| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
අධම්‌මකම්‌මාදිද්‌වාදසකකථා
Adhammakammādidvādasakakathā
39. පුරිමෙහි කම්‌මෙහීති සම්‌බන්‌ධො. තත්‌ථාති අඞ්‌ගෙසු. යථා පරිසක්‌කියමානෙ ගිහිනො ලාභං න ලභන්‌තීති යොජනා. පරිපුබ්‌බො සක්‌කධාතු පරක්‌කමත්‌ථොති ආහ ‘‘පරක්‌කමන්‌තො’’ති. තත්‌ථාති අනත්‌ථාදීසු . අත්‌ථභඞ්‌ගොති ගිහීනං අත්‌ථස්‌ස භඞ්‌ගො. අවසනන්‌ති ගිහීනං අවසනං. ගිහීනන්‌ති එත්‌ථ සාම්‍යත්‌ථෙ සාමිවචනන්‌ති ආහ ‘‘ගිහීනං සන්‌තිකෙ’’ති. යථා කරියමානෙ සච්‌චො හොති, එවං න කරොතීති යොජනා. එකඞ්‌ගෙනාපීති පිසද්‌දො සම්‌භාවනත්‌ථො, තතො අධිකෙහි අඞ්‌ගෙහි කා නාම කථාති දස්‌සෙති. එත්‌ථාති පටිසාරණීයකම්‌මෙ. පටිමුඛං අත්‌තනො දොසං සරාපෙතබ්‌බං අනෙන විනයකම්‌මෙනාති පටිසාරණීයං, තමෙව කම්‌මං පටිසාරණීයකම්‌මං.
39. Purimehi kammehīti sambandho. Tatthāti aṅgesu. Yathā parisakkiyamāne gihino lābhaṃ na labhantīti yojanā. Paripubbo sakkadhātu parakkamatthoti āha ‘‘parakkamanto’’ti. Tatthāti anatthādīsu . Atthabhaṅgoti gihīnaṃ atthassa bhaṅgo. Avasananti gihīnaṃ avasanaṃ. Gihīnanti ettha sāmyatthe sāmivacananti āha ‘‘gihīnaṃ santike’’ti. Yathā kariyamāne sacco hoti, evaṃ na karotīti yojanā. Ekaṅgenāpīti pisaddo sambhāvanattho, tato adhikehi aṅgehi kā nāma kathāti dasseti. Etthāti paṭisāraṇīyakamme. Paṭimukhaṃ attano dosaṃ sarāpetabbaṃ anena vinayakammenāti paṭisāraṇīyaṃ, tameva kammaṃ paṭisāraṇīyakammaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / ආකඞ්‌ඛමානචතුක්‌කං • Ākaṅkhamānacatukkaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / අධම්‌මකම්‌මාදිද්‌වාදසකකථා • Adhammakammādidvādasakakathā
