| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
அத⁴ம்மகம்மாதி³த்³வாத³ஸககதா²
Adhammakammādidvādasakakathā
39. புரிமேஹி கம்மேஹீதி ஸம்ப³ந்தோ⁴. தத்தா²தி அங்கே³ஸு. யதா² பரிஸக்கியமானே கி³ஹினோ லாப⁴ங் ந லப⁴ந்தீதி யோஜனா. பரிபுப்³போ³ ஸக்கதா⁴து பரக்கமத்தோ²தி ஆஹ ‘‘பரக்கமந்தோ’’தி. தத்தா²தி அனத்தா²தீ³ஸு . அத்த²ப⁴ங்கோ³தி கி³ஹீனங் அத்த²ஸ்ஸ ப⁴ங்கோ³. அவஸனந்தி கி³ஹீனங் அவஸனங். கி³ஹீனந்தி எத்த² ஸாம்யத்தே² ஸாமிவசனந்தி ஆஹ ‘‘கி³ஹீனங் ஸந்திகே’’தி. யதா² கரியமானே ஸச்சோ ஹோதி, ஏவங் ந கரோதீதி யோஜனா. ஏகங்கே³னாபீதி பிஸத்³தோ³ ஸம்பா⁴வனத்தோ², ததோ அதி⁴கேஹி அங்கே³ஹி கா நாம கதா²தி த³ஸ்ஸேதி. எத்தா²தி படிஸாரணீயகம்மே. படிமுக²ங் அத்தனோ தோ³ஸங் ஸராபேதப்³ப³ங் அனேன வினயகம்மேனாதி படிஸாரணீயங், தமேவ கம்மங் படிஸாரணீயகம்மங்.
39. Purimehi kammehīti sambandho. Tatthāti aṅgesu. Yathā parisakkiyamāne gihino lābhaṃ na labhantīti yojanā. Paripubbo sakkadhātu parakkamatthoti āha ‘‘parakkamanto’’ti. Tatthāti anatthādīsu . Atthabhaṅgoti gihīnaṃ atthassa bhaṅgo. Avasananti gihīnaṃ avasanaṃ. Gihīnanti ettha sāmyatthe sāmivacananti āha ‘‘gihīnaṃ santike’’ti. Yathā kariyamāne sacco hoti, evaṃ na karotīti yojanā. Ekaṅgenāpīti pisaddo sambhāvanattho, tato adhikehi aṅgehi kā nāma kathāti dasseti. Etthāti paṭisāraṇīyakamme. Paṭimukhaṃ attano dosaṃ sarāpetabbaṃ anena vinayakammenāti paṭisāraṇīyaṃ, tameva kammaṃ paṭisāraṇīyakammaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / ஆகங்க²மானசதுக்கங் • Ākaṅkhamānacatukkaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / அத⁴ம்மகம்மாதி³த்³வாத³ஸககதா² • Adhammakammādidvādasakakathā
