| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৩. অড্ঢচেল়কত্থেরঅপদানৰণ্ণনা
3. Aḍḍhaceḷakattheraapadānavaṇṇanā
তিস্সস্সাহং ভগৰতোতিআদিকং আযস্মতো অড্ঢচেল়কত্থেরস্স অপদানং। অযম্পি থেরো পুরিমবুদ্ধেসু কতাধিকারো তত্থ তত্থ ভৰে ৰিৰট্টূপনিস্সযানি পুঞ্ঞানি উপচিনন্তো তিস্সস্স ভগৰতো কালে একেনাকুসলেন কম্মেন দুগ্গতকুলগেহে নিব্বত্তো ৰুদ্ধিমন্ৰায সদ্ধম্মদেসনং ঞত্ৰা পসন্নমানসো চীৰরত্থায অড্ঢভাগং একং দুস্সমদাসি। সো তেনেৰ পীতিসোমনস্সেন কালং কত্ৰা সগ্গে নিব্বত্তো ছ কামাৰচরসম্পত্তিমনুভৰিত্ৰা ততো চুতো মনুস্সেসু মনুস্সসম্পত্তীনং অগ্গভূতং চক্কৰত্তিসম্পত্তিং অনুভৰিত্ৰা ইমস্মিং বুদ্ধুপ্পাদে একস্মিং অদ্ধকুলে নিব্বত্তো ৰুদ্ধিপ্পত্তো সত্থু ধম্মদেসনং সুত্ৰা পসন্নমানসো পব্বজিত্ৰা নচিরস্সেৰ অরহা অহোসি।
Tissassāhaṃbhagavatotiādikaṃ āyasmato aḍḍhaceḷakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekenākusalena kammena duggatakulagehe nibbatto vuddhimanvāya saddhammadesanaṃ ñatvā pasannamānaso cīvaratthāya aḍḍhabhāgaṃ ekaṃ dussamadāsi. So teneva pītisomanassena kālaṃ katvā sagge nibbatto cha kāmāvacarasampattimanubhavitvā tato cuto manussesu manussasampattīnaṃ aggabhūtaṃ cakkavattisampattiṃ anubhavitvā imasmiṃ buddhuppāde ekasmiṃ addhakule nibbatto vuddhippatto satthu dhammadesanaṃ sutvā pasannamānaso pabbajitvā nacirasseva arahā ahosi.
১৪. সো অপরভাগে অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো তিস্সস্সাহং ভগৰতোতিআদিমাহ। তং সব্বং উত্তানত্থমেৰাতি।
14. So aparabhāge attano pubbakammaṃ saritvā somanassajāto pubbacaritāpadānaṃ pakāsento tissassāhaṃ bhagavatotiādimāha. Taṃ sabbaṃ uttānatthamevāti.
অড্ঢচেল়কত্থেরঅপদানৰণ্ণনা সমত্তা।
Aḍḍhaceḷakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৩. অড্ঢচেল়কত্থেরঅপদানং • 3. Aḍḍhaceḷakattheraapadānaṃ
