| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. ад̣дхагаасит̇зрийг̇аат̇ааван̣н̣анаа
4. Aḍḍhakāsitherīgāthāvaṇṇanā
яаава гаасиж̇анабад̣̇од̇иаад̣̇игаа ад̣дхагаасияаа т̇зрияаа г̇аат̇аа. аяам̣ гира гассабасса д̣̇асаб̣аласса гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа бхигкунийнам̣ санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хаа баб̣б̣аж̇ид̇ваа бхигкунисийлз тид̇ам̣ ан̃н̃ад̇арам̣ бадисамбхид̣̇ааббад̇д̇ам̣ кийн̣аасавад̇т̇зрим̣ г̇ан̣игааваад̣̇зна аггосид̇ваа, д̇ад̇о жуд̇аа нираяз бажжид̇ваа имасмим̣ б̣уд̣̇д̇хуббаад̣̇з гаасигарадтз ул̣ааравибхавз сздтигулз ниб̣б̣ад̇д̇ид̇ваа вуд̣̇д̇хиббад̇д̇аа буб̣б̣з гад̇асса важийд̣̇ужжарид̇асса ниссанд̣̇зна таанад̇о барибхадтаа г̇ан̣игаа ахоси. наамзна ад̣дхагаасий наама. д̇ассаа баб̣б̣аж̇ж̇аа жа д̣̇ууд̇зна убасамбад̣̇аа жа канд̇хагз ааг̇ад̇ааязва. вуд̇д̇ан̃хзд̇ам̣ –
Yāva kāsijanapadotiādikā aḍḍhakāsiyā theriyā gāthā. Ayaṃ kira kassapassa dasabalassa kāle kulagehe nibbattitvā viññutaṃ patvā bhikkhunīnaṃ santikaṃ gantvā dhammaṃ sutvā paṭiladdhasaddhā pabbajitvā bhikkhunisīle ṭhitaṃ aññataraṃ paṭisambhidāppattaṃ khīṇāsavattheriṃ gaṇikāvādena akkositvā, tato cutā niraye paccitvā imasmiṃ buddhuppāde kāsikaraṭṭhe uḷāravibhave seṭṭhikule nibbattitvā vuddhippattā pubbe katassa vacīduccaritassa nissandena ṭhānato paribhaṭṭhā gaṇikā ahosi. Nāmena aḍḍhakāsī nāma. Tassā pabbajjā ca dūtena upasampadā ca khandhake āgatāyeva. Vuttañhetaṃ –
д̇зна ко бана самаязна ад̣дхагаасий г̇ан̣игаа бхигкунийсу баб̣б̣аж̇ид̇аа ход̇и. саа жа саавад̇т̇им̣ г̇анд̇угаамаа ход̇и ‘‘бхаг̇авад̇о санд̇игз убасамбаж̇ж̇иссаамий’’д̇и. ассосум̣ ко д̇худ̇д̇аа – ‘‘ад̣дхагаасий гира г̇ан̣игаа саавад̇т̇им̣ г̇анд̇угаамаа’’д̇и. д̇з маг̇г̇з барияудтим̣су. ассоси ко ад̣дхагаасий г̇ан̣игаа ‘‘д̇худ̇д̇аа гира маг̇г̇з барияудтид̇аа’’д̇и. бхаг̇авад̇о санд̇игз д̣̇ууд̇ам̣ баахзси – ‘‘ахан̃хи убасамбаж̇ж̇ид̇угаамаа, гат̇ам̣ ну ко маяаа бадибаж̇ж̇ид̇аб̣б̣а’’нд̇и? ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, д̣̇ууд̇знаби убасамбаад̣̇зд̇у’’нд̇и (жуул̣ава. 430).
Tena kho pana samayena aḍḍhakāsī gaṇikā bhikkhunīsu pabbajitā hoti. Sā ca sāvatthiṃ gantukāmā hoti ‘‘bhagavato santike upasampajjissāmī’’ti. Assosuṃ kho dhuttā – ‘‘aḍḍhakāsī kira gaṇikā sāvatthiṃ gantukāmā’’ti. Te magge pariyuṭṭhiṃsu. Assosi kho aḍḍhakāsī gaṇikā ‘‘dhuttā kira magge pariyuṭṭhitā’’ti. Bhagavato santike dūtaṃ pāhesi – ‘‘ahañhi upasampajjitukāmā, kathaṃ nu kho mayā paṭipajjitabba’’nti? Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, dūtenapi upasampādetu’’nti (cūḷava. 430).
