| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. ад̣̇д̇хабхууд̇асуд̇д̇ам̣
7. Addhabhūtasuttaṃ
29. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇ад̇ра ко бхаг̇аваа бхигкуу ааманд̇зси – ‘‘саб̣б̣ам̣, бхигкавз, ад̣̇д̇хабхууд̇ам̣ 1. гин̃жа , бхигкавз, саб̣б̣ам̣ ад̣̇д̇хабхууд̇ам̣? жагку, бхигкавз, ад̣̇д̇хабхууд̇ам̣, руубаа ад̣̇д̇хабхууд̇аа, жагкувин̃н̃аан̣ам̣ ад̣̇д̇хабхууд̇ам̣, жагкусампассо ад̣̇д̇хабхууд̇о, яамбид̣̇ам̣ жагкусампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби ад̣̇д̇хабхууд̇ам̣. гзна ад̣̇д̇хабхууд̇ам̣? ‘ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи ад̣̇д̇хабхууд̇а’нд̇и вад̣̇аами…бз… ж̇ивхаа ад̣̇д̇хабхууд̇аа, расаа ад̣̇д̇хабхууд̇аа, ж̇ивхаавин̃н̃аан̣ам̣ ад̣̇д̇хабхууд̇ам̣, ж̇ивхаасампассо ад̣̇д̇хабхууд̇о, яамбид̣̇ам̣ ж̇ивхаасампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби ад̣̇д̇хабхууд̇ам̣. гзна ад̣̇д̇хабхууд̇ам̣? ‘ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи ад̣̇д̇хабхууд̇а’нд̇и вад̣̇аами. гааяо ад̣̇д̇хабхууд̇о…бз… мано ад̣̇д̇хабхууд̇о, д̇хаммаа ад̣̇д̇хабхууд̇аа, мановин̃н̃аан̣ам̣ ад̣̇д̇хабхууд̇ам̣, маносампассо ад̣̇д̇хабхууд̇о, яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇амби ад̣̇д̇хабхууд̇ам̣. гзна ад̣̇д̇хабхууд̇ам̣? ‘ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи ад̣̇д̇хабхууд̇а’нд̇и вад̣̇аами. звам̣ бассам̣, бхигкавз, суд̇аваа арияасааваго жагкусмимби ниб̣б̣инд̣̇ад̇и, руубзсуби ниб̣б̣инд̣̇ад̇и, жагкувин̃н̃аан̣зби ниб̣б̣инд̣̇ад̇и, жагкусампассзби ниб̣б̣инд̣̇ад̇и…бз… яамбид̣̇ам̣ маносампассабажжаяаа уббаж̇ж̇ад̇и взд̣̇аяид̇ам̣ сукам̣ ваа д̣̇угкам̣ ваа ад̣̇угкамасукам̣ ваа д̇асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и , вирааг̇аа вимужжад̇и, вимуд̇д̇асмим̣ ‘вимуд̇д̇а’мид̇и н̃аан̣ам̣ ход̇и, ‘кийн̣аа ж̇аад̇и вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇ий’’д̇и. сад̇д̇амам̣.
29. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tatra kho bhagavā bhikkhū āmantesi – ‘‘sabbaṃ, bhikkhave, addhabhūtaṃ 2. Kiñca , bhikkhave, sabbaṃ addhabhūtaṃ? Cakkhu, bhikkhave, addhabhūtaṃ, rūpā addhabhūtā, cakkhuviññāṇaṃ addhabhūtaṃ, cakkhusamphasso addhabhūto, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi addhabhūtaṃ. Kena addhabhūtaṃ? ‘Jātiyā jarāya maraṇena sokehi paridevehi dukkhehi domanassehi upāyāsehi addhabhūta’nti vadāmi…pe… jivhā addhabhūtā, rasā addhabhūtā, jivhāviññāṇaṃ addhabhūtaṃ, jivhāsamphasso addhabhūto, yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi addhabhūtaṃ. Kena addhabhūtaṃ? ‘Jātiyā jarāya maraṇena sokehi paridevehi dukkhehi domanassehi upāyāsehi addhabhūta’nti vadāmi. Kāyo addhabhūto…pe… mano addhabhūto, dhammā addhabhūtā, manoviññāṇaṃ addhabhūtaṃ, manosamphasso addhabhūto, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi addhabhūtaṃ. Kena addhabhūtaṃ? ‘Jātiyā jarāya maraṇena sokehi paridevehi dukkhehi domanassehi upāyāsehi addhabhūta’nti vadāmi. Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati. Nibbindaṃ virajjati , virāgā vimuccati, vimuttasmiṃ ‘vimutta’miti ñāṇaṃ hoti, ‘khīṇā jāti vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. ад̣̇д̇хабхууд̇асуд̇д̇аван̣н̣анаа • 7. Addhabhūtasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. ад̣̇д̇хабхууд̇асуд̇д̇аван̣н̣анаа • 7. Addhabhūtasuttavaṇṇanā
