੋ।

311.Na paccessanti ettha patītyūpasaggassa punatthaṃ, idhātuyā ca gatyatthaṃ dassento āha ‘‘na puna āgamissa’’nti. Evaṃ pakkamato chijjatīti sambandho.

ਏਤਞ੍ਚਾਤਿ ਪਕ੍ਕਮਨਨ੍ਤਿਕਂ, ਕਥਿਨੁਦ੍ਧਾਰਞ੍ਚ। ਤਾਹਨ੍ਤਿ ਤੇ ਅਹਂ। ਤੇਤਿ ਤੁਯ੍ਹਂ।

Etañcāti pakkamanantikaṃ, kathinuddhārañca. Tāhanti te ahaṃ. Teti tuyhaṃ.

ਅਞ੍ਞਨ੍ਤਿ ਅਤ੍ਤਨੋ વਿਹਾਰਤੋ ਅਞ੍ਞਂ। ਏવਂ ਹੋਤੀਤਿ ਏਸੋ ਪਰਿવਿਤਕ੍ਕੋ ਹੋਤਿ। ਸੋਤਿ ਆવਾਸਪਲਿਬੋਧੋ। ਆਦਿਚ੍ਚਬਨ੍ਧੁਨਾ વੁਤ੍ਤੋਤਿ ਯੋਜਨਾ।

Aññanti attano vihārato aññaṃ. Evaṃ hotīti eso parivitakko hoti. Soti āvāsapalibodho. Ādiccabandhunā vuttoti yojanā.

ਦ੍વੇ ਪਲਿਬੋਧਾ ਏਕਤੋ ਛਿਜ੍ਜਨ੍ਤੀਤਿ ਸਮ੍ਬਨ੍ਧੋ। ਅਪੁਬ੍ਬਂ ਅਚਰਿਮਨ੍ਤਿ ਏਕਪਹਾਰੇਨੇવ। ਸੋ ਪਲਿਬੋਧੂਪਚ੍ਛੇਦੋ ਕਸ੍ਮਾ વਿਤ੍ਥਾਰਤੋ ਨ વੁਤ੍ਤੋਤਿ ਆਹ ‘‘ਸੋ ਪਨਾ’’ਤਿਆਦਿ। ਸੋ ਪਨਾਤਿ ਪਲਿਬੋਧੂਪਚ੍ਛੇਦੋ ਪਨ। ਨ વੁਤ੍ਤੋਤਿ ਸਮ੍ਬਨ੍ਧੋ। ਏਤ੍ਥਾਤਿ ਇਮਸ੍ਮਿਂ ਕਥਿਨੁਬ੍ਭਾਰੇ। ਕਸ੍ਮਾ ਅਯਂ ਕਥਿਨੁਦ੍ਧਾਰੋ ‘‘ਨਾਸਨਨ੍ਤਿਕੋ’’ਤਿ વੁਤ੍ਤੋਤਿ ਆਹ ‘‘ਯਸ੍ਮਾ’’ਤਿਆਦਿ। ਤਸ੍ਸਾਤਿ ਭਿਕ੍ਖੁਨੋ।

Dve palibodhā ekato chijjantīti sambandho. Apubbaṃ acarimanti ekapahāreneva. So palibodhūpacchedo kasmā vitthārato na vuttoti āha ‘‘so panā’’tiādi. So panāti palibodhūpacchedo pana. Na vuttoti sambandho. Etthāti imasmiṃ kathinubbhāre. Kasmā ayaṃ kathinuddhāro ‘‘nāsanantiko’’ti vuttoti āha ‘‘yasmā’’tiādi. Tassāti bhikkhuno.

ਆਸਾવਚ੍ਛੇਦਿਕੇ ਛਿਜ੍ਜਤੀਤਿ ਸਮ੍ਬਨ੍ਧੋ। ਅਯਂ ਪਨਾਤਿ ਆਸਾવਚ੍ਛੇਦਿਕੋ ਕਥਿਨੁਦ੍ਧਾਰੋ ਪਨ। ਅਨੇਕਪਭੇਦੋ ਹੋਤੀਤਿ ਸਮ੍ਬਨ੍ਧੋ। ਤਸ੍ਸਾਤਿ ਭਿਕ੍ਖੁਸ੍ਸ। વੁਤ੍ਤੋਤਿ ਅਯਂ ਆਸਾવਚ੍ਛੇਦਿਕੋ ਕਥਿਨੁਦ੍ਧਾਰੋ વੁਤ੍ਤੋਤਿ ਯੋਜਨਾ। ਏਤ੍ਥ ਪਨਾਤਿ ਇਮਸ੍ਮਿਂ ਪਨ ਠਾਨੇ। ਤਤ੍ਥਾਤਿ ਸੀਮਾਤਿਕ੍ਕਨ੍ਤਿਕੇ।

