| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਆਦਾਯਸਤ੍ਤਕਕਥਾવਣ੍ਣਨਾ
Ādāyasattakakathāvaṇṇanā
੩੧੧. ਸਨ੍ਨਿਟ੍ਠਾਨਨ੍ਤਿਕੇ ਦ੍વੇਪਿ ਪਲਿਬੋਧਾ ਏਕਤੋ ਛਿਜ੍ਜਨ੍ਤੀਤਿ ਇਧ, ਪਰਿવਾਰਟ੍ਠਕਥਾਯਞ੍ਚ વੁਤ੍ਤਂ ਇਮਿਸ੍ਸਾ ਖਨ੍ਧਕਪਾਲ਼ਿਯਾ ਸਮੇਤਿ ਏਕਤੋ ਉਭਿਨ੍ਨਮ੍ਪਿ ਧੁਰਨਿਕ੍ਖੇਪਸ੍ਸ ਕਤਤ੍ਤਾ। ‘‘ਇਦਂ ਬਹਿਸੀਮਾਯਮੇવ વੁਤ੍ਤਂ ਸਨ੍ਨਿਟ੍ਠਾਨਨ੍ਤਿਕਂ ਸਨ੍ਧਾਯ વੁਤ੍ਤਂ। ਯਂ ਪਨ વੁਤ੍ਤਂ ਪਰਿવਾਰੇ ‘ਚਤ੍ਤਾਰੋ ਕਥਿਨੁਦ੍ਧਾਰਾ ਸਿਯਾ ਅਨ੍ਤੋਸੀਮਾਯ ਉਦ੍ਧਰਿਯ੍ਯਨ੍ਤਿ, ਸਿਯਾ ਬਹਿਸੀਮਾਯ ਉਦ੍ਧਰਿਯ੍ਯਨ੍ਤਿ, ਨਿਟ੍ਠਾਨਨ੍ਤਿਕੋ ਸਨ੍ਨਿਟ੍ਠਾਨਨ੍ਤਿਕੋ ਨਾਸਨਨ੍ਤਿਕੋ ਆਸਾવਚ੍ਛੇਦਿਕੋ’ਤਿ (ਪਰਿ॰ ੪੧੬)। ਤਤ੍ਥ ਬਹਿਸੀਮਾਯ ਸਨ੍ਨਿਟ੍ਠਾਨਨ੍ਤਿਕੋ ਉਦ੍ਧਰਿਯ੍ਯਤੀਤਿ ਇਧ ਦਸ੍ਸਿਤਨਯੋવ। ਕਥਂ ਅਨ੍ਤੋਸੀਮਾਯ ਸਨ੍ਨਿਟ੍ਠਾਨਨ੍ਤਿਕੋ? ਅਕਤਚੀવਰਮਾਦਾਯ ‘ਨ ਪਚ੍ਚੇਸ੍ਸ’ਨ੍ਤਿ ਗਤੋ, ਗਤਗਤਟ੍ਠਾਨੇ ਫਾਸੁવਿਹਾਰਂ ਅਲਭਨ੍ਤੋ ਤਮੇવ વਿਹਾਰਂ ਆਗਚ੍ਛਤਿ, ਤਸ੍ਸ ਚੀવਰਪਲਿਬੋਧੋ ਠਿਤੋ। ਸੋ ਚ ‘ਨੇવਿਮਂ ਚੀવਰਂ ਕਾਰੇਸ੍ਸ’ਨ੍ਤਿ ਚਿਤ੍ਤੇ ਉਪ੍ਪਨ੍ਨਮਤ੍ਤੇ ਛਿਜ੍ਜਤਿ, ਤਸ੍ਮਾ ਅਨ੍ਤੋਸੀਮਾਯ ਉਦ੍ਧਰਿਯ੍ਯਤਿ, ਤਸ੍ਮਾ ਦੁવਿਧੋ ਸਨ੍ਨਿਟ੍ਠਾਨਨ੍ਤਿਕੋ’’ਤਿ ਪੋਰਾਣਗਣ੍ਠਿਪਦੇ ਲਿਖਿਤਂ, ਤਂ ਯੁਤ੍ਤਂ, ਅਞ੍ਞਥਾ ਅਨ੍ਤੋਸੀਮਾਯ ‘‘ਨੇવਿਮਂ ਚੀવਰਂ ਕਾਰੇਸ੍ਸ’’ਨ੍ਤਿ ਪવਤ੍ਤਉਬ੍ਭਾਰੋ ਇਤਰੇਸੁ ਸਮੋਧਾਨਂ ਨ ਗਚ੍ਛਤੀਤਿ ਅਤਿਰਿਤ੍ਤੋ ਸਿਯਾ। ਸੀਮਾਤਿਕ੍ਕਨ੍ਤਿਕੋਤਿ ਚੀવਰਕਾਲਸੀਮਾਤਿਕ੍ਕਨ੍ਤਿਕੋ। ਸਉਬ੍ਭਾਰੇ ਚੀવਰਪਲਿਬੋਧੋ ਪਠਮਂ ਛਿਜ੍ਜਨ੍ਤੋ વਿਯ ਖਾਯਤਿ, ਅਥ ਖੋ ਸਾਪੇਕ੍ਖਤਾਯ ਚੀવਰਕਰਣੇ ਸਉਸ੍ਸਾਹੋવ ਹੋਤੀਤਿ ਲੇਸਂ ਸਨ੍ਧਾਯ ਪਰਿવਾਰવਸੇਨ ‘‘ਦ੍વੇ ਪਲਿਬੋਧਾ ਅਪੁਬ੍ਬਂ ਅਚਰਿਮਂ ਛਿਜ੍ਜਨ੍ਤੀ’’ਤਿ (ਮਹਾવ॰ ਅਟ੍ਠ॰ ੩੧੧) વੁਤ੍ਤਂ। ‘‘ਕਤਚੀવਰੋ’’ਤਿ વੁਤ੍ਤਤ੍ਤਾ ਇਧ ਨ ਸਮ੍ਭવਤਿ।
