| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ад̇хаммагаммад̣̇ваад̣̇асагагат̇аа
Adhammakammadvādasakakathā
4. асаммукаа гад̇анд̇иаад̣̇ийсу сан̇гхад̇хаммавинаяабуг̇г̇аласаммукаанам̣ винаа гад̇ам̣, жуд̣̇ид̇агам̣ аббадибужчид̇ваа гад̇ам̣, д̇ассзва аббадин̃н̃ааяа гад̇ам̣. ад̣̇зсанааг̇ааминияаад̇и баарааж̇игаабад̇д̇ияаа ваа сан̇гхаад̣̇исзсаабад̇д̇ияаа ваа. зд̇т̇а буримагзсу д̇ийсу д̇игзсу нава бад̣̇аа ад̇хаммзнагад̇ам̣ ваг̇г̇знагад̇анд̇и имзхи сад̣̇д̇хим̣ згзгам̣ г̇ахзд̇ваа нава д̇игаа вуд̇д̇аа. звам̣ саб̣б̣зби д̣̇ваад̣̇аса д̇игаа хонд̇и. бадибагкавасзна суггабагкзсуби зд̇зязва д̣̇ваад̣̇аса д̇игаа вуд̇д̇аа.
4.Asammukhākatantiādīsu saṅghadhammavinayapuggalasammukhānaṃ vinā kataṃ, cuditakaṃ appaṭipucchitvā kataṃ, tasseva appaṭiññāya kataṃ. Adesanāgāminiyāti pārājikāpattiyā vā saṅghādisesāpattiyā vā. Ettha purimakesu tīsu tikesu nava padā adhammenakataṃ vaggenakatanti imehi saddhiṃ ekekaṃ gahetvā nava tikā vuttā. Evaṃ sabbepi dvādasa tikā honti. Paṭipakkhavasena sukkapakkhesupi eteyeva dvādasa tikā vuttā.
6. анануломигзхи г̇ихисам̣саг̇г̇зхийд̇и баб̣б̣аж̇ид̇аанам̣ ананужчавигзхи сахасогид̇аад̣̇ийхи г̇ихисам̣саг̇г̇зхи.
6.Ananulomikehigihisaṃsaggehīti pabbajitānaṃ ananucchavikehi sahasokitādīhi gihisaṃsaggehi.
д̇ин̣н̣ам̣ , бхигкавз, бхигкуунанд̇иаад̣̇и згзгзнааби ан̇г̇зна д̇аж̇ж̇анийяагаммам̣ гаад̇ум̣ ваддад̇ийд̇и д̣̇ассанад̇т̇ам̣ вуд̇д̇ам̣. д̇аж̇ж̇анийяасса хи висзсзна бхан̣д̣анагаарагад̇д̇ам̣ ан̇г̇ам̣, нияассасса абхин̣хаабад̇д̇игад̇д̇ам̣, баб̣б̣ааж̇анийяасса гулад̣̇уусагад̇д̇ам̣ вуд̇д̇ам̣. имзсу бана д̇ийсу ан̇г̇зсу язна гзнажи саб̣б̣ааниби гаад̇ум̣ ваддад̇и. яад̣̇и звам̣ яам̣ жамбзяяагканд̇хагз вуд̇д̇ам̣ – ‘‘д̇аж̇ж̇анийяагаммаарахасса нияассагаммам̣ гарод̇и…бз… убасамбад̣̇аарахам̣ аб̣бхзд̇и; звам̣ ко убаали ад̇хаммагаммам̣ ход̇и авинаяагаммам̣, зван̃жа бана сан̇гхо саад̇исааро ход̇ий’’д̇и ид̣̇ам̣ вируж̇жхад̇ийд̇и. ид̣̇ан̃жа на вируж̇жхад̇и. гасмаа? важанад̇т̇анаанад̇д̇ад̇о, ‘‘д̇аж̇ж̇анийяагаммаарахассаа’’д̇и имасса хи важанасса гаммасаннидтаанам̣ ад̇т̇о. ‘‘д̇ин̣н̣ам̣, бхигкавз’’д̇иаад̣̇иважанасса ан̇г̇асамбхаво, д̇асмаа яад̣̇аа сан̇гхзна саннибад̇ид̇ваа ‘‘ид̣̇ам̣ наама имасса бхигкуно гаммам̣ гаромаа’’д̇и саннидтаанам̣ гад̇ам̣ ход̇и, д̇ад̣̇аа гаммаарахо наама ход̇и. д̇асса иминаа лагкан̣зна д̇аж̇ж̇анийяаад̣̇игаммаарахасса нияассагаммаад̣̇игаран̣ам̣ ад̇хаммагамман̃жзва авинаяагамман̃жаад̇и взд̣̇ид̇аб̣б̣ам̣. яасса бана бхан̣д̣анагаарагаад̣̇ийсу ан̇г̇зсу ан̃н̃ад̇арам̣ ан̇г̇ам̣ ад̇т̇и, д̇асса ааган̇камаано сан̇гхо яат̇аанун̃н̃аад̇зсу ан̇г̇зсу жа гаммзсу жа язна гзнажи ан̇г̇зна яам̣гин̃жи гаммам̣ вавад̇т̇абзд̇ваа д̇ам̣ бхигкум̣ гаммаарахам̣ гад̇ваа гаммам̣ гарзяяа. аяамзд̇т̇а винижчаяо. звам̣ буб̣б̣знаабарам̣ самзд̇и.
Tiṇṇaṃ, bhikkhave, bhikkhūnantiādi ekekenāpi aṅgena tajjanīyakammaṃ kātuṃ vaṭṭatīti dassanatthaṃ vuttaṃ. Tajjanīyassa hi visesena bhaṇḍanakārakattaṃ aṅgaṃ, niyassassa abhiṇhāpattikattaṃ, pabbājanīyassa kuladūsakattaṃ vuttaṃ. Imesu pana tīsu aṅgesu yena kenaci sabbānipi kātuṃ vaṭṭati. Yadi evaṃ yaṃ campeyyakkhandhake vuttaṃ – ‘‘tajjanīyakammārahassa niyassakammaṃ karoti…pe… upasampadārahaṃ abbheti; evaṃ kho upāli adhammakammaṃ hoti avinayakammaṃ, evañca pana saṅgho sātisāro hotī’’ti idaṃ virujjhatīti. Idañca na virujjhati. Kasmā? Vacanatthanānattato, ‘‘tajjanīyakammārahassā’’ti imassa hi vacanassa kammasanniṭṭhānaṃ attho. ‘‘Tiṇṇaṃ, bhikkhave’’tiādivacanassa aṅgasambhavo, tasmā yadā saṅghena sannipatitvā ‘‘idaṃ nāma imassa bhikkhuno kammaṃ karomā’’ti sanniṭṭhānaṃ kataṃ hoti, tadā kammāraho nāma hoti. Tassa iminā lakkhaṇena tajjanīyādikammārahassa niyassakammādikaraṇaṃ adhammakammañceva avinayakammañcāti veditabbaṃ. Yassa pana bhaṇḍanakārakādīsu aṅgesu aññataraṃ aṅgaṃ atthi, tassa ākaṅkhamāno saṅgho yathānuññātesu aṅgesu ca kammesu ca yena kenaci aṅgena yaṃkiñci kammaṃ vavatthapetvā taṃ bhikkhuṃ kammārahaṃ katvā kammaṃ kareyya. Ayamettha vinicchayo. Evaṃ pubbenāparaṃ sameti.
д̇ад̇т̇а гин̃жааби д̇аж̇ж̇анийяагаммз бхан̣д̣анагаарагавасзна гаммаваажаа вуд̇д̇аа, ат̇а ко б̣ааласса аб̣яад̇д̇асса аабад̇д̇иб̣ахуласса д̇аж̇ж̇анийяагаммам̣ гаронд̇зна б̣аалааб̣яад̇д̇авасзнзва гаммаваажаа гаад̇аб̣б̣аа . зван̃хи бхууд̇зна вад̇т̇унаа гад̇ам̣ гаммам̣ ход̇и, на жа ан̃н̃асса гаммасса вад̇т̇унаа. гасмаа? яасмаа ид̣̇амби анун̃н̃аад̇анд̇и. зса наяо саб̣б̣ад̇т̇а. адтаараса саммаавад̇д̇анавад̇т̇ууни баариваасигагканд̇хагз ван̣н̣аяиссаама.
Tattha kiñcāpi tajjanīyakamme bhaṇḍanakārakavasena kammavācā vuttā, atha kho bālassa abyattassa āpattibahulassa tajjanīyakammaṃ karontena bālaabyattavaseneva kammavācā kātabbā . Evañhi bhūtena vatthunā kataṃ kammaṃ hoti, na ca aññassa kammassa vatthunā. Kasmā? Yasmā idampi anuññātanti. Esa nayo sabbattha. Aṭṭhārasa sammāvattanavatthūni pārivāsikakkhandhake vaṇṇayissāma.
ад̇хаммагаммад̣̇ваад̣̇асагагат̇аа нидтид̇аа.
Adhammakammadvādasakakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
ад̇хаммагаммад̣̇ваад̣̇асагам̣ • Adhammakammadvādasakaṃ
ааган̇камааначаггам̣ • Ākaṅkhamānachakkaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммагаммад̣̇ваад̣̇асагагат̇аад̣̇иван̣н̣анаа • Adhammakammadvādasakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇хаммагаммад̣̇ваад̣̇асагагат̇аа • Adhammakammadvādasakakathā
