| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
អធម្មកម្មាទិទ្វាទសកកថា
Adhammakammādidvādasakakathā
៣៧. អសម្មុខា កតន្តិអាទយោ តិកា វុត្តប្បការា ឯវ។
37.Asammukhā katantiādayo tikā vuttappakārā eva.
៣៩. អង្គសមន្នាគមោ បុរិមេហិ អសទិសោ។ តត្ថ យថា លាភំ ន លភន្តិ; ឯវំ បរិសក្កន្តោ បរក្កមន្តោ អលាភាយ បរិសក្កតិ នាម។ ឯស នយោ អនត្ថាទីសុ។ តត្ថ អនត្ថោតិ អត្ថភង្គោ។ អនាវាសោតិ តស្មិំ ឋានេ អវសនំ។ គិហីនំ ពុទ្ធស្ស អវណ្ណន្តិ គិហីនំ សន្តិកេ ពុទ្ធស្ស អវណ្ណំ ភាសតិ។ ធម្មិកំ បដិស្សវំ ន សច្ចាបេតីតិ យថា សច្ចោ ហោតិ, ឯវំ ន ករោតិ; វស្សាវាសំ បដិស្សុណិត្វា ន គច្ឆតិ, អញ្ញំ វា ឯវរូបំ ករោតិ។ បញ្ចន្នំ ភិក្ខវេតិអាទិ ឯកង្គេនបិ កម្មារហភាវទស្សនត្ថំ វុត្តំ។ សេសមេត្ថ ឧត្តានត្ថញ្ចេវ, តជ្ជនីយេ ច វុត្តនយមេវ។
39. Aṅgasamannāgamo purimehi asadiso. Tattha yathā lābhaṃ na labhanti; evaṃ parisakkanto parakkamanto alābhāya parisakkati nāma. Esa nayo anatthādīsu. Tattha anatthoti atthabhaṅgo. Anāvāsoti tasmiṃ ṭhāne avasanaṃ. Gihīnaṃ buddhassa avaṇṇanti gihīnaṃ santike buddhassa avaṇṇaṃ bhāsati. Dhammikaṃ paṭissavaṃ na saccāpetīti yathā sacco hoti, evaṃ na karoti; vassāvāsaṃ paṭissuṇitvā na gacchati, aññaṃ vā evarūpaṃ karoti. Pañcannaṃ bhikkhavetiādi ekaṅgenapi kammārahabhāvadassanatthaṃ vuttaṃ. Sesamettha uttānatthañceva, tajjanīye ca vuttanayameva.
អធម្មកម្មាទិទ្វាទសកកថា និដ្ឋិតា។
Adhammakammādidvādasakakathā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi
អធម្មកម្មទ្វាទសកំ • Adhammakammadvādasakaṃ
អាកង្ខមានចតុក្កំ • Ākaṅkhamānacatukkaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / និយស្សកម្មកថាទិវណ្ណនា • Niyassakammakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អធម្មកម្មាទិទ្វាទសកកថា • Adhammakammādidvādasakakathā
