| Library / Tipiṭaka / तिपिटक • Tipiṭaka / चूळवग्ग-अट्ठकथा • Cūḷavagga-aṭṭhakathā |
अधम्मकम्मादिद्वादसककथा
Adhammakammādidvādasakakathā
३७. असम्मुखा कतन्तिआदयो तिका वुत्तप्पकारा एव।
37.Asammukhā katantiādayo tikā vuttappakārā eva.
३९. अङ्गसमन्नागमो पुरिमेहि असदिसो। तत्थ यथा लाभं न लभन्ति; एवं परिसक्कन्तो परक्कमन्तो अलाभाय परिसक्कति नाम। एस नयो अनत्थादीसु। तत्थ अनत्थोति अत्थभङ्गो। अनावासोति तस्मिं ठाने अवसनं। गिहीनं बुद्धस्स अवण्णन्ति गिहीनं सन्तिके बुद्धस्स अवण्णं भासति। धम्मिकं पटिस्सवं न सच्चापेतीति यथा सच्चो होति, एवं न करोति; वस्सावासं पटिस्सुणित्वा न गच्छति, अञ्ञं वा एवरूपं करोति। पञ्चन्नं भिक्खवेतिआदि एकङ्गेनपि कम्मारहभावदस्सनत्थं वुत्तं। सेसमेत्थ उत्तानत्थञ्चेव, तज्जनीये च वुत्तनयमेव।
39. Aṅgasamannāgamo purimehi asadiso. Tattha yathā lābhaṃ na labhanti; evaṃ parisakkanto parakkamanto alābhāya parisakkati nāma. Esa nayo anatthādīsu. Tattha anatthoti atthabhaṅgo. Anāvāsoti tasmiṃ ṭhāne avasanaṃ. Gihīnaṃ buddhassa avaṇṇanti gihīnaṃ santike buddhassa avaṇṇaṃ bhāsati. Dhammikaṃ paṭissavaṃ na saccāpetīti yathā sacco hoti, evaṃ na karoti; vassāvāsaṃ paṭissuṇitvā na gacchati, aññaṃ vā evarūpaṃ karoti. Pañcannaṃ bhikkhavetiādi ekaṅgenapi kammārahabhāvadassanatthaṃ vuttaṃ. Sesamettha uttānatthañceva, tajjanīye ca vuttanayameva.
अधम्मकम्मादिद्वादसककथा निट्ठिता।
Adhammakammādidvādasakakathā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / चूळवग्गपाळि • Cūḷavaggapāḷi
अधम्मकम्मद्वादसकं • Adhammakammadvādasakaṃ
आकङ्खमानचतुक्कं • Ākaṅkhamānacatukkaṃ
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / नियस्सकम्मकथादिवण्णना • Niyassakammakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / अधम्मकम्मादिद्वादसककथा • Adhammakammādidvādasakakathā
