| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਅਡ੍ਡਕਰਣਸੁਤ੍ਤવਣ੍ਣਨਾ
7. Aḍḍakaraṇasuttavaṇṇanā
੧੧੮. ਸਤ੍ਤਮੇ ਕਾਮਹੇਤੂਤਿ ਕਾਮਮੂਲਕਂ। ਕਾਮਨਿਦਾਨਨ੍ਤਿ ਕਾਮਪਚ੍ਚਯਾ। ਕਾਮਾਧਿਕਰਣਨ੍ਤਿ ਕਾਮਕਾਰਣਾ। ਸਬ੍ਬਾਨਿ ਹੇਤਾਨਿ ਅਞ੍ਞਮਞ੍ਞવੇવਚਨਾਨੇવ। ਭਦ੍ਰਮੁਖੋਤਿ ਸੁਨ੍ਦਰਮੁਖੋ। ਏਕਦਿવਸਂ ਕਿਰ ਰਾਜਾ ਅਡ੍ਡਕਰਣੇ ਨਿਸੀਦਿ। ਤਤ੍ਥ ਪਠਮਤਰਂ ਲਞ੍ਜਂ ਗਹੇਤ੍વਾ ਨਿਸਿਨ੍ਨਾ ਅਮਚ੍ਚਾ ਅਸ੍ਸਾਮਿਕੇਪਿ ਸਾਮਿਕੇ ਕਰਿਂਸੁ। ਰਾਜਾ ਤਂ ਞਤ੍વਾ – ‘‘ਮਯ੍ਹਂ ਤਾવ ਪਥવਿਸ੍ਸਰਸ੍ਸ ਸਮ੍ਮੁਖਾਪੇਤੇ ਏવਂ ਕਰੋਨ੍ਤਿ, ਪਰਮ੍ਮੁਖਾ ਕਿਂ ਨਾਮ ਨ ਕਰਿਸ੍ਸਨ੍ਤਿ? ਪਞ੍ਞਾਯਿਸ੍ਸਤਿ ਦਾਨਿ વਿਟਟੂਭੋ ਸੇਨਾਪਤਿ ਸਕੇਨ ਰਜ੍ਜੇਨ, ਕਿਂ ਮਯ੍ਹਂ ਏવਰੂਪੇਹਿ ਲਞ੍ਜਖਾਦਕੇਹਿ ਮੁਸਾવਾਦੀਹਿ ਸਦ੍ਧਿਂ ਏਕਟ੍ਠਾਨੇ ਨਿਸਜ੍ਜਾਯਾ’’ਤਿ ਚਿਨ੍ਤੇਸਿ। ਤਸ੍ਮਾ ਏવਮਾਹ। ਖਿਪ੍ਪਂવ ਓਡ੍ਡਿਤਨ੍ਤਿ ਕੁਮਿਨਂ વਿਯ ਓਡ੍ਡਿਤਂ। ਯਥਾ ਮਚ੍ਛਾ ਓਡ੍ਡਿਤਂ ਕੁਮਿਨਂ ਪવਿਸਨ੍ਤਾ ਨ ਜਾਨਨ੍ਤਿ, ਏવਂ ਸਤ੍ਤਾ ਕਿਲੇਸਕਾਮੇਨ વਤ੍ਥੁਕਾਮਂ વੀਤਿਕ੍ਕਮਨ੍ਤਾ ਨ ਜਾਨਨ੍ਤੀਤਿ ਅਤ੍ਥੋ। ਸਤ੍ਤਮਂ।
118. Sattame kāmahetūti kāmamūlakaṃ. Kāmanidānanti kāmapaccayā. Kāmādhikaraṇanti kāmakāraṇā. Sabbāni hetāni aññamaññavevacanāneva. Bhadramukhoti sundaramukho. Ekadivasaṃ kira rājā aḍḍakaraṇe nisīdi. Tattha paṭhamataraṃ lañjaṃ gahetvā nisinnā amaccā assāmikepi sāmike kariṃsu. Rājā taṃ ñatvā – ‘‘mayhaṃ tāva pathavissarassa sammukhāpete evaṃ karonti, parammukhā kiṃ nāma na karissanti? Paññāyissati dāni viṭaṭūbho senāpati sakena rajjena, kiṃ mayhaṃ evarūpehi lañjakhādakehi musāvādīhi saddhiṃ ekaṭṭhāne nisajjāyā’’ti cintesi. Tasmā evamāha. Khippaṃva oḍḍitanti kuminaṃ viya oḍḍitaṃ. Yathā macchā oḍḍitaṃ kuminaṃ pavisantā na jānanti, evaṃ sattā kilesakāmena vatthukāmaṃ vītikkamantā na jānantīti attho. Sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਅਡ੍ਡਕਰਣਸੁਤ੍ਤਂ • 7. Aḍḍakaraṇasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਅਡ੍ਡਕਰਣਸੁਤ੍ਤવਣ੍ਣਨਾ • 7. Aḍḍakaraṇasuttavaṇṇanā