311.Sanniṭṭhānantike dvepi palibodhā ekato chijjantīti idha, parivāraṭṭhakathāyañca vuttaṃ imissā khandhakapāḷiyā sameti ekato ubhinnampi dhuranikkhepassa katattā. ‘‘Idaṃ bahisīmāyameva vuttaṃ sanniṭṭhānantikaṃ sandhāya vuttaṃ. Yaṃ pana vuttaṃ parivāre ‘cattāro kathinuddhārā siyā antosīmāya uddhariyyanti, siyā bahisīmāya uddhariyyanti, niṭṭhānantiko sanniṭṭhānantiko nāsanantiko āsāvacchediko’ti (pari. 416). Tattha bahisīmāya sanniṭṭhānantiko uddhariyyatīti idha dassitanayova. Kathaṃ antosīmāya sanniṭṭhānantiko? Akatacīvaramādāya ‘na paccessa’nti gato, gatagataṭṭhāne phāsuvihāraṃ alabhanto tameva vihāraṃ āgacchati, tassa cīvarapalibodho ṭhito. So ca ‘nevimaṃ cīvaraṃ kāressa’nti citte uppannamatte chijjati, tasmā antosīmāya uddhariyyati, tasmā duvidho sanniṭṭhānantiko’’ti porāṇagaṇṭhipade likhitaṃ, taṃ yuttaṃ, aññathā antosīmāya ‘‘nevimaṃ cīvaraṃ kāressa’’nti pavattaubbhāro itaresu samodhānaṃ na gacchatīti atiritto siyā. Sīmātikkantikoti cīvarakālasīmātikkantiko. Saubbhāre cīvarapalibodho paṭhamaṃ chijjanto viya khāyati, atha kho sāpekkhatāya cīvarakaraṇe saussāhova hotīti lesaṃ sandhāya parivāravasena ‘‘dve palibodhā apubbaṃ acarimaṃ chijjantī’’ti (mahāva. aṭṭha. 311) vuttaṃ. ‘‘Katacīvaro’’ti vuttattā idha na sambhavati.
