| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੭. ਅਡ੍ਡਕਰਣਸੁਤ੍ਤਂ
7. Aḍḍakaraṇasuttaṃ
੧੧੮. ਸਾવਤ੍ਥਿਨਿਦਾਨਂ । ਏਕਮਨ੍ਤਂ ਨਿਸਿਨ੍ਨੋ ਖੋ ਰਾਜਾ ਪਸੇਨਦਿ ਕੋਸਲੋ ਭਗવਨ੍ਤਂ ਏਤਦવੋਚ – ‘‘ਇਧਾਹਂ, ਭਨ੍ਤੇ, ਅਡ੍ਡਕਰਣੇ 1 ਨਿਸਿਨ੍ਨੋ ਪਸ੍ਸਾਮਿ ਖਤ੍ਤਿਯਮਹਾਸਾਲੇਪਿ ਬ੍ਰਾਹ੍ਮਣਮਹਾਸਾਲੇਪਿ ਗਹਪਤਿਮਹਾਸਾਲੇਪਿ ਅਡ੍ਢੇ ਮਹਦ੍ਧਨੇ ਮਹਾਭੋਗੇ ਪਹੂਤਜਾਤਰੂਪਰਜਤੇ ਪਹੂਤવਿਤ੍ਤੂਪਕਰਣੇ ਪਹੂਤਧਨਧਞ੍ਞੇ ਕਾਮਹੇਤੁ ਕਾਮਨਿਦਾਨਂ ਕਾਮਾਧਿਕਰਣਂ ਸਮ੍ਪਜਾਨਮੁਸਾ ਭਾਸਨ੍ਤੇ। ਤਸ੍ਸ ਮਯ੍ਹਂ, ਭਨ੍ਤੇ, ਏਤਦਹੋਸਿ – ‘ਅਲਂ ਦਾਨਿ ਮੇ ਅਡ੍ਡਕਰਣੇਨ, ਭਦ੍ਰਮੁਖੋ ਦਾਨਿ ਅਡ੍ਡਕਰਣੇਨ ਪਞ੍ਞਾਯਿਸ੍ਸਤੀ’’’ਤਿ।
118. Sāvatthinidānaṃ . Ekamantaṃ nisinno kho rājā pasenadi kosalo bhagavantaṃ etadavoca – ‘‘idhāhaṃ, bhante, aḍḍakaraṇe 2 nisinno passāmi khattiyamahāsālepi brāhmaṇamahāsālepi gahapatimahāsālepi aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe kāmahetu kāmanidānaṃ kāmādhikaraṇaṃ sampajānamusā bhāsante. Tassa mayhaṃ, bhante, etadahosi – ‘alaṃ dāni me aḍḍakaraṇena, bhadramukho dāni aḍḍakaraṇena paññāyissatī’’’ti.
‘‘(ਏવਮੇਤਂ, ਮਹਾਰਾਜ, ਏવਮੇਤਂ ਮਹਾਰਾਜ!) 3 ਯੇਪਿ ਤੇ, ਮਹਾਰਾਜ, ਖਤ੍ਤਿਯਮਹਾਸਾਲਾ ਬ੍ਰਾਹ੍ਮਣਮਹਾਸਾਲਾ ਗਹਪਤਿਮਹਾਸਾਲਾ ਅਡ੍ਢਾ ਮਹਦ੍ਧਨਾ ਮਹਾਭੋਗਾ ਪਹੂਤਜਾਤਰੂਪਰਜਤਾ ਪਹੂਤવਿਤ੍ਤੂਪਕਰਣਾ ਪਹੂਤਧਨਧਞ੍ਞਾ ਕਾਮਹੇਤੁ ਕਾਮਨਿਦਾਨਂ ਕਾਮਾਧਿਕਰਣਂ ਸਮ੍ਪਜਾਨਮੁਸਾ ਭਾਸਨ੍ਤਿ; ਤੇਸਂ ਤਂ ਭવਿਸ੍ਸਤਿ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯਾ’’ਤਿ। ਇਦਮવੋਚ…ਪੇ॰…
‘‘(Evametaṃ, mahārāja, evametaṃ mahārāja!) 4 Yepi te, mahārāja, khattiyamahāsālā brāhmaṇamahāsālā gahapatimahāsālā aḍḍhā mahaddhanā mahābhogā pahūtajātarūparajatā pahūtavittūpakaraṇā pahūtadhanadhaññā kāmahetu kāmanidānaṃ kāmādhikaraṇaṃ sampajānamusā bhāsanti; tesaṃ taṃ bhavissati dīgharattaṃ ahitāya dukkhāyā’’ti. Idamavoca…pe…
‘‘ਸਾਰਤ੍ਤਾ ਕਾਮਭੋਗੇਸੁ, ਗਿਦ੍ਧਾ ਕਾਮੇਸੁ ਮੁਚ੍ਛਿਤਾ।
‘‘Sārattā kāmabhogesu, giddhā kāmesu mucchitā;
ਅਤਿਸਾਰਂ ਨ ਬੁਜ੍ਝਨ੍ਤਿ, ਮਚ੍ਛਾ ਖਿਪ੍ਪਂવ ਓਡ੍ਡਿਤਂ।
Atisāraṃ na bujjhanti, macchā khippaṃva oḍḍitaṃ;
ਪਚ੍ਛਾਸਂ ਕਟੁਕਂ ਹੋਤਿ, વਿਪਾਕੋ ਹਿਸ੍ਸ ਪਾਪਕੋ’’ਤਿ॥
Pacchāsaṃ kaṭukaṃ hoti, vipāko hissa pāpako’’ti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਅਡ੍ਡਕਰਣਸੁਤ੍ਤવਣ੍ਣਨਾ • 7. Aḍḍakaraṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਅਡ੍ਡਕਰਣਸੁਤ੍ਤવਣ੍ਣਨਾ • 7. Aḍḍakaraṇasuttavaṇṇanā
