| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਅਧਮ੍ਮਕਮ੍ਮਦ੍વਾਦਸਕਕਥਾ
Adhammakammadvādasakakathā
੪. ਅਸਮ੍ਮੁਖਾ ਕਤਨ੍ਤਿਆਦੀਸੁ ਸਙ੍ਘਧਮ੍ਮવਿਨਯਪੁਗ੍ਗਲਸਮ੍ਮੁਖਾਨਂ વਿਨਾ ਕਤਂ, ਚੁਦਿਤਕਂ ਅਪ੍ਪਟਿਪੁਚ੍ਛਿਤ੍વਾ ਕਤਂ, ਤਸ੍ਸੇવ ਅਪ੍ਪਟਿਞ੍ਞਾਯ ਕਤਂ। ਅਦੇਸਨਾਗਾਮਿਨਿਯਾਤਿ ਪਾਰਾਜਿਕਾਪਤ੍ਤਿਯਾ વਾ ਸਙ੍ਘਾਦਿਸੇਸਾਪਤ੍ਤਿਯਾ વਾ। ਏਤ੍ਥ ਪੁਰਿਮਕੇਸੁ ਤੀਸੁ ਤਿਕੇਸੁ ਨવ ਪਦਾ ਅਧਮ੍ਮੇਨਕਤਂ વਗ੍ਗੇਨਕਤਨ੍ਤਿ ਇਮੇਹਿ ਸਦ੍ਧਿਂ ਏਕੇਕਂ ਗਹੇਤ੍વਾ ਨવ ਤਿਕਾ વੁਤ੍ਤਾ। ਏવਂ ਸਬ੍ਬੇਪਿ ਦ੍વਾਦਸ ਤਿਕਾ ਹੋਨ੍ਤਿ। ਪਟਿਪਕ੍ਖવਸੇਨ ਸੁਕ੍ਕਪਕ੍ਖੇਸੁਪਿ ਏਤੇਯੇવ ਦ੍વਾਦਸ ਤਿਕਾ વੁਤ੍ਤਾ।
4.Asammukhākatantiādīsu saṅghadhammavinayapuggalasammukhānaṃ vinā kataṃ, cuditakaṃ appaṭipucchitvā kataṃ, tasseva appaṭiññāya kataṃ. Adesanāgāminiyāti pārājikāpattiyā vā saṅghādisesāpattiyā vā. Ettha purimakesu tīsu tikesu nava padā adhammenakataṃ vaggenakatanti imehi saddhiṃ ekekaṃ gahetvā nava tikā vuttā. Evaṃ sabbepi dvādasa tikā honti. Paṭipakkhavasena sukkapakkhesupi eteyeva dvādasa tikā vuttā.
੬. ਅਨਨੁਲੋਮਿਕੇਹਿ ਗਿਹਿਸਂਸਗ੍ਗੇਹੀਤਿ ਪਬ੍ਬਜਿਤਾਨਂ ਅਨਨੁਚ੍ਛવਿਕੇਹਿ ਸਹਸੋਕਿਤਾਦੀਹਿ ਗਿਹਿਸਂਸਗ੍ਗੇਹਿ।
6.Ananulomikehigihisaṃsaggehīti pabbajitānaṃ ananucchavikehi sahasokitādīhi gihisaṃsaggehi.
ਤਿਣ੍ਣਂ , ਭਿਕ੍ਖવੇ, ਭਿਕ੍ਖੂਨਨ੍ਤਿਆਦਿ ਏਕੇਕੇਨਾਪਿ ਅਙ੍ਗੇਨ ਤਜ੍ਜਨੀਯਕਮ੍ਮਂ ਕਾਤੁਂ વਟ੍ਟਤੀਤਿ ਦਸ੍ਸਨਤ੍ਥਂ વੁਤ੍ਤਂ। ਤਜ੍ਜਨੀਯਸ੍ਸ ਹਿ વਿਸੇਸੇਨ ਭਣ੍ਡਨਕਾਰਕਤ੍ਤਂ ਅਙ੍ਗਂ, ਨਿਯਸ੍ਸਸ੍ਸ ਅਭਿਣ੍ਹਾਪਤ੍ਤਿਕਤ੍ਤਂ, ਪਬ੍ਬਾਜਨੀਯਸ੍ਸ ਕੁਲਦੂਸਕਤ੍ਤਂ વੁਤ੍ਤਂ। ਇਮੇਸੁ ਪਨ ਤੀਸੁ ਅਙ੍ਗੇਸੁ ਯੇਨ ਕੇਨਚਿ ਸਬ੍ਬਾਨਿਪਿ ਕਾਤੁਂ વਟ੍ਟਤਿ। ਯਦਿ ਏવਂ ਯਂ ਚਮ੍ਪੇਯ੍ਯਕ੍ਖਨ੍ਧਕੇ વੁਤ੍ਤਂ – ‘‘ਤਜ੍ਜਨੀਯਕਮ੍ਮਾਰਹਸ੍ਸ ਨਿਯਸ੍ਸਕਮ੍ਮਂ ਕਰੋਤਿ…ਪੇ॰… ਉਪਸਮ੍ਪਦਾਰਹਂ ਅਬ੍ਭੇਤਿ; ਏવਂ ਖੋ ਉਪਾਲਿ ਅਧਮ੍ਮਕਮ੍ਮਂ ਹੋਤਿ ਅવਿਨਯਕਮ੍ਮਂ, ਏવਞ੍ਚ ਪਨ ਸਙ੍ਘੋ ਸਾਤਿਸਾਰੋ ਹੋਤੀ’’ਤਿ ਇਦਂ વਿਰੁਜ੍ਝਤੀਤਿ। ਇਦਞ੍ਚ ਨ વਿਰੁਜ੍ਝਤਿ। ਕਸ੍ਮਾ? વਚਨਤ੍ਥਨਾਨਤ੍ਤਤੋ, ‘‘ਤਜ੍ਜਨੀਯਕਮ੍ਮਾਰਹਸ੍ਸਾ’’ਤਿ ਇਮਸ੍ਸ ਹਿ વਚਨਸ੍ਸ ਕਮ੍ਮਸਨ੍ਨਿਟ੍ਠਾਨਂ ਅਤ੍ਥੋ। ‘‘ਤਿਣ੍ਣਂ, ਭਿਕ੍ਖવੇ’’ਤਿਆਦਿવਚਨਸ੍ਸ ਅਙ੍ਗਸਮ੍ਭવੋ, ਤਸ੍ਮਾ ਯਦਾ ਸਙ੍ਘੇਨ ਸਨ੍ਨਿਪਤਿਤ੍વਾ ‘‘ਇਦਂ ਨਾਮ ਇਮਸ੍ਸ ਭਿਕ੍ਖੁਨੋ ਕਮ੍ਮਂ ਕਰੋਮਾ’’ਤਿ ਸਨ੍ਨਿਟ੍ਠਾਨਂ ਕਤਂ ਹੋਤਿ, ਤਦਾ ਕਮ੍ਮਾਰਹੋ ਨਾਮ ਹੋਤਿ। ਤਸ੍ਸ ਇਮਿਨਾ ਲਕ੍ਖਣੇਨ ਤਜ੍ਜਨੀਯਾਦਿਕਮ੍ਮਾਰਹਸ੍ਸ ਨਿਯਸ੍ਸਕਮ੍ਮਾਦਿਕਰਣਂ ਅਧਮ੍ਮਕਮ੍ਮਞ੍ਚੇવ ਅવਿਨਯਕਮ੍ਮਞ੍ਚਾਤਿ વੇਦਿਤਬ੍ਬਂ। ਯਸ੍ਸ ਪਨ ਭਣ੍ਡਨਕਾਰਕਾਦੀਸੁ ਅਙ੍ਗੇਸੁ ਅਞ੍ਞਤਰਂ ਅਙ੍ਗਂ ਅਤ੍ਥਿ, ਤਸ੍ਸ ਆਕਙ੍ਖਮਾਨੋ ਸਙ੍ਘੋ ਯਥਾਨੁਞ੍ਞਾਤੇਸੁ ਅਙ੍ਗੇਸੁ ਚ ਕਮ੍ਮੇਸੁ ਚ ਯੇਨ ਕੇਨਚਿ ਅਙ੍ਗੇਨ ਯਂਕਿਞ੍ਚਿ ਕਮ੍ਮਂ વવਤ੍ਥਪੇਤ੍વਾ ਤਂ ਭਿਕ੍ਖੁਂ ਕਮ੍ਮਾਰਹਂ ਕਤ੍વਾ ਕਮ੍ਮਂ ਕਰੇਯ੍ਯ। ਅਯਮੇਤ੍ਥ વਿਨਿਚ੍ਛਯੋ। ਏવਂ ਪੁਬ੍ਬੇਨਾਪਰਂ ਸਮੇਤਿ।
Tiṇṇaṃ, bhikkhave, bhikkhūnantiādi ekekenāpi aṅgena tajjanīyakammaṃ kātuṃ vaṭṭatīti dassanatthaṃ vuttaṃ. Tajjanīyassa hi visesena bhaṇḍanakārakattaṃ aṅgaṃ, niyassassa abhiṇhāpattikattaṃ, pabbājanīyassa kuladūsakattaṃ vuttaṃ. Imesu pana tīsu aṅgesu yena kenaci sabbānipi kātuṃ vaṭṭati. Yadi evaṃ yaṃ campeyyakkhandhake vuttaṃ – ‘‘tajjanīyakammārahassa niyassakammaṃ karoti…pe… upasampadārahaṃ abbheti; evaṃ kho upāli adhammakammaṃ hoti avinayakammaṃ, evañca pana saṅgho sātisāro hotī’’ti idaṃ virujjhatīti. Idañca na virujjhati. Kasmā? Vacanatthanānattato, ‘‘tajjanīyakammārahassā’’ti imassa hi vacanassa kammasanniṭṭhānaṃ attho. ‘‘Tiṇṇaṃ, bhikkhave’’tiādivacanassa aṅgasambhavo, tasmā yadā saṅghena sannipatitvā ‘‘idaṃ nāma imassa bhikkhuno kammaṃ karomā’’ti sanniṭṭhānaṃ kataṃ hoti, tadā kammāraho nāma hoti. Tassa iminā lakkhaṇena tajjanīyādikammārahassa niyassakammādikaraṇaṃ adhammakammañceva avinayakammañcāti veditabbaṃ. Yassa pana bhaṇḍanakārakādīsu aṅgesu aññataraṃ aṅgaṃ atthi, tassa ākaṅkhamāno saṅgho yathānuññātesu aṅgesu ca kammesu ca yena kenaci aṅgena yaṃkiñci kammaṃ vavatthapetvā taṃ bhikkhuṃ kammārahaṃ katvā kammaṃ kareyya. Ayamettha vinicchayo. Evaṃ pubbenāparaṃ sameti.