੩੧੬. ਸਬ੍ਬਂ ਅਤ੍ਤਨੋ ਪਰਿਕ੍ਖਾਰਂ ਅਨવਸੇਸੇਤ੍વਾ ਪਕ੍ਕਮਨ੍ਤੋ ‘‘ਸਮਾਦਾਯ ਪਕ੍ਕਮਤੀ’’ਤਿ વੁਚ੍ਚਤਿ। ‘‘ਕਥਿਨੁਦ੍ਧਾਰੇ વਿਸੇਸੋ ਨਤ੍ਥਿ। ਪੁਗ੍ਗਲਾਧਿਪ੍ਪਾਯવਿਸੇਸੇਨ ਕੇવਲਂ વਾਰਦਸ੍ਸਨਤ੍ਥਂ ਸਮਾਦਾਯવਾਰਾ વੁਤ੍ਤਾ’’ਤਿ ਸਬ੍ਬੇਸੁ ਗਣ੍ਠਿਪਦੇਸੁ ਲਿਖਿਤਂ। ਇਧ ਪਨ ਪੁਗ੍ਗਲਾਧਿਪ੍ਪਾਯੇਨ ਪਯੋਜਨਂ વੀਮਂਸਿਤਬ੍ਬਂ। ਪਕ੍ਕਮਨਨ੍ਤਿਕਸ੍ਸ ਅਭਾવਾ ‘‘ਯਥਾਸਮ੍ਭવ’’ਨ੍ਤਿ વੁਤ੍ਤਂ। વਿਪ੍ਪਕਤੇਪਿ ਧੁਰਨਿਕ੍ਖੇਪવਸੇਨ ਪਕ੍ਕਮਨਨ੍ਤਿਕਤਾ ਸਮ੍ਭવਤਿ, ਤਸ੍ਮਾ ਪਕ੍ਕਮਨਨ੍ਤਿਕવਾਰੋਪਿ વਤ੍ਤਬ੍ਬੋਤਿ ਚੇ? ਨ, ਸਨ੍ਨਿਟ੍ਠਾਨਨ੍ਤਿਕਲਕ੍ਖਣਪ੍ਪਸਙ੍ਗਤੋ। ਅਕਤਚੀવਰਸ੍ਸ ਨ ਸવਨਨ੍ਤਿਕਤਾ ਚ।
316. Sabbaṃ attano parikkhāraṃ anavasesetvā pakkamanto ‘‘samādāya pakkamatī’’ti vuccati. ‘‘Kathinuddhāre viseso natthi. Puggalādhippāyavisesena kevalaṃ vāradassanatthaṃ samādāyavārā vuttā’’ti sabbesu gaṇṭhipadesu likhitaṃ. Idha pana puggalādhippāyena payojanaṃ vīmaṃsitabbaṃ. Pakkamanantikassa abhāvā ‘‘yathāsambhava’’nti vuttaṃ. Vippakatepi dhuranikkhepavasena pakkamanantikatā sambhavati, tasmā pakkamanantikavāropi vattabboti ce? Na, sanniṭṭhānantikalakkhaṇappasaṅgato. Akatacīvarassa na savanantikatā ca.
ਤਤ੍ਰਾਯਂ ਆਦਿਤੋ ਪਟ੍ਠਾਯ વਾਰવਿਭਾવਨਾ – ਆਦਾਯવਾਰਾ ਸਤ੍ਤ, ਤਥਾ ਸਮਾਦਾਯવਾਰਾਤਿ ਦ੍વੇ ਸਤ੍ਤਕવਾਰਾ। ਤਤੋ ਪਕ੍ਕਮਨਨ੍ਤਿਕਂ વਜ੍ਜੇਤ੍વਾ વਿਪ੍ਪਕਤਚੀવਰਸ੍ਸ ਆਦਾਯવਾਰਾ, ਸਮਾਦਾਯવਾਰਾ ਚਾਤਿ ਦ੍વੇ ਛਕ੍ਕવਾਰਾ। ਤਤੋ ਪਰਂ ਨਿਟ੍ਠਾਨਸਨ੍ਨਿਟ੍ਠਾਨਨਾਸਨਨ੍ਤਿਕਾਨਂ વਸੇਨ ਤੀਣਿ ਤਿਕਾਨਿ ਦਸ੍ਸਿਤਾਨਿ, ਤਤ੍ਥ ਪਠਮਤ੍ਤਿਕਂ ਅਨ੍ਤੋਸੀਮਾਯ ‘‘ਨ ਪਚ੍ਚੇਸ੍ਸ’’ਨ੍ਤਿ ਇਮਂ વਿਧਿਂ ਅਨਾਮਸਿਤ੍વਾ ਬਹਿਸੀਮਾਯਂ ਏવ ‘‘ਨ ਪਚ੍ਚੇਸ੍ਸ’’ਨ੍ਤਿ ਪવਤ੍ਤਂ, ਤਸ੍ਮਾ ਪਕ੍ਕਮਨਨ੍ਤਿਕਸੀਮਾਤਿਕ੍ਕਨ੍ਤਿਕਸਉਬ੍ਭਾਰਾ ਤਤ੍ਥ ਨ ਯੁਜ੍ਜਨ੍ਤਿ। ‘‘ਆਸਾવਚ੍ਛੇਦਿਕੋ ਸਮ੍ਭવਨ੍ਤੋਪਿ ਯਥਾવੁਤ੍ਤਕਾਰਣੇਨ ਨ વੁਤ੍ਤੋ। ਦੁਤਿਯਤ੍ਤਿਕਂ ਅਨ੍ਤੋਸੀਮਾਯ ‘ਨ ਪਚ੍ਚੇਸ੍ਸ’ਨ੍ਤਿ ਪવਤ੍ਤਂ, ਏਤ੍ਥ ਕਿਞ੍ਚਾਪਿ ਪਕ੍ਕਮਨਨ੍ਤਿਕੋ ਸਮ੍ਭવਤਿ, ਤਥਾਪਿ ਯੇਹਿ ਚੀવਰਪਲਿਬੋਧੋ ਛਿਜ੍ਜਤਿ, ਤੇਸਂਯੇવਾਧਿਪ੍ਪੇਤਤ੍ਤਾ ਨ વੁਤ੍ਤੋ’’ਤਿ ਪੋਰਾਣਗਣ੍ਠਿਪਦੇ વੁਤ੍ਤਂ। ਸਬ੍ਬਸ੍ਮਿਮ੍ਪਿ ਪਨ੍ਨਰਸਕੇ વਿਪ੍ਪਕਤਚੀવਰਸ੍ਸੇવਾਧਿਪ੍ਪੇਤਤ੍ਤਾਤਿ ਤਕ੍ਕੋ। ਅਧਿਟ੍ਠਾਨੁਪਗੇ ਚ વਿਪ੍ਪਕਤੇ ਸਤਿ ਨ ਨਿਟ੍ਠਾਨਨ੍ਤਿਕੋ। ਨਿਟ੍ਠਾਨਾવਸੇਸੇ ਸਤਿ ਨ ਨਾਸਨਨ੍ਤਿਕੋਤਿ ਪੋਰਾਣਾ। ਤਤਿਯਤ੍ਤਿਕਂ ਅਨਧਿਟ੍ਠਿਤ-ਪਦੇਨ વਿਸੇਸੇਤ੍વਾ ਪવਤ੍ਤਂ, ਅਤ੍ਥਤੋ ਪਠਮਤ੍ਤਿਕੇਨ ਸਮੇਤਿ। ਤਸ੍ਸ ਅਤ੍ਥਦਸ੍ਸਨਪਯੋਜਨਂ ਕਿਰ ਤਂ। ਯਸ੍ਮਾ ਇਮੇ ਤਯੋ ਅਤ੍ਥવਿਕਪ੍ਪਾ ਇਮੇਹਿ ਏવ ਤੀਹਿ ਕਥਿਨੁਦ੍ਧਾਰੇਹਿ ਸਕ੍ਕਾ ਦਸ੍ਸੇਤੁਂ, ਤਸ੍ਮਾ ਇਮੇવ ਯੋਜਿਤਾ ਏਕਸਮ੍ਬਨ੍ਧવਸੇਨ, ਅਞ੍ਞਥਾ ਪਠਮਤ੍ਤਿਕਂ ਛਕ੍ਕਂ ਭવੇਯ੍ਯ ਇਮਸ੍ਸ ਪਨ੍ਨਰਸਕਸ੍ਸ ਅਨ੍ਤੇ ਛਕ੍ਕਂ વਿਯ। ਤਤਿਯਤ੍ਤਿਕਾਨਨ੍ਤਰਂ ਚਤੁਤ੍ਥਤ੍ਤਿਕਂ ਸਮ੍ਭવਨ੍ਤਂ ‘‘ਅਨ੍ਤੋਸੀਮਾਯਂ ‘ਪਚ੍ਚੇਸ੍ਸ’’ਨ੍ਤਿ વਚਨવਿਸੇਸੇਨ ਸਮ੍ਭવਤਿ। ਤਥਾ ਚ ਯੋਜਿਯਮਾਨਂ ਇਤਰੇਹਿ ਸવਨਨ੍ਤਿਕਾਦੀਹਿ ਅવਿਰੁਦ੍ਧਕ੍ਕਮਂ ਹੋਤਿ, ਤਸ੍ਮਾ ਚਤੁਤ੍ਥਤ੍ਤਿਕਂ ਅਹੁਤ੍વਾ ਛਕ੍ਕਂ ਜਾਤਨ੍ਤਿ વੇਦਿਤਬ੍ਬਂ। ਏવਂ ਤੀਣਿ ਤਿਕਾਨਿ ਏਕਂ ਛਕ੍ਕਞ੍ਚਾਤਿ ਪਠਮਂ ਪਨ੍ਨਰਸਕਂ વੇਦਿਤਬ੍ਬਂ। ਇਦਾਨਿ ਇਦਮੇવ ਪਨ੍ਨਰਸਕਂ ਉਪਸਗ੍ਗવਿਸੇਸੇਨ ਦੁਤਿਯਂ ਸਮਾਦਾਯਪਨ੍ਨਰਸਕਂ ਨਾਮ ਕਤਂ। ਪੁਨ વਿਪ੍ਪਕਤਚੀવਰਂ ਆਦਾਯਾਤਿ ਤਤਿਯਂ ਪਨ੍ਨਰਸਕਂ, ਸਮਾਦਾਯਾਤਿ ਚਤੁਤ੍ਥਂ ਪਨ੍ਨਰਸਕਂ ਦਸ੍ਸਿਤਂ। ਏવਂ ਚਤ੍ਤਾਰਿ ਪਨ੍ਨਰਸਕਾਨਿ વੇਦਿਤਬ੍ਬਾਨਿ । ਤਤ੍ਥ ਪਠਮਦੁਤਿਯੇਸੁ ਪਨ੍ਨਰਸਕੇਸੁ ਸਬ੍ਬੇਨ ਸਬ੍ਬਂ ਅਕਤਚੀવਰਂ ਅਧਿਪ੍ਪੇਤਂ, ਇਤਰੇਸੁ ਦ੍વੀਸੁ વਿਪ੍ਪਕਤਨ੍ਤਿ ਯੋਜੇਤਬ੍ਬਂ। ‘‘ਪੁਬ੍ਬੇ ਨਿਬਦ੍ਧਟ੍ਠਾਨੇ ਚੀવਰਾਸਾਯ ਗਹੇਤਬ੍ਬਂ, ਅਞ੍ਞਤ੍ਥ ਨ વਟ੍ਟਤਿ। ਉਪਚ੍ਛਿਨ੍ਨਾਯ ਚੇ ਚੀવਰਾਸਾਯ ਚੀવਰਂ ਉਪ੍ਪਨ੍ਨਂ, ਨ ਤਂ ਚੀવਰਪਲਿਬੋਧਂ ਕਰੋਤੀ’’ਤਿ ਪੋਰਾਣਗਣ੍ਠਿਪਦੇ વੁਤ੍ਤਂ। ਨਿਸ੍ਸਗ੍ਗਿਯੇਸੁ ਤਤਿਯਕਥਿਨੇ ਆਗਤਚੀવਰਪਚ੍ਚਾਸਾ ਇਧ ਚੀવਰਾਸਾਤਿ ਤਕ੍ਕੋ। ਯਤ੍ਥ ਚੀવਰਾਸਾ, ਤਂ ਠਾਨਂ ਅਧਿਕਰਣੂਪਚਾਰੇਨ ‘‘ਚੀવਰਾਸਾ’’ਤ੍વੇવ વੁਚ੍ਚਤੀਤਿ ਕਤ੍વਾ ‘‘ਤਂ ਚੀવਰਾਸਂ ਪਯਿਰੁਪਾਸਤੀ’’ਤਿਆਦਿ વੁਤ੍ਤਂ, ਤਸ੍ਮਾ ਅਨਾਸਾਯ ਲਭਤੀਤਿ ਅਨਾਸਾਯਿਤਟ੍ਠਾਨੇ ਲਭਤੀਤਿਆਦਿਨਾ ਅਤ੍ਥੋ ਗਹੇਤਬ੍ਬੋ। ਏਤ੍ਥ ਨਿਟ੍ਠਾਨਸਨ੍ਨਿਟ੍ਠਾਨਨਾਸਨਆਸਾવਚ੍ਛੇਦਿਕવਸੇਨ ਏਕੋ વਾਰੋਤਿ ਇਦਮੇਕਂ ਚਤੁਕ੍ਕਂ ਜਾਤਂ, ਤਸ੍ਮਾ ਪੁਬ੍ਬੇ વੁਤ੍ਤਾਨਿ ਤੀਣਿ ਤਿਕਾਨਿ ਆਸਾવਚ੍ਛੇਦਿਕਾਧਿਕਾਨਿ ਤੀਣਿ ਚਤੁਕ੍ਕਾਨੀਤਿ ਏਕਂ ਅਨਾਸਾਯਦ੍વਾਦਸਕਨ੍ਤਿ વੇਦਿਤਬ੍ਬਂ। ਤਦਨਨ੍ਤਰੇ ਆਸਾਯਦ੍વਾਦਸਕੇ ਕਿਞ੍ਚਾਪਿ ਪਠਮਦ੍વਾਦਸਕ੍ਕਮੋ ਲਬ੍ਭਤਿ, ਤਥਾਪਿ ਤਂ ਨਿਬ੍ਬਿਸੇਸਨ੍ਤਿ ਤਮੇਕਂ ਦ੍વਾਦਸਕਂ ਅવੁਤ੍ਤਸਿਦ੍ਧਂ ਕਤ੍વਾ વਿਸੇਸਤੋ ਦਸ੍ਸੇਤੁਂ ਆਦਿਤੋ ਪਟ੍ਠਾਯ ‘‘ਅਨ੍ਤੋਸੀਮਾਯ ਪਚ੍ਚੇਸ੍ਸ’’ਨ੍ਤਿ વੁਤ੍ਤਂ, ਤਂ ਦੁਤਿਯਚਤੁਕ੍ਕੇ ‘‘ਸੋ ਬਹਿਸੀਮਗਤੋ ਸੁਣਾਤੀ’’ਤਿਆਦਿવਚਨਸ੍ਸ ਤਤਿਯਚਤੁਕ੍ਕੇ ਸવਨਨ੍ਤਿਕਾਦੀਨਞ੍ਚ ਓਕਾਸਕਰਣਤ੍ਥਨ੍ਤਿ વੇਦਿਤਬ੍ਬਂ। ਇਦਂ ਪਨ ਦ੍વਾਦਸਕਂ ਅਨਾਸਾਯ વਸੇਨ ਲਬ੍ਭਮਾਨਮ੍ਪਿ ਇਮਿਨਾ ਅવੁਤ੍ਤਸਿਦ੍ਧਂ ਕਤ੍વਾ ਨ ਦਸ੍ਸਿਤਨ੍ਤਿ વੇਦਿਤਬ੍ਬਂ। ਏવਮੇਤ੍ਥ ਦ੍વੇ ਦ੍વਾਦਸਕਾਨਿ ਉਦ੍ਧਰਿਤਾਨਿ। ਕਰਣੀਯਦ੍વਾਦਸਕੇਪਿ ਯਥਾਦਸ੍ਸਿਤਅਨਾਸਾਯਦ੍વਾਦਸਕਂ, ਅવੁਤ੍ਤਸਿਦ੍ਧਂ ਆਸਾਯਦ੍વਾਦਸਕਞ੍ਚਾਤਿ ਦ੍વੇ ਦ੍વਾਦਸਕਾਨਿ ਉਦ੍ਧਰਿਤਬ੍ਬਾਨਿ। ਇਦਾਨਿ ਦਿਸਂਗਮਿਕਨવਕਂ ਹੋਤਿ। ਤਤ੍ਥ ਯਸ੍ਮਾ ‘‘ਦਿਸਂਗਮਿਕੋ ਪਕ੍ਕਮਤੀ’’ਤਿ વਚਨੇਨੇવ ‘‘ਨ ਪਚ੍ਚੇਸ੍ਸ’’ਨ੍ਤਿ ਇਦਂ ਅવੁਤ੍ਤਸਿਦ੍ਧਮੇવ, ਤਸ੍ਮਾ ਤਂ ਨ વੁਤ੍ਤਂ। ਏਤ੍ਤਾવਤਾ ਆવਾਸਪਲਿਬੋਧਾਭਾવੋ ਦਸ੍ਸਿਤੋ।
Tatrāyaṃ ādito paṭṭhāya vāravibhāvanā – ādāyavārā satta, tathā samādāyavārāti dve sattakavārā. Tato pakkamanantikaṃ vajjetvā vippakatacīvarassa ādāyavārā, samādāyavārā cāti dve chakkavārā. Tato paraṃ niṭṭhānasanniṭṭhānanāsanantikānaṃ vasena tīṇi tikāni dassitāni, tattha paṭhamattikaṃ antosīmāya ‘‘na paccessa’’nti imaṃ vidhiṃ anāmasitvā bahisīmāyaṃ eva ‘‘na paccessa’’nti pavattaṃ, tasmā pakkamanantikasīmātikkantikasaubbhārā tattha na yujjanti. ‘‘Āsāvacchediko sambhavantopi yathāvuttakāraṇena na vutto. Dutiyattikaṃ antosīmāya ‘na paccessa’nti pavattaṃ, ettha kiñcāpi pakkamanantiko sambhavati, tathāpi yehi cīvarapalibodho chijjati, tesaṃyevādhippetattā na vutto’’ti porāṇagaṇṭhipade vuttaṃ. Sabbasmimpi pannarasake vippakatacīvarassevādhippetattāti takko. Adhiṭṭhānupage ca vippakate sati na niṭṭhānantiko. Niṭṭhānāvasese sati na nāsanantikoti porāṇā. Tatiyattikaṃ anadhiṭṭhita-padena visesetvā pavattaṃ, atthato paṭhamattikena sameti. Tassa atthadassanapayojanaṃ kira taṃ. Yasmā ime tayo atthavikappā imehi eva tīhi kathinuddhārehi sakkā dassetuṃ, tasmā imeva yojitā ekasambandhavasena, aññathā paṭhamattikaṃ chakkaṃ bhaveyya imassa pannarasakassa ante chakkaṃ viya. Tatiyattikānantaraṃ catutthattikaṃ sambhavantaṃ ‘‘antosīmāyaṃ ‘paccessa’’nti vacanavisesena sambhavati. Tathā ca yojiyamānaṃ itarehi savanantikādīhi aviruddhakkamaṃ hoti, tasmā catutthattikaṃ ahutvā chakkaṃ jātanti veditabbaṃ. Evaṃ tīṇi tikāni ekaṃ chakkañcāti paṭhamaṃ pannarasakaṃ veditabbaṃ. Idāni idameva pannarasakaṃ upasaggavisesena dutiyaṃ samādāyapannarasakaṃ nāma kataṃ. Puna vippakatacīvaraṃ ādāyāti tatiyaṃ pannarasakaṃ, samādāyāti catutthaṃ pannarasakaṃ dassitaṃ. Evaṃ cattāri pannarasakāni veditabbāni . Tattha paṭhamadutiyesu pannarasakesu sabbena sabbaṃ akatacīvaraṃ adhippetaṃ, itaresu dvīsu vippakatanti yojetabbaṃ. ‘‘Pubbe