| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
ад̇хаммагаммад̣̇ваад̣̇асагагат̇аад̣̇иван̣н̣анаа
Adhammakammadvādasakakathādivaṇṇanā
4. аббадин̃н̃ааяа гад̇анд̇и вад̇т̇ум̣ ваа аабад̇д̇им̣ ваа асамбадижчаабзд̇ваа гад̇ам̣. яо бана саб̣б̣зсам̣ бассанд̇аанам̣ зва вад̇т̇увийд̇иггамам̣ гад̇ваа бажчаа гаммагаран̣абхаязна ‘‘на гаромий’’д̇и мусаа вад̣̇ад̇и, д̇асса бхигкуунам̣ саммукз вийд̇иггамагаран̣амзва бадин̃н̃аа. д̇ат̇ад̇о ж̇аананад̇т̇амзва бадин̃н̃ааяа гаран̣ам̣ анун̃н̃аад̇ам̣. яад̇т̇а бана санд̣̇зхо ход̇и, д̇ад̇т̇а самбадижчаабзд̇ваава гад̇д̇аб̣б̣анд̇и г̇ахзд̇аб̣б̣ам̣.
4.Appaṭiññāya katanti vatthuṃ vā āpattiṃ vā asampaṭicchāpetvā kataṃ. Yo pana sabbesaṃ passantānaṃ eva vatthuvītikkamaṃ katvā pacchā kammakaraṇabhayena ‘‘na karomī’’ti musā vadati, tassa bhikkhūnaṃ sammukhe vītikkamakaraṇameva paṭiññā. Tathato jānanatthameva paṭiññāya karaṇaṃ anuññātaṃ. Yattha pana sandeho hoti, tattha sampaṭicchāpetvāva kattabbanti gahetabbaṃ.
‘‘баарааж̇игаабад̇д̇ияаа ваа’’д̇и ид̣̇ам̣ лин̇г̇анаасананимид̇д̇ад̇ааяа баарааж̇игасса гаммзна ад̇игижчанийяад̇о вуд̇д̇ам̣. ‘‘сан̇гхаад̣̇исзсаабад̇д̇ияаа ваа’’д̇и ид̣̇ам̣ бана бариваасаад̣̇иниссааран̣агаммасса аавзн̣игасса виж̇ж̇амаанад̇д̇аа вуд̇д̇ам̣. яам̣ бана барад̇о ‘‘ад̇хисийлз сийлавибанно ход̇и…бз… д̇аж̇ж̇анийяагаммам̣ гарзяяаа’’д̇и (жуул̣ава. 6) вуд̇д̇ам̣, д̇ам̣ ‘‘ааяад̇им̣ сам̣варз тад̇ваа вудтаанам̣ гарохий’’д̇и овад̣̇ияамаанасса анаад̣̇арияаад̣̇ибажжаяалахугаабад̇д̇им̣ санд̇хааяа вуд̇д̇ам̣. сийлавибад̇д̇имуулаган̃хи лахугаабад̇д̇им̣ аабанно ид̇ха абхзд̣̇уубажаарзна ‘‘ад̇хисийлз сийлавибанно’’д̇и вуд̇д̇о ‘‘ад̇ид̣̇идтияаа д̣̇идтивибанно’’д̇и зд̇т̇а вияа.
‘‘Pārājikāpattiyā vā’’ti idaṃ liṅganāsananimittatāya pārājikassa kammena atikicchanīyato vuttaṃ. ‘‘Saṅghādisesāpattiyā vā’’ti idaṃ pana parivāsādinissāraṇakammassa āveṇikassa vijjamānattā vuttaṃ. Yaṃ pana parato ‘‘adhisīle sīlavipanno hoti…pe… tajjanīyakammaṃ kareyyā’’ti (cūḷava. 6) vuttaṃ, taṃ ‘‘āyatiṃ saṃvare ṭhatvā vuṭṭhānaṃ karohī’’ti ovadiyamānassa anādariyādipaccayalahukāpattiṃ sandhāya vuttaṃ. Sīlavipattimūlakañhi lahukāpattiṃ āpanno idha abhedūpacārena ‘‘adhisīle sīlavipanno’’ti vutto ‘‘atidiṭṭhiyā diṭṭhivipanno’’ti ettha viya.