звам̣ лад̣̇д̇хуубасамбад̣̇аа бана вибассанааяа гаммам̣ гаронд̇ий на жирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.4.168-183) –
Evaṃ laddhūpasampadā pana vipassanāya kammaṃ karontī na cirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.4.168-183) –
‘‘имамхи бхад̣̇д̣̇агз габбз, б̣рахмаб̣анд̇ху махааяасо;
‘‘Imamhi bhaddake kappe, brahmabandhu mahāyaso;
гассабо наама г̇од̇д̇зна, уббаж̇ж̇и вад̣̇ад̇ам̣ варо.
Kassapo nāma gottena, uppajji vadataṃ varo.
‘‘д̇ад̣̇аахам̣ баб̣б̣аж̇ид̇ваана, д̇асса б̣уд̣̇д̇хасса саасанз;
‘‘Tadāhaṃ pabbajitvāna, tassa buddhassa sāsane;
сам̣вуд̇аа баад̇имогкамхи, инд̣̇риязсу жа бан̃жасу.
Saṃvutā pātimokkhamhi, indriyesu ca pañcasu.
‘‘мад̇д̇ан̃н̃уний жа асанз, яуд̇д̇аа ж̇ааг̇ариязби жа;
‘‘Mattaññunī ca asane, yuttā jāgariyepi ca;
васанд̇ий яуд̇д̇аяог̇аахам̣, бхигкуним̣ виг̇ад̇аасавам̣.
Vasantī yuttayogāhaṃ, bhikkhuniṃ vigatāsavaṃ.
‘‘аггосим̣ д̣̇удтажид̇д̇аахам̣, г̇ан̣игзд̇и бхан̣им̣ д̇ад̣̇аа;
‘‘Akkosiṃ duṭṭhacittāhaṃ, gaṇiketi bhaṇiṃ tadā;
д̇зна баабзна гаммзна, нираяамхи абажжисам̣.
Tena pāpena kammena, nirayamhi apaccisaṃ.
‘‘д̇зна гаммаавасзсзна, аж̇ааяим̣ г̇ан̣игаагулз;
‘‘Tena kammāvasesena, ajāyiṃ gaṇikākule;
б̣ахусова бараад̇хийнаа, бажчимааяа жа ж̇аад̇ияам̣.
Bahusova parādhīnā, pacchimāya ca jātiyaṃ.
‘‘гаасийсу сздтигулаж̇аа, б̣рахмажаарийб̣алзнахам̣;
‘‘Kāsīsu seṭṭhikulajā, brahmacārībalenahaṃ;
ажчараа вияа д̣̇звзсу, ахосим̣ руубасамбад̣̇аа.
Accharā viya devesu, ahosiṃ rūpasampadā.
‘‘д̣̇исваана д̣̇ассанийяам̣ мам̣, г̇ириб̣б̣аж̇абуруд̇д̇амз;
‘‘Disvāna dassanīyaṃ maṃ, giribbajapuruttame;
г̇ан̣игад̇д̇з нивзсзсум̣, аггосанаб̣алзна мз.
Gaṇikatte nivesesuṃ, akkosanabalena me.
‘‘саахам̣ суд̇ваана сад̣̇д̇хаммам̣, б̣уд̣̇д̇хасздтзна д̣̇зсид̇ам̣;
‘‘Sāhaṃ sutvāna saddhammaṃ, buddhaseṭṭhena desitaṃ;
буб̣б̣аваасанасамбаннаа, баб̣б̣аж̇им̣ анаг̇аарияам̣.
Pubbavāsanasampannā, pabbajiṃ anagāriyaṃ.
‘‘д̇ад̣̇уубасамбад̣̇ад̇т̇ааяа, г̇ажчанд̇ий ж̇инасанд̇игам̣;
‘‘Tadūpasampadatthāya, gacchantī jinasantikaṃ;
маг̇г̇з д̇худ̇д̇з тид̇з суд̇ваа, лабхим̣ д̣̇ууд̇обасамбад̣̇ам̣.
Magge dhutte ṭhite sutvā, labhiṃ dūtopasampadaṃ.