Āsāvacchedike chijjatīti sambandho. Ayaṃ panāti āsāvacchediko kathinuddhāro pana. Anekapabhedo hotīti sambandho. Tassāti bhikkhussa. Vuttoti ayaṃ āsāvacchediko kathinuddhāro vuttoti yojanā. Ettha panāti imasmiṃ pana ṭhāne. Tatthāti sīmātikkantike.

੩੧੨-੩੨੫. ਏવਨ੍ਤਿਆਦਿ ਨਿਗਮਨਂ। ਸਤ੍ਤਕੇਤਿ ਅਟ੍ਠਸੁ ਮਾਤਿਕਾਸੁ ਆਸਾવਚ੍ਛੇਦਤੋ ਸੇਸੇ ਸਤ੍ਤਪਮਾਣੇ, ਸਤ੍ਤਸਮੂਹੇ વਾ। ਤੇਯੇવਾਤਿ ਸਤ੍ਤਕੇ ਏવ। ਤਤੋਤਿ વਾਰਤੋ। ਯੇ ਯੇਤਿ ਕਥਿਨੁਦ੍ਧਾਰਾ। ਇਤਰੇਹੀਤਿ ਆਸਾવਚ੍ਛੇਦਤੋ ਅਞ੍ਞੇਹਿ। ਯੇ ਪਲਿਬੋਧਾ વੁਤ੍ਤਾਤਿ ਸਮ੍ਬਨ੍ਧੋ। ਆવਾਸੋ ਚਜੀਯਤਿ ਅਨੇਨਾਤਿ ਚਤ੍ਤਨ੍ਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਯੇਨ ਚਿਤ੍ਤੇਨਾ’’ਤਿਆਦਿ। ਤਨ੍ਤਿ ਚਿਤ੍ਤਂ। ‘‘ਏਸੇવ ਨਯੋ’’ਤਿ ਇਮਿਨਾ ਆવਾਸੋ વਮੀਯਤਿ ਅਨੇਨਾਤਿ વਨ੍ਤਂ। ਆવਾਸਤੋ ਮੁਚ੍ਚਤਿ ਅਨੇਨਾਤਿ ਮੁਤ੍ਤਨ੍ਤਿ વਚਨਤ੍ਥਂ ਅਤਿਦਿਸਤਿ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ਕਥਿਨਕ੍ਖਨ੍ਧਕੇ।

312-325.Evantiādi nigamanaṃ. Sattaketi aṭṭhasu mātikāsu āsāvacchedato sese sattapamāṇe, sattasamūhe vā. Teyevāti sattake eva. Tatoti vārato. Ye yeti kathinuddhārā. Itarehīti āsāvacchedato aññehi. Ye palibodhā vuttāti sambandho. Āvāso cajīyati anenāti cattanti vacanatthaṃ dassento āha ‘‘yena cittenā’’tiādi. Tanti cittaṃ. ‘‘Eseva nayo’’ti iminā āvāso vamīyati anenāti vantaṃ. Āvāsato muccati anenāti muttanti vacanatthaṃ atidisati. Sabbatthāti sabbasmiṃ kathinakkhandhake.

ਇਤਿ ਕਥਿਨਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।

Iti kathinakkhandhakavaṇṇanāya yojanā samattā.

Next: ੮. ਚੀવਰਕ੍ਖਨ੍ਧਕਂ • 8. Cīvarakkhandhakaṃ

ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਆਦਾਯਸਤ੍ਤਕਕਥਾ • Ādāyasattakakathā

ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਦਾਯਸਤ੍ਤਕਾਦਿਕਥਾવਣ੍ਣਨਾ • Ādāyasattakādikathāvaṇṇanā

ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਦਾਯਸਤ੍ਤਕਕਥਾવਣ੍ਣਨਾ • Ādāyasattakakathāvaṇṇanā

ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਦਾਯਸਤ੍ਤਕਕਥਾવਣ੍ਣਨਾ • Ādāyasattakakathāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact