| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. ад̣д̣агаран̣асуд̇д̇аван̣н̣анаа
7. Aḍḍakaraṇasuttavaṇṇanā
118. сад̇д̇амз гаамахзд̇ууд̇и гаамамуулагам̣. гааманид̣̇аананд̇и гаамабажжаяаа. гаамаад̇хигаран̣анд̇и гаамагааран̣аа. саб̣б̣аани хзд̇аани ан̃н̃аман̃н̃авзважанаанзва. бхад̣̇рамукод̇и сунд̣̇арамуко. згад̣̇ивасам̣ гира рааж̇аа ад̣д̣агаран̣з нисийд̣̇и. д̇ад̇т̇а батамад̇арам̣ лан̃ж̇ам̣ г̇ахзд̇ваа нисиннаа амажжаа ассаамигзби саамигз гарим̣су. рааж̇аа д̇ам̣ н̃ад̇ваа – ‘‘маяхам̣ д̇аава бат̇ависсарасса саммукаабзд̇з звам̣ гаронд̇и, бараммукаа гим̣ наама на гариссанд̇и? бан̃н̃ааяиссад̇и д̣̇аани видадуубхо сзнаабад̇и сагзна раж̇ж̇зна, гим̣ маяхам̣ зваруубзхи лан̃ж̇акаад̣̇агзхи мусааваад̣̇ийхи сад̣̇д̇хим̣ згадтаанз нисаж̇ж̇ааяаа’’д̇и жинд̇зси. д̇асмаа звамааха. киббам̣ва од̣д̣ид̇анд̇и гуминам̣ вияа од̣д̣ид̇ам̣. яат̇аа мажчаа од̣д̣ид̇ам̣ гуминам̣ бависанд̇аа на ж̇аананд̇и, звам̣ сад̇д̇аа гилзсагаамзна вад̇т̇угаамам̣ вийд̇иггаманд̇аа на ж̇аананд̇ийд̇и ад̇т̇о. сад̇д̇амам̣.
118. Sattame kāmahetūti kāmamūlakaṃ. Kāmanidānanti kāmapaccayā. Kāmādhikaraṇanti kāmakāraṇā. Sabbāni hetāni aññamaññavevacanāneva. Bhadramukhoti sundaramukho. Ekadivasaṃ kira rājā aḍḍakaraṇe nisīdi. Tattha paṭhamataraṃ lañjaṃ gahetvā nisinnā amaccā assāmikepi sāmike kariṃsu. Rājā taṃ ñatvā – ‘‘mayhaṃ tāva pathavissarassa sammukhāpete evaṃ karonti, parammukhā kiṃ nāma na karissanti? Paññāyissati dāni viṭaṭūbho senāpati sakena rajjena, kiṃ mayhaṃ evarūpehi lañjakhādakehi musāvādīhi saddhiṃ ekaṭṭhāne nisajjāyā’’ti cintesi. Tasmā evamāha. Khippaṃva oḍḍitanti kuminaṃ viya oḍḍitaṃ. Yathā macchā oḍḍitaṃ kuminaṃ pavisantā na jānanti, evaṃ sattā kilesakāmena vatthukāmaṃ vītikkamantā na jānantīti attho. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. ад̣д̣агаран̣асуд̇д̇ам̣ • 7. Aḍḍakaraṇasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. ад̣д̣агаран̣асуд̇д̇аван̣н̣анаа • 7. Aḍḍakaraṇasuttavaṇṇanā
