| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
3. அட்³ட⁴சேளகத்தே²ரஅபதா³னவண்ணனா
3. Aḍḍhaceḷakattheraapadānavaṇṇanā
திஸ்ஸஸ்ஸாஹங் ப⁴க³வதோதிஆதி³கங் ஆயஸ்மதோ அட்³ட⁴சேளகத்தே²ரஸ்ஸ அபதா³னங். அயம்பி தே²ரோ புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ திஸ்ஸஸ்ஸ ப⁴க³வதோ காலே ஏகேனாகுஸலேன கம்மேன து³க்³க³தகுலகே³ஹே நிப்³ப³த்தோ வுத்³தி⁴மன்வாய ஸத்³த⁴ம்மதே³ஸனங் ஞத்வா பஸன்னமானஸோ சீவரத்தா²ய அட்³ட⁴பா⁴க³ங் ஏகங் து³ஸ்ஸமதா³ஸி. ஸோ தேனேவ பீதிஸோமனஸ்ஸேன காலங் கத்வா ஸக்³கே³ நிப்³ப³த்தோ ச² காமாவசரஸம்பத்திமனுப⁴வித்வா ததோ சுதோ மனுஸ்ஸேஸு மனுஸ்ஸஸம்பத்தீனங் அக்³க³பூ⁴தங் சக்கவத்திஸம்பத்திங் அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் அத்³த⁴குலே நிப்³ப³த்தோ வுத்³தி⁴ப்பத்தோ ஸத்து² த⁴ம்மதே³ஸனங் ஸுத்வா பஸன்னமானஸோ பப்³ப³ஜித்வா நசிரஸ்ஸேவ அரஹா அஹோஸி.
Tissassāhaṃbhagavatotiādikaṃ āyasmato aḍḍhaceḷakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekenākusalena kammena duggatakulagehe nibbatto vuddhimanvāya saddhammadesanaṃ ñatvā pasannamānaso cīvaratthāya aḍḍhabhāgaṃ ekaṃ dussamadāsi. So teneva pītisomanassena kālaṃ katvā sagge nibbatto cha kāmāvacarasampattimanubhavitvā tato cuto manussesu manussasampattīnaṃ aggabhūtaṃ cakkavattisampattiṃ anubhavitvā imasmiṃ buddhuppāde ekasmiṃ addhakule nibbatto vuddhippatto satthu dhammadesanaṃ sutvā pasannamānaso pabbajitvā nacirasseva arahā ahosi.
14. ஸோ அபரபா⁴கே³ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ திஸ்ஸஸ்ஸாஹங் ப⁴க³வதோதிஆதி³மாஹ. தங் ஸப்³ப³ங் உத்தானத்த²மேவாதி.
14. So aparabhāge attano pubbakammaṃ saritvā somanassajāto pubbacaritāpadānaṃ pakāsento tissassāhaṃ bhagavatotiādimāha. Taṃ sabbaṃ uttānatthamevāti.
அட்³ட⁴சேளகத்தே²ரஅபதா³னவண்ணனா ஸமத்தா.
Aḍḍhaceḷakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 3. அட்³ட⁴சேளகத்தே²ரஅபதா³னங் • 3. Aḍḍhaceḷakattheraapadānaṃ