‘‘саб̣б̣агаммам̣ баригкийн̣ам̣, бун̃н̃ам̣ баабам̣ д̇ат̇зва жа;
‘‘Sabbakammaṃ parikkhīṇaṃ, puññaṃ pāpaṃ tatheva ca;
саб̣б̣асам̣саарамуд̇д̇ин̣н̣аа , г̇ан̣игад̇д̇ан̃жа кзбид̇ам̣.
Sabbasaṃsāramuttiṇṇā , gaṇikattañca khepitaṃ.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
жзд̇обарияан̃аан̣асса, васий хоми махаамунз.
Cetopariyañāṇassa, vasī homi mahāmune.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘Atthadhammaniruttīsu, paṭibhāne tatheva ca;
н̃аан̣ам̣ мама махаавийра, уббаннам̣ д̇ава санд̇игз.
Ñāṇaṃ mama mahāvīra, uppannaṃ tava santike.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и. (аба. т̇зрий 2.4.168-183);
‘‘Kilesā jhāpitā mayhaṃ…pe… kataṃ buddhassa sāsana’’nti. (apa. therī 2.4.168-183);
арахад̇д̇ам̣ бана бад̇ваа уд̣̇аанавасзна –
Arahattaṃ pana patvā udānavasena –
25.
25.
‘‘яаава гаасиж̇анабад̣̇о, сун̇го мз д̇ад̇д̇аго аху;
‘‘Yāva kāsijanapado, suṅko me tattako ahu;
д̇ам̣ гад̇ваа нзг̇амо аг̇гхам̣, ад̣дхзнаг̇гхам̣ табзси мам̣.
Taṃ katvā negamo agghaṃ, aḍḍhenagghaṃ ṭhapesi maṃ.
26.
26.
‘‘ат̇а ниб̣б̣инд̣̇ахам̣ руубз, ниб̣б̣инд̣̇ан̃жа вираж̇ж̇ахам̣;
‘‘Atha nibbindahaṃ rūpe, nibbindañca virajjahaṃ;
маа буна ж̇аад̇исам̣саарам̣, санд̇хаавзяяам̣ бунаббунам̣;
Mā puna jātisaṃsāraṃ, sandhāveyyaṃ punappunaṃ;
д̇иссо виж̇ж̇аа сажчигад̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā sacchikatā, kataṃ buddhassa sāsana’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а яаава гаасиж̇анабад̣̇о, сун̇го мз д̇ад̇д̇аго ахууд̇и гаасийсу ж̇анабад̣̇зсу бхаво сун̇го гаасиж̇анабад̣̇о, со яаава яад̇д̇аго, д̇ад̇д̇аго маяхам̣ сун̇го аху ахоси. гид̇д̇аго бана сод̇и? сахассамад̇д̇о. гаасирадтз гира д̇ад̣̇аа сун̇гавасзна згад̣̇ивасам̣ ран̃н̃о уббаж̇ж̇анагаааяо ахоси сахассамад̇д̇о, имааяаби бурисаанам̣ хад̇т̇ад̇о згад̣̇ивасам̣ лад̣̇д̇хад̇ханам̣ д̇ад̇д̇агам̣. д̇зна вуд̇д̇ам̣ – ‘‘яаава гаасиж̇анабад̣̇о, сун̇го мз д̇ад̇д̇аго ахуу’’д̇и. саа бана гаасисун̇габаримаан̣ад̇ааяа гаасийд̇и саман̃н̃ам̣ лабхи. д̇ад̇т̇а язбхуяязна мануссаа сахассам̣ д̣̇аад̇ум̣ асаггонд̇аа д̇ад̇о убад̣дхам̣ д̣̇ад̇ваа д̣̇ивасабхааг̇амзва рамид̇ваа г̇ажчанд̇и, д̇зсам̣ васзнааяам̣ ад̣дхагаасийд̇и бан̃н̃ааяид̇т̇а. д̇зна вуд̇д̇ам̣ – ‘‘д̇ам̣ гад̇ваа нзг̇амо аг̇гхам̣, ад̣дхзнаг̇гхам̣ табзси ма’’нд̇и. д̇ам̣ бан̃жасад̇амад̇д̇ам̣ д̇ханам̣ аг̇гхам̣ гад̇ваа нзг̇амо ниг̇амаваасиж̇ано ид̇т̇ирад̇анабхаавзна анаг̇гхамби самаанам̣ ад̣дхзна аг̇гхам̣ нимид̇д̇ам̣ ад̣дхагаасийд̇и саман̃н̃аавасзна мам̣ табзси, д̇ат̇аа мам̣ вохарийд̇и ад̇т̇о.