яат̇аа жа д̣̇идтим̣ г̇ахзд̇ваа вохаранд̇асса ‘‘ид̇о д̣̇идтид̇о орамаахий’’д̇и авад̇ваа гад̇агаммам̣ гзвалааяа д̣̇идтивибад̇д̇ияаа гад̇ад̇д̇аа анаабад̇д̇ияаа гад̇ам̣ наама ад̇хаммагаммам̣ ход̇и, звам̣ сийлавибад̇д̇им̣ аабаж̇ж̇ид̇ваа лаж̇ж̇ид̇хаммз огганд̇з яат̇аад̇хаммам̣ вудтааяа сам̣варз таад̇угаамасса гад̇ам̣ д̇аж̇ж̇анийяаад̣̇игаммам̣ гзвалааяа сийлавибад̇д̇ияаа гад̇ад̇д̇аа ад̣̇зсанааг̇ааминияаа гад̇ам̣ наама ад̇хаммагаммам̣ ход̇и. д̇знзва нияассагаммзби ‘‘абиссу бхигкуу багад̇аа бариваасам̣ д̣̇знд̇аа’’д̇иаад̣̇инаа сам̣варз адтаанамзва гамманимид̇д̇абхаавзна вуд̇д̇ам̣. ад̣̇анд̇ам̣ д̣̇аманад̇т̇амзва хи д̇аж̇ж̇анийяаад̣̇игаммаани анун̃н̃аад̇аанийд̇и. гзжи бана ‘‘ад̣̇зсанааг̇ааминияаад̇и ид̣̇ам̣ баарааж̇игаабад̇д̇им̣язва санд̇хааяа вуд̇д̇ам̣, на сан̇гхаад̣̇исзса’’нд̇и (саарад̇т̇а. дий. жуул̣аваг̇г̇а 3.4) вад̣̇анд̇и, д̇ам̣ суггабагкз ‘‘д̣̇зсанааг̇ааминияаа аабад̇д̇ияаа гад̇ам̣ ход̇ий’’д̇и иминаа важанзна вируж̇жхад̇и. сан̇гхаад̣̇исзсассааби жа барияааяад̇о д̣̇зсанааг̇ааминивохаарз г̇аяхамаанз ‘‘аабад̇д̇ияаа гад̇ам̣ ход̇ий’’д̇и вуд̇д̇аваарад̇о имасса ваарасса висзсо на сияаа, адтагат̇ааяамбзд̇т̇а висзсабхааво на д̣̇ассид̇о. д̇асмаа вуд̇д̇анаязнзвзд̇т̇а ад̇хиббааяо г̇ахзд̇аб̣б̣о.
Yathā ca diṭṭhiṃ gahetvā voharantassa ‘‘ito diṭṭhito oramāhī’’ti avatvā katakammaṃ kevalāya diṭṭhivipattiyā katattā anāpattiyā kataṃ nāma adhammakammaṃ hoti, evaṃ sīlavipattiṃ āpajjitvā lajjidhamme okkante yathādhammaṃ vuṭṭhāya saṃvare ṭhātukāmassa kataṃ tajjanīyādikammaṃ kevalāya sīlavipattiyā katattā adesanāgāminiyā kataṃ nāma adhammakammaṃ hoti. Teneva niyassakammepi ‘‘apissu bhikkhū pakatā parivāsaṃ dentā’’tiādinā saṃvare aṭṭhānameva kammanimittabhāvena vuttaṃ. Adantaṃ damanatthameva hi tajjanīyādikammāni anuññātānīti. Keci pana ‘‘adesanāgāminiyāti idaṃ pārājikāpattiṃyeva sandhāya vuttaṃ, na saṅghādisesa’’nti (sārattha. ṭī. cūḷavagga 3.4) vadanti, taṃ sukkapakkhe ‘‘desanāgāminiyā āpattiyā kataṃ hotī’’ti iminā vacanena virujjhati. Saṅghādisesassāpi ca pariyāyato desanāgāminivohāre gayhamāne ‘‘āpattiyā kataṃ hotī’’ti vuttavārato imassa vārassa viseso na siyā, aṭṭhakathāyampettha visesabhāvo na dassito. Tasmā vuttanayenevettha adhippāyo gahetabbo.
6. саб̣б̣аанибийд̇и д̇аж̇ж̇анийяанияассабаб̣б̣ааж̇анийяагаммаани д̇ийн̣иби. ан̃н̃агаммасса вад̇т̇унаад̇и д̇аж̇ж̇анийяад̇о ан̃н̃асса гаммасса вад̇т̇унаа ан̃н̃агаммагаран̣ам̣ наама гожи д̣̇особи на ход̇ийд̇и ад̇хиббааяо. гааран̣амааха ‘‘гасмаа’’д̇иаад̣̇инаа.
6.Sabbānipīti tajjanīyaniyassapabbājanīyakammāni tīṇipi. Aññakammassa vatthunāti tajjanīyato aññassa kammassa vatthunā aññakammakaraṇaṃ nāma koci dosopi na hotīti adhippāyo. Kāraṇamāha ‘‘kasmā’’tiādinā.
8. банналомаад̇и бад̇ид̇амааналомаа.
8.Pannalomāti patitamānalomā.
ад̇хаммагаммад̣̇ваад̣̇асагагат̇аад̣̇иван̣н̣анаа нидтид̇аа.
Adhammakammadvādasakakathādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
ад̇хаммагаммад̣̇ваад̣̇асагам̣ • Adhammakammadvādasakaṃ
ааган̇камааначаггам̣ • Ākaṅkhamānachakkaṃ
наббадиббассамбхзд̇аб̣б̣аадтаарасагам̣ • Nappaṭippassambhetabbaaṭṭhārasakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā
ад̇хаммагаммад̣̇ваад̣̇асагагат̇аа • Adhammakammadvādasakakathā
наббадиббассамбхзд̇аб̣б̣аадтаарасагаад̣̇игат̇аа • Nappaṭippassambhetabbaaṭṭhārasakādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
наббадиббассамбхзд̇аб̣б̣аадтаарасагагат̇ааван̣н̣анаа • Nappaṭippassambhetabbaaṭṭhārasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
ад̇хаммагаммад̣̇ваад̣̇асагагат̇аа • Adhammakammadvādasakakathā
наббадиббассамбхзд̇аб̣б̣аадтаарасагаад̣̇игат̇аа • Nappaṭippassambhetabbaaṭṭhārasakādikathā