ਤਤ੍ਥ ਕਿਞ੍ਚਾਪਿ ਤਜ੍ਜਨੀਯਕਮ੍ਮੇ ਭਣ੍ਡਨਕਾਰਕવਸੇਨ ਕਮ੍ਮવਾਚਾ વੁਤ੍ਤਾ, ਅਥ ਖੋ ਬਾਲਸ੍ਸ ਅਬ੍ਯਤ੍ਤਸ੍ਸ ਆਪਤ੍ਤਿਬਹੁਲਸ੍ਸ ਤਜ੍ਜਨੀਯਕਮ੍ਮਂ ਕਰੋਨ੍ਤੇਨ ਬਾਲਅਬ੍ਯਤ੍ਤવਸੇਨੇવ ਕਮ੍ਮવਾਚਾ ਕਾਤਬ੍ਬਾ । ਏવਞ੍ਹਿ ਭੂਤੇਨ વਤ੍ਥੁਨਾ ਕਤਂ ਕਮ੍ਮਂ ਹੋਤਿ, ਨ ਚ ਅਞ੍ਞਸ੍ਸ ਕਮ੍ਮਸ੍ਸ વਤ੍ਥੁਨਾ। ਕਸ੍ਮਾ? ਯਸ੍ਮਾ ਇਦਮ੍ਪਿ ਅਨੁਞ੍ਞਾਤਨ੍ਤਿ। ਏਸ ਨਯੋ ਸਬ੍ਬਤ੍ਥ। ਅਟ੍ਠਾਰਸ ਸਮ੍ਮਾવਤ੍ਤਨવਤ੍ਥੂਨਿ ਪਾਰਿવਾਸਿਕਕ੍ਖਨ੍ਧਕੇ વਣ੍ਣਯਿਸ੍ਸਾਮ।
Tattha kiñcāpi tajjanīyakamme bhaṇḍanakārakavasena kammavācā vuttā, atha kho bālassa abyattassa āpattibahulassa tajjanīyakammaṃ karontena bālaabyattavaseneva kammavācā kātabbā . Evañhi bhūtena vatthunā kataṃ kammaṃ hoti, na ca aññassa kammassa vatthunā. Kasmā? Yasmā idampi anuññātanti. Esa nayo sabbattha. Aṭṭhārasa sammāvattanavatthūni pārivāsikakkhandhake vaṇṇayissāma.
ਅਧਮ੍ਮਕਮ੍ਮਦ੍વਾਦਸਕਕਥਾ ਨਿਟ੍ਠਿਤਾ।
Adhammakammadvādasakakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
ਅਧਮ੍ਮਕਮ੍ਮਦ੍વਾਦਸਕਂ • Adhammakammadvādasakaṃ
ਆਕਙ੍ਖਮਾਨਛਕ੍ਕਂ • Ākaṅkhamānachakkaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਮ੍ਮਕਮ੍ਮਦ੍વਾਦਸਕਕਥਾવਣ੍ਣਨਾ • Adhammakammadvādasakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਮ੍ਮਕਮ੍ਮਦ੍વਾਦਸਕਕਥਾવਣ੍ਣਨਾ • Adhammakammadvādasakakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਮ੍ਮਕਮ੍ਮਦ੍વਾਦਸਕਕਥਾਦਿવਣ੍ਣਨਾ • Adhammakammadvādasakakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਅਧਮ੍ਮਕਮ੍ਮਦ੍વਾਦਸਕਕਥਾ • Adhammakammadvādasakakathā
