| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
9. ад̣̇д̇хаанабан̃хо
9. Addhānapañho
9. рааж̇аа ааха ‘‘бханд̇з нааг̇асзна, яам̣ банзд̇ам̣ б̣рууси ‘д̣̇ийгхамад̣̇д̇хаана’нд̇и, гимзд̇ам̣ ад̣̇д̇хаанам̣ наамаа’’д̇и ? ‘‘ад̇ийд̇о, махаарааж̇а, ад̣̇д̇хаа, анааг̇ад̇о ад̣̇д̇хаа, бажжуббанно ад̣̇д̇хаа’’д̇и. ‘‘гим̣ бана, бханд̇з, саб̣б̣з ад̣̇д̇хаа ад̇т̇ий’’д̇и? ‘‘гожи, махаарааж̇а , ад̣̇д̇хаа ад̇т̇и, гожи над̇т̇ий’’д̇и. ‘‘гад̇амо бана, бханд̇з, ад̇т̇и, гад̇амо над̇т̇ий’’д̇и? ‘‘яз д̇з, махаарааж̇а, сан̇каараа ад̇ийд̇аа виг̇ад̇аа нируд̣̇д̇хаа вибарин̣ад̇аа, со ад̣̇д̇хаа над̇т̇и, яз д̇хаммаа вибаагаа, яз жа вибаагад̇хаммад̇хаммаа, яз жа ан̃н̃ад̇ра бадисанд̇хим̣ д̣̇знд̇и, со ад̣̇д̇хаа ад̇т̇и. яз сад̇д̇аа гаалан̇гад̇аа ан̃н̃ад̇ра уббаннаа, со жа ад̣̇д̇хаа ад̇т̇и. яз сад̇д̇аа гаалан̇гад̇аа ан̃н̃ад̇ра ануббаннаа, со ад̣̇д̇хаа над̇т̇и. яз жа сад̇д̇аа бариниб̣б̣уд̇аа, со жа ад̣̇д̇хаа над̇т̇и бариниб̣б̣уд̇ад̇д̇аа’’д̇и.
9. Rājā āha ‘‘bhante nāgasena, yaṃ panetaṃ brūsi ‘dīghamaddhāna’nti, kimetaṃ addhānaṃ nāmā’’ti ? ‘‘Atīto, mahārāja, addhā, anāgato addhā, paccuppanno addhā’’ti. ‘‘Kiṃ pana, bhante, sabbe addhā atthī’’ti? ‘‘Koci, mahārāja , addhā atthi, koci natthī’’ti. ‘‘Katamo pana, bhante, atthi, katamo natthī’’ti? ‘‘Ye te, mahārāja, saṅkhārā atītā vigatā niruddhā vipariṇatā, so addhā natthi, ye dhammā vipākā, ye ca vipākadhammadhammā, ye ca aññatra paṭisandhiṃ denti, so addhā atthi. Ye sattā kālaṅkatā aññatra uppannā, so ca addhā atthi. Ye sattā kālaṅkatā aññatra anuppannā, so addhā natthi. Ye ca sattā parinibbutā, so ca addhā natthi parinibbutattā’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
ад̣̇д̇хаанабан̃хо навамо.
Addhānapañho navamo.
ад̣̇д̇хаанаваг̇г̇о д̣̇уд̇ияо.
Addhānavaggo dutiyo.
имасмим̣ ваг̇г̇з нава бан̃хаа.
Imasmiṃ vagge nava pañhā.