nibaddhaṭṭhāne cīvarāsāya gahetabbaṃ, aññattha na vaṭṭati. Upacchinnāya ce cīvarāsāya cīvaraṃ uppannaṃ, na taṃ cīvarapalibodhaṃ karotī’’ti porāṇagaṇṭhipade vuttaṃ. Nissaggiyesu tatiyakathine āgatacīvarapaccāsā idha cīvarāsāti takko. Yattha cīvarāsā, taṃ ṭhānaṃ adhikaraṇūpacārena ‘‘cīvarāsā’’tveva vuccatīti katvā ‘‘taṃ cīvarāsaṃ payirupāsatī’’tiādi vuttaṃ, tasmā anāsāya labhatīti anāsāyitaṭṭhāne labhatītiādinā attho gahetabbo. Ettha niṭṭhānasanniṭṭhānanāsanaāsāvacchedikavasena eko vāroti idamekaṃ catukkaṃ jātaṃ, tasmā pubbe vuttāni tīṇi tikāni āsāvacchedikādhikāni tīṇi catukkānīti ekaṃ anāsāyadvādasakanti veditabbaṃ. Tadanantare āsāyadvādasake kiñcāpi paṭhamadvādasakkamo labbhati, tathāpi taṃ nibbisesanti tamekaṃ dvādasakaṃ avuttasiddhaṃ katvā visesato dassetuṃ ādito paṭṭhāya ‘‘antosīmāya paccessa’’nti vuttaṃ, taṃ dutiyacatukke ‘‘so bahisīmagato suṇātī’’tiādivacanassa tatiyacatukke savanantikādīnañca okāsakaraṇatthanti veditabbaṃ. Idaṃ pana dvādasakaṃ anāsāya vasena labbhamānampi iminā avuttasiddhaṃ katvā na dassitanti veditabbaṃ. Evamettha dve dvādasakāni uddharitāni. Karaṇīyadvādasakepi yathādassitaanāsāyadvādasakaṃ, avuttasiddhaṃ āsāyadvādasakañcāti dve dvādasakāni uddharitabbāni. Idāni disaṃgamikanavakaṃ hoti. Tattha yasmā ‘‘disaṃgamiko pakkamatī’’ti vacaneneva ‘‘na paccessa’’nti idaṃ avuttasiddhameva, tasmā taṃ na vuttaṃ. Ettāvatā āvāsapalibodhābhāvo dassito.
