| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൩. അഡ്ഢചേളകത്ഥേരഅപദാനവണ്ണനാ
3. Aḍḍhaceḷakattheraapadānavaṇṇanā
തിസ്സസ്സാഹം ഭഗവതോതിആദികം ആയസ്മതോ അഡ്ഢചേളകത്ഥേരസ്സ അപദാനം. അയമ്പി ഥേരോ പുരിമബുദ്ധേസു കതാധികാരോ തത്ഥ തത്ഥ ഭവേ വിവട്ടൂപനിസ്സയാനി പുഞ്ഞാനി ഉപചിനന്തോ തിസ്സസ്സ ഭഗവതോ കാലേ ഏകേനാകുസലേന കമ്മേന ദുഗ്ഗതകുലഗേഹേ നിബ്ബത്തോ വുദ്ധിമന്വായ സദ്ധമ്മദേസനം ഞത്വാ പസന്നമാനസോ ചീവരത്ഥായ അഡ്ഢഭാഗം ഏകം ദുസ്സമദാസി. സോ തേനേവ പീതിസോമനസ്സേന കാലം കത്വാ സഗ്ഗേ നിബ്ബത്തോ ഛ കാമാവചരസമ്പത്തിമനുഭവിത്വാ തതോ ചുതോ മനുസ്സേസു മനുസ്സസമ്പത്തീനം അഗ്ഗഭൂതം ചക്കവത്തിസമ്പത്തിം അനുഭവിത്വാ ഇമസ്മിം ബുദ്ധുപ്പാദേ ഏകസ്മിം അദ്ധകുലേ നിബ്ബത്തോ വുദ്ധിപ്പത്തോ സത്ഥു ധമ്മദേസനം സുത്വാ പസന്നമാനസോ പബ്ബജിത്വാ നചിരസ്സേവ അരഹാ അഹോസി.
Tissassāhaṃbhagavatotiādikaṃ āyasmato aḍḍhaceḷakattherassa apadānaṃ. Ayampi thero purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekenākusalena kammena duggatakulagehe nibbatto vuddhimanvāya saddhammadesanaṃ ñatvā pasannamānaso cīvaratthāya aḍḍhabhāgaṃ ekaṃ dussamadāsi. So teneva pītisomanassena kālaṃ katvā sagge nibbatto cha kāmāvacarasampattimanubhavitvā tato cuto manussesu manussasampattīnaṃ aggabhūtaṃ cakkavattisampattiṃ anubhavitvā imasmiṃ buddhuppāde ekasmiṃ addhakule nibbatto vuddhippatto satthu dhammadesanaṃ sutvā pasannamānaso pabbajitvā nacirasseva arahā ahosi.
൧൪. സോ അപരഭാഗേ അത്തനോ പുബ്ബകമ്മം സരിത്വാ സോമനസ്സജാതോ പുബ്ബചരിതാപദാനം പകാസേന്തോ തിസ്സസ്സാഹം ഭഗവതോതിആദിമാഹ. തം സബ്ബം ഉത്താനത്ഥമേവാതി.
14. So aparabhāge attano pubbakammaṃ saritvā somanassajāto pubbacaritāpadānaṃ pakāsento tissassāhaṃ bhagavatotiādimāha. Taṃ sabbaṃ uttānatthamevāti.
അഡ്ഢചേളകത്ഥേരഅപദാനവണ്ണനാ സമത്താ.
Aḍḍhaceḷakattheraapadānavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൩. അഡ്ഢചേളകത്ഥേരഅപദാനം • 3. Aḍḍhaceḷakattheraapadānaṃ
