| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
7. அத்³த⁴பூ⁴தஸுத்தங்
7. Addhabhūtasuttaṃ
29. ஏவங் மே ஸுதங் – ஏகங் ஸமயங் ப⁴க³வா ராஜக³ஹே விஹரதி வேளுவனே கலந்த³கனிவாபே. தத்ர கோ² ப⁴க³வா பி⁴க்கூ² ஆமந்தேஸி – ‘‘ஸப்³ப³ங், பி⁴க்க²வே, அத்³த⁴பூ⁴தங் 1. கிஞ்ச , பி⁴க்க²வே, ஸப்³ப³ங் அத்³த⁴பூ⁴தங்? சக்கு², பி⁴க்க²வே, அத்³த⁴பூ⁴தங், ரூபா அத்³த⁴பூ⁴தா, சக்கு²விஞ்ஞாணங் அத்³த⁴பூ⁴தங், சக்கு²ஸம்ப²ஸ்ஸோ அத்³த⁴பூ⁴தோ, யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அத்³த⁴பூ⁴தங். கேன அத்³த⁴பூ⁴தங்? ‘ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி அத்³த⁴பூ⁴த’ந்தி வதா³மி…பே॰… ஜிவ்ஹா அத்³த⁴பூ⁴தா, ரஸா அத்³த⁴பூ⁴தா, ஜிவ்ஹாவிஞ்ஞாணங் அத்³த⁴பூ⁴தங், ஜிவ்ஹாஸம்ப²ஸ்ஸோ அத்³த⁴பூ⁴தோ, யம்பித³ங் ஜிவ்ஹாஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அத்³த⁴பூ⁴தங். கேன அத்³த⁴பூ⁴தங்? ‘ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி அத்³த⁴பூ⁴த’ந்தி வதா³மி. காயோ அத்³த⁴பூ⁴தோ…பே॰… மனோ அத்³த⁴பூ⁴தோ, த⁴ம்மா அத்³த⁴பூ⁴தா, மனோவிஞ்ஞாணங் அத்³த⁴பூ⁴தங், மனோஸம்ப²ஸ்ஸோ அத்³த⁴பூ⁴தோ, யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அத்³த⁴பூ⁴தங். கேன அத்³த⁴பூ⁴தங்? ‘ஜாதியா ஜராய மரணேன ஸோகேஹி பரிதே³வேஹி து³க்கே²ஹி தோ³மனஸ்ஸேஹி உபாயாஸேஹி அத்³த⁴பூ⁴த’ந்தி வதா³மி. ஏவங் பஸ்ஸங், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி…பே॰… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தஸ்மிம்பி நிப்³பி³ந்த³தி. நிப்³பி³ந்த³ங் விரஜ்ஜதி , விராகா³ விமுச்சதி, விமுத்தஸ்மிங் ‘விமுத்த’மிதி ஞாணங் ஹோதி, ‘கீ²ணா ஜாதி வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதீ’’தி. ஸத்தமங்.
29. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tatra kho bhagavā bhikkhū āmantesi – ‘‘sabbaṃ, bhikkhave, addhabhūtaṃ 2. Kiñca , bhikkhave, sabbaṃ addhabhūtaṃ? Cakkhu, bhikkhave, addhabhūtaṃ, rūpā addhabhūtā, cakkhuviññāṇaṃ addhabhūtaṃ, cakkhusamphasso addhabhūto, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi addhabhūtaṃ. Kena addhabhūtaṃ? ‘Jātiyā jarāya maraṇena sokehi paridevehi dukkhehi domanassehi upāyāsehi addhabhūta’nti vadāmi…pe… jivhā addhabhūtā, rasā addhabhūtā, jivhāviññāṇaṃ addhabhūtaṃ, jivhāsamphasso addhabhūto, yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi addhabhūtaṃ. Kena addhabhūtaṃ? ‘Jātiyā jarāya maraṇena sokehi paridevehi dukkhehi domanassehi upāyāsehi addhabhūta’nti vadāmi. Kāyo addhabhūto…pe… mano addhabhūto, dhammā addhabhūtā, manoviññāṇaṃ addhabhūtaṃ, manosamphasso addhabhūto, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi addhabhūtaṃ. Kena addhabhūtaṃ? ‘Jātiyā jarāya maraṇena sokehi paridevehi dukkhehi domanassehi upāyāsehi addhabhūta’nti vadāmi. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati. Nibbindaṃ virajjati , virāgā vimuccati, vimuttasmiṃ ‘vimutta’miti ñāṇaṃ hoti, ‘khīṇā jāti vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. அத்³த⁴பூ⁴தஸுத்தவண்ணனா • 7. Addhabhūtasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. அத்³த⁴பூ⁴தஸுத்தவண்ணனா • 7. Addhabhūtasuttavaṇṇanā
