| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. অড্ডকরণসুত্তৰণ্ণনা
7. Aḍḍakaraṇasuttavaṇṇanā
১১৮. সত্তমে কামহেতূতি কামমূলকং। কামনিদানন্তি কামপচ্চযা। কামাধিকরণন্তি কামকারণা। সব্বানি হেতানি অঞ্ঞমঞ্ঞৰেৰচনানেৰ। ভদ্রমুখোতি সুন্দরমুখো। একদিৰসং কির রাজা অড্ডকরণে নিসীদি। তত্থ পঠমতরং লঞ্জং গহেত্ৰা নিসিন্না অমচ্চা অস্সামিকেপি সামিকে করিংসু। রাজা তং ঞত্ৰা – ‘‘ময্হং তাৰ পথৰিস্সরস্স সম্মুখাপেতে এৰং করোন্তি, পরম্মুখা কিং নাম ন করিস্সন্তি? পঞ্ঞাযিস্সতি দানি ৰিটটূভো সেনাপতি সকেন রজ্জেন, কিং ময্হং এৰরূপেহি লঞ্জখাদকেহি মুসাৰাদীহি সদ্ধিং একট্ঠানে নিসজ্জাযা’’তি চিন্তেসি। তস্মা এৰমাহ। খিপ্পংৰ ওড্ডিতন্তি কুমিনং ৰিয ওড্ডিতং। যথা মচ্ছা ওড্ডিতং কুমিনং পৰিসন্তা ন জানন্তি, এৰং সত্তা কিলেসকামেন ৰত্থুকামং ৰীতিক্কমন্তা ন জানন্তীতি অত্থো। সত্তমং।
118. Sattame kāmahetūti kāmamūlakaṃ. Kāmanidānanti kāmapaccayā. Kāmādhikaraṇanti kāmakāraṇā. Sabbāni hetāni aññamaññavevacanāneva. Bhadramukhoti sundaramukho. Ekadivasaṃ kira rājā aḍḍakaraṇe nisīdi. Tattha paṭhamataraṃ lañjaṃ gahetvā nisinnā amaccā assāmikepi sāmike kariṃsu. Rājā taṃ ñatvā – ‘‘mayhaṃ tāva pathavissarassa sammukhāpete evaṃ karonti, parammukhā kiṃ nāma na karissanti? Paññāyissati dāni viṭaṭūbho senāpati sakena rajjena, kiṃ mayhaṃ evarūpehi lañjakhādakehi musāvādīhi saddhiṃ ekaṭṭhāne nisajjāyā’’ti cintesi. Tasmā evamāha. Khippaṃva oḍḍitanti kuminaṃ viya oḍḍitaṃ. Yathā macchā oḍḍitaṃ kuminaṃ pavisantā na jānanti, evaṃ sattā kilesakāmena vatthukāmaṃ vītikkamantā na jānantīti attho. Sattamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. অড্ডকরণসুত্তং • 7. Aḍḍakaraṇasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. অড্ডকরণসুত্তৰণ্ণনা • 7. Aḍḍakaraṇasuttavaṇṇanā