Tattha yāva kāsijanapado, suṅko me tattako ahūti kāsīsu janapadesu bhavo suṅko kāsijanapado, so yāva yattako, tattako mayhaṃ suṅko ahu ahosi. Kittako pana soti? Sahassamatto. Kāsiraṭṭhe kira tadā suṅkavasena ekadivasaṃ rañño uppajjanakaāyo ahosi sahassamatto, imāyapi purisānaṃ hatthato ekadivasaṃ laddhadhanaṃ tattakaṃ. Tena vuttaṃ – ‘‘yāva kāsijanapado, suṅko me tattako ahū’’ti. Sā pana kāsisuṅkaparimāṇatāya kāsīti samaññaṃ labhi. Tattha yebhuyyena manussā sahassaṃ dātuṃ asakkontā tato upaḍḍhaṃ datvā divasabhāgameva ramitvā gacchanti, tesaṃ vasenāyaṃ aḍḍhakāsīti paññāyittha. Tena vuttaṃ – ‘‘taṃ katvā negamo agghaṃ, aḍḍhenagghaṃ ṭhapesi ma’’nti. Taṃ pañcasatamattaṃ dhanaṃ agghaṃ katvā negamo nigamavāsijano itthiratanabhāvena anagghampi samānaṃ aḍḍhena agghaṃ nimittaṃ aḍḍhakāsīti samaññāvasena maṃ ṭhapesi, tathā maṃ voharīti attho.
ат̇а ниб̣б̣инд̣̇ахам̣ руубзд̇и звам̣ руубуубаж̇ийвиний худ̇ваа тид̇аа. ат̇а бажчаа саасанам̣ ниссааяа руубз ахам̣ ниб̣б̣инд̣̇им̣ ‘‘ид̇иби руубам̣ анижжам̣, ид̇ибид̣̇ам̣ руубам̣ д̣̇угкам̣, асубха’’нд̇и бассанд̇ий д̇ад̇т̇а угган̣тим̣. ниб̣б̣инд̣̇ан̃жа вираж̇ж̇аханд̇и ниб̣б̣инд̣̇анд̇ий жаахам̣ д̇ад̇о барам̣ вирааг̇ам̣ аабаж̇ж̇им̣. ниб̣б̣инд̣̇аг̇г̇ахан̣зна жзд̇т̇а д̇арун̣авибассанам̣ д̣̇ассзд̇и, вирааг̇аг̇г̇ахан̣зна б̣алававибассанам̣. ‘‘ниб̣б̣инд̣̇анд̇о вираж̇ж̇ад̇и вирааг̇аа вимужжад̇ий’’д̇и хи вуд̇д̇ам̣. маа буна ж̇аад̇исам̣саарам̣, санд̇хаавзяяам̣ бунаббунанд̇и иминаа ниб̣б̣инд̣̇анавираж̇ж̇анаагаарз нид̣̇ассзд̇и. д̇иссо виж̇ж̇аад̇иаад̣̇инаа д̇зсам̣ мад̇т̇агаббад̇д̇им̣, д̇ам̣ вуд̇д̇анаяамзва.
Atha nibbindahaṃ rūpeti evaṃ rūpūpajīvinī hutvā ṭhitā. Atha pacchā sāsanaṃ nissāya rūpe ahaṃ nibbindiṃ ‘‘itipi rūpaṃ aniccaṃ, itipidaṃ rūpaṃ dukkhaṃ, asubha’’nti passantī tattha ukkaṇṭhiṃ. Nibbindañca virajjahanti nibbindantī cāhaṃ tato paraṃ virāgaṃ āpajjiṃ. Nibbindaggahaṇena cettha taruṇavipassanaṃ dasseti, virāgaggahaṇena balavavipassanaṃ. ‘‘Nibbindanto virajjati virāgā vimuccatī’’ti hi vuttaṃ. Mā puna jātisaṃsāraṃ, sandhāveyyaṃ punappunanti iminā nibbindanavirajjanākāre nidasseti. Tisso vijjātiādinā tesaṃ matthakappattiṃ, taṃ vuttanayameva.
ад̣дхагаасит̇зрийг̇аат̇ааван̣н̣анаа нидтид̇аа.
Aḍḍhakāsitherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 4. ад̣дхагаасит̇зрийг̇аат̇аа • 4. Aḍḍhakāsitherīgāthā
