| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༩. ཨདྡྷཱནཔཉྷོ
9. Addhānapañho
༩. རཱཛཱ ཨཱཧ ‘‘བྷནྟེ ནཱགསེན, ཡཾ པནེཏཾ བྲཱུསི ‘དཱིགྷམདྡྷཱན’ནྟི, ཀིམེཏཾ ཨདྡྷཱནཾ ནཱམཱ’’ཏི ? ‘‘ཨཏཱིཏོ, མཧཱརཱཛ, ཨདྡྷཱ, ཨནཱགཏོ ཨདྡྷཱ, པཙྩུཔྤནྣོ ཨདྡྷཱ’’ཏི། ‘‘ཀིཾ པན, བྷནྟེ, སབྦེ ཨདྡྷཱ ཨཏྠཱི’’ཏི? ‘‘ཀོཙི, མཧཱརཱཛ , ཨདྡྷཱ ཨཏྠི, ཀོཙི ནཏྠཱི’’ཏི། ‘‘ཀཏམོ པན, བྷནྟེ, ཨཏྠི, ཀཏམོ ནཏྠཱི’’ཏི? ‘‘ཡེ ཏེ, མཧཱརཱཛ, སངྑཱརཱ ཨཏཱིཏཱ ཝིགཏཱ ནིརུདྡྷཱ ཝིཔརིཎཏཱ, སོ ཨདྡྷཱ ནཏྠི, ཡེ དྷམྨཱ ཝིཔཱཀཱ, ཡེ ཙ ཝིཔཱཀདྷམྨདྷམྨཱ, ཡེ ཙ ཨཉྙཏྲ པཊིསནྡྷིཾ དེནྟི, སོ ཨདྡྷཱ ཨཏྠི། ཡེ སཏྟཱ ཀཱལངྐཏཱ ཨཉྙཏྲ ཨུཔྤནྣཱ, སོ ཙ ཨདྡྷཱ ཨཏྠི། ཡེ སཏྟཱ ཀཱལངྐཏཱ ཨཉྙཏྲ ཨནུཔྤནྣཱ, སོ ཨདྡྷཱ ནཏྠི། ཡེ ཙ སཏྟཱ པརིནིབྦུཏཱ, སོ ཙ ཨདྡྷཱ ནཏྠི པརིནིབྦུཏཏྟཱ’’ཏི།
9. Rājā āha ‘‘bhante nāgasena, yaṃ panetaṃ brūsi ‘dīghamaddhāna’nti, kimetaṃ addhānaṃ nāmā’’ti ? ‘‘Atīto, mahārāja, addhā, anāgato addhā, paccuppanno addhā’’ti. ‘‘Kiṃ pana, bhante, sabbe addhā atthī’’ti? ‘‘Koci, mahārāja , addhā atthi, koci natthī’’ti. ‘‘Katamo pana, bhante, atthi, katamo natthī’’ti? ‘‘Ye te, mahārāja, saṅkhārā atītā vigatā niruddhā vipariṇatā, so addhā natthi, ye dhammā vipākā, ye ca vipākadhammadhammā, ye ca aññatra paṭisandhiṃ denti, so addhā atthi. Ye sattā kālaṅkatā aññatra uppannā, so ca addhā atthi. Ye sattā kālaṅkatā aññatra anuppannā, so addhā natthi. Ye ca sattā parinibbutā, so ca addhā natthi parinibbutattā’’ti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
ཨདྡྷཱནཔཉྷོ ནཝམོ།
Addhānapañho navamo.
ཨདྡྷཱནཝགྒོ དུཏིཡོ།
Addhānavaggo dutiyo.
ཨིམསྨིཾ ཝགྒེ ནཝ པཉྷཱ།
Imasmiṃ vagge nava pañhā.
