| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
အဓမ္မကမ္မာဒိဒ္ဝာဒသကကထာ
Adhammakammādidvādasakakathā
၃၇. အသမ္မုခာ ကတန္တိအာဒယော တိကာ ဝုတ္တပ္ပကာရာ ဧဝ။
37.Asammukhā katantiādayo tikā vuttappakārā eva.
၃၉. အင္ဂသမန္နာဂမော ပုရိမေဟိ အသဒိသော။ တတ္ထ ယထာ လာဘံ န လဘန္တိ; ဧဝံ ပရိသက္ကန္တော ပရက္ကမန္တော အလာဘာယ ပရိသက္ကတိ နာမ။ ဧသ နယော အနတ္ထာဒီသု။ တတ္ထ အနတ္ထောတိ အတ္ထဘင္ဂော။ အနာဝာသောတိ တသ္မိံ ဌာနေ အဝသနံ။ ဂိဟီနံ ဗုဒ္ဓသ္သ အဝဏ္ဏန္တိ ဂိဟီနံ သန္တိကေ ဗုဒ္ဓသ္သ အဝဏ္ဏံ ဘာသတိ။ ဓမ္မိကံ ပဋိသ္သဝံ န သစ္စာပေတီတိ ယထာ သစ္စော ဟောတိ, ဧဝံ န ကရောတိ; ဝသ္သာဝာသံ ပဋိသ္သုဏိတ္ဝာ န ဂစ္ဆတိ, အညံ ဝာ ဧဝရူပံ ကရောတိ။ ပဉ္စန္နံ ဘိက္ခဝေတိအာဒိ ဧကင္ဂေနပိ ကမ္မာရဟဘာဝဒသ္သနတ္ထံ ဝုတ္တံ။ သေသမေတ္ထ ဥတ္တာနတ္ထဉ္စေဝ, တဇ္ဇနီယေ စ ဝုတ္တနယမေဝ။
39. Aṅgasamannāgamo purimehi asadiso. Tattha yathā lābhaṃ na labhanti; evaṃ parisakkanto parakkamanto alābhāya parisakkati nāma. Esa nayo anatthādīsu. Tattha anatthoti atthabhaṅgo. Anāvāsoti tasmiṃ ṭhāne avasanaṃ. Gihīnaṃ buddhassa avaṇṇanti gihīnaṃ santike buddhassa avaṇṇaṃ bhāsati. Dhammikaṃ paṭissavaṃ na saccāpetīti yathā sacco hoti, evaṃ na karoti; vassāvāsaṃ paṭissuṇitvā na gacchati, aññaṃ vā evarūpaṃ karoti. Pañcannaṃ bhikkhavetiādi ekaṅgenapi kammārahabhāvadassanatthaṃ vuttaṃ. Sesamettha uttānatthañceva, tajjanīye ca vuttanayameva.
အဓမ္မကမ္မာဒိဒ္ဝာဒသကကထာ နိဋ္ဌိတာ။
Adhammakammādidvādasakakathā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi
အဓမ္မကမ္မဒ္ဝာဒသကံ • Adhammakammadvādasakaṃ
အာကင္ခမာနစတုက္ကံ • Ākaṅkhamānacatukkaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နိယသ္သကမ္မကထာဒိဝဏ္ဏနာ • Niyassakammakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အဓမ္မကမ္မာဒိဒ္ဝာဒသကကထာ • Adhammakammādidvādasakakathā