੩੨੧. ‘‘ਚੀવਰਪਟਿવੀਸਂ ਅਪવਿਲਾਯਮਾਨੋ’’ਤਿ ਇਮਿਨਾ ਚੀવਰਪਲਿਬੋਧਸਮਙ੍ਗਿਤਮਸ੍ਸ ਦਸ੍ਸੇਤਿ। ਪਟਿવੀਸੋਤਿ ਅਤ੍ਤਨੋ ਪਤ੍ਤਬ੍ਬੋ ਚੀવਰਭਾਗੋ। ਅਪવਿਲਾਯਮਾਨੋਤਿ ਆਕਙ੍ਖਮਾਨੋ। ਤਸ੍ਸ ਚੀવਰਲਾਭੇ ਸਤਿ વਸ੍ਸਂવੁਤ੍ਥਾવਾਸੇ ਨਿਟ੍ਠਾਨਸਨ੍ਨਿਟ੍ਠਾਨਨਾਸਨਨ੍ਤਿਕਾਨਂ વਸੇਨ ਏਕਂ ਤਿਕਂ, ਤੇਸਂਯੇવ વਸੇਨ ਅਨ੍ਤਰਾਮਗ੍ਗੇ ਏਕਂ, ਗਤਟ੍ਠਾਨੇ ਏਕਨ੍ਤਿ ਤਿਣ੍ਣਂ ਤਿਕਾਨਂ વਸੇਨ ਏਕਂ ਨવਕਂ વੇਦਿਤਬ੍ਬਂ। ਤਤੋ ਪਰਂ ਨਿਟ੍ਠਾਨਸਨ੍ਨਿਟ੍ਠਾਨਨਾਸਨਨ੍ਤਿ ਕਸੀਮਾਤਿਕ੍ਕਨ੍ਤਿਕਸਉਬ੍ਭਾਰਾਨਂ વਸੇਨ ਫਾਸੁવਿਹਾਰਪਞ੍ਚਕਂ વੁਤ੍ਤਂ। ਉਭਯਤ੍ਥ ਸੇਸਕਥਿਨੁਦ੍ਧਾਰਾਸਮ੍ਭવੋ ਪਾਕਟੋવ। ਅਯਂ ਪਨੇਤ੍ਥ ਪਞ੍ਚਕੇ વਿਸੇਸੋ – ਸਮਾਦਾਯવਾਰੋ ਨ ਸਮ੍ਭવਤਿ ‘‘ਪਚ੍ਚੇਸ੍ਸ’’ਨ੍ਤਿ ਪਚ੍ਚਾਗਮਨਾਧਿਪ੍ਪਾਯਤੋ।
321. ‘‘Cīvarapaṭivīsaṃ apavilāyamāno’’ti iminā cīvarapalibodhasamaṅgitamassa dasseti. Paṭivīsoti attano pattabbo cīvarabhāgo. Apavilāyamānoti ākaṅkhamāno. Tassa cīvaralābhe sati vassaṃvutthāvāse niṭṭhānasanniṭṭhānanāsanantikānaṃ vasena ekaṃ tikaṃ, tesaṃyeva vasena antarāmagge ekaṃ, gataṭṭhāne ekanti tiṇṇaṃ tikānaṃ vasena ekaṃ navakaṃ veditabbaṃ. Tato paraṃ niṭṭhānasanniṭṭhānanāsananti kasīmātikkantikasaubbhārānaṃ vasena phāsuvihārapañcakaṃ vuttaṃ. Ubhayattha sesakathinuddhārāsambhavo pākaṭova. Ayaṃ panettha pañcake viseso – samādāyavāro na sambhavati ‘‘paccessa’’nti paccāgamanādhippāyato.
੩੨੫. ਦ੍વੇਮੇ ਭਿਕ੍ਖવੇ ਕਥਿਨਸ੍ਸ ਪਲਿਬੋਧਾਤਿ ਕਥਿਨਤ੍ਥਾਰਸ੍ਸ ਅਨੁਪਬਨ੍ਧਨਪਚ੍ਚਯਾਤਿ।
325.Dveme bhikkhave kathinassa palibodhāti kathinatthārassa anupabandhanapaccayāti.
ਕਥਿਨਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Kathinakkhandhakavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੧੮੮. ਆਦਾਯਸਤ੍ਤਕਂ • 188. Ādāyasattakaṃ
੧੯੩. ਸਮਾਦਾਯਪਨ੍ਨਰਸਕਾਦਿ • 193. Samādāyapannarasakādi
੧੯੮. ਅਪવਿਲਾਯਨਨવਕਂ • 198. Apavilāyananavakaṃ
੨੦੦. ਪਲਿਬੋਧਾਪਲਿਬੋਧਕਥਾ • 200. Palibodhāpalibodhakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਆਦਾਯਸਤ੍ਤਕਕਥਾ • Ādāyasattakakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਦਾਯਸਤ੍ਤਕਾਦਿਕਥਾવਣ੍ਣਨਾ • Ādāyasattakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਆਦਾਯਸਤ੍ਤਕਕਥਾવਣ੍ਣਨਾ • Ādāyasattakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੮੮. ਆਦਾਯਸਤ੍ਤਕਕਥਾ • 188. Ādāyasattakakathā
