| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
อธมฺมกมฺมาทิทฺวาทสกกถา
Adhammakammādidvādasakakathā
๓๙. ปุริเมหิ กเมฺมหีติ สมฺพโนฺธฯ ตตฺถาติ อเงฺคสุฯ ยถา ปริสกฺกิยมาเน คิหิโน ลาภํ น ลภนฺตีติ โยชนาฯ ปริปุโพฺพ สกฺกธาตุ ปรกฺกมโตฺถติ อาห ‘‘ปรกฺกมโนฺต’’ติฯ ตตฺถาติ อนตฺถาทีสุ ฯ อตฺถภโงฺคติ คิหีนํ อตฺถสฺส ภโงฺคฯ อวสนนฺติ คิหีนํ อวสนํฯ คิหีนนฺติ เอตฺถ สามฺยเตฺถ สามิวจนนฺติ อาห ‘‘คิหีนํ สนฺติเก’’ติฯ ยถา กริยมาเน สโจฺจ โหติ, เอวํ น กโรตีติ โยชนาฯ เอกเงฺคนาปีติ ปิสโทฺท สมฺภาวนโตฺถ, ตโต อธิเกหิ อเงฺคหิ กา นาม กถาติ ทเสฺสติฯ เอตฺถาติ ปฎิสารณียกเมฺมฯ ปฎิมุขํ อตฺตโน โทสํ สราเปตพฺพํ อเนน วินยกเมฺมนาติ ปฎิสารณียํ, ตเมว กมฺมํ ปฎิสารณียกมฺมํฯ
39. Purimehi kammehīti sambandho. Tatthāti aṅgesu. Yathā parisakkiyamāne gihino lābhaṃ na labhantīti yojanā. Paripubbo sakkadhātu parakkamatthoti āha ‘‘parakkamanto’’ti. Tatthāti anatthādīsu . Atthabhaṅgoti gihīnaṃ atthassa bhaṅgo. Avasananti gihīnaṃ avasanaṃ. Gihīnanti ettha sāmyatthe sāmivacananti āha ‘‘gihīnaṃ santike’’ti. Yathā kariyamāne sacco hoti, evaṃ na karotīti yojanā. Ekaṅgenāpīti pisaddo sambhāvanattho, tato adhikehi aṅgehi kā nāma kathāti dasseti. Etthāti paṭisāraṇīyakamme. Paṭimukhaṃ attano dosaṃ sarāpetabbaṃ anena vinayakammenāti paṭisāraṇīyaṃ, tameva kammaṃ paṭisāraṇīyakammaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / อากงฺขมานจตุกฺกํ • Ākaṅkhamānacatukkaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / อธมฺมกมฺมาทิทฺวาทสกกถา • Adhammakammādidvādasakakathā
