| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. অদ্ধাকথাৰণ্ণনা
3. Addhākathāvaṇṇanā
৭২০-৭২১. ইদানি অদ্ধাকথা নাম হোতি। তত্থ ‘‘তীণিমানি, ভিক্খৰে, কথাৰত্থূনী’’তি (অ॰ নি॰ ৩.৬৮) সুত্তং নিস্সায কালসঙ্খাতো অদ্ধা নাম পরিনিপ্ফন্নো অত্থীতি যেসং লদ্ধি; তেসং ‘‘অদ্ধা নাম কোচি পরিনিপ্ফন্নো নত্থি অঞ্ঞত্র কালপঞ্ঞত্তিমত্তা। রূপাদযো পন খন্ধাৰ পরিনিপ্ফন্না’’তি ৰিভাগং দস্সেতুং অদ্ধা পরিনিপ্ফন্নোতি পুচ্ছা সকৰাদিস্স, পটিঞ্ঞা ইতরস্স। অথ নং ‘‘সচে সো পরিনিপ্ফন্নো, রূপাদীসু অনেন অঞ্ঞতরেন ভৰিতব্ব’’ন্তি চোদেতুং রূপন্তিআদিমাহ। ইতরো পটিক্খিপতি। সেসং যথাপাল়িমেৰ নিয্যাতীতি।
720-721. Idāni addhākathā nāma hoti. Tattha ‘‘tīṇimāni, bhikkhave, kathāvatthūnī’’ti (a. ni. 3.68) suttaṃ nissāya kālasaṅkhāto addhā nāma parinipphanno atthīti yesaṃ laddhi; tesaṃ ‘‘addhā nāma koci parinipphanno natthi aññatra kālapaññattimattā. Rūpādayo pana khandhāva parinipphannā’’ti vibhāgaṃ dassetuṃ addhā parinipphannoti pucchā sakavādissa, paṭiññā itarassa. Atha naṃ ‘‘sace so parinipphanno, rūpādīsu anena aññatarena bhavitabba’’nti codetuṃ rūpantiādimāha. Itaro paṭikkhipati. Sesaṃ yathāpāḷimeva niyyātīti.
অদ্ধাকথাৰণ্ণনা।
Addhākathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৪৭) ৩. অদ্ধাকথা • (147) 3. Addhākathā
