| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ад̇хаммагаммад̣̇ваад̣̇асагагат̇ааван̣н̣анаа
Adhammakammadvādasakakathāvaṇṇanā
4. д̇ийхи ан̇г̇зхи саманнааг̇ад̇анд̇и бажжзгам̣ самуд̣̇ид̇зхи ваа д̇ийхи ан̇г̇зхи саманнааг̇ад̇ам̣. на хи д̇ин̣н̣ам̣ зва ан̇г̇аанам̣ самод̇хаанзна ад̇хаммагаммам̣ ход̇и, згзнаби ход̇иязва. ‘‘аббадин̃н̃ааяа гад̇ам̣ ход̇ийд̇и лаж̇ж̇им̣ санд̇хааяа вуд̇д̇а’’нд̇и г̇ан̣тибад̣̇зсу гат̇ид̇ам̣.
4.Tīhiaṅgehi samannāgatanti paccekaṃ samuditehi vā tīhi aṅgehi samannāgataṃ. Na hi tiṇṇaṃ eva aṅgānaṃ samodhānena adhammakammaṃ hoti, ekenapi hotiyeva. ‘‘Appaṭiññāya kataṃ hotīti lajjiṃ sandhāya vutta’’nti gaṇṭhipadesu kathitaṃ.
нану жа ‘‘ад̣̇зсанааг̇ааминияаа аабад̇д̇ияаа гад̇ам̣ ход̇ий’’д̇и ид̣̇ам̣ барад̇о ‘‘д̇ийхи, бхигкавз, ан̇г̇зхи саманнааг̇ад̇асса бхигкуно ааган̇камаано сан̇гхо д̇аж̇ж̇анийяагаммам̣ гарзяяа, ад̇хисийлз сийлавибанно ход̇ий’’д̇и иминаа вируж̇жхад̇и. ад̣̇зсанааг̇ааминим̣ аабанно хи ‘‘ад̇хисийлз сийлавибанно’’д̇и вужжад̇ийд̇и? д̇ад̇т̇а гзжи вад̣̇анд̇и ‘‘д̇аж̇ж̇анийяагаммасса хи висзсзна бхан̣д̣анагаарагад̇д̇ам̣ ан̇г̇а’нд̇и адтагат̇ааяам̣ вуд̇д̇ам̣, д̇ам̣ баал̣ияаа ааг̇ад̇анид̣̇аанзна самзд̇и, д̇асмаа саб̣б̣ад̇игзсуби бхан̣д̣анам̣ ааробзд̇ваа бхан̣д̣анабажжаяаа аабаннаабад̇д̇ивасзна ид̣̇ам̣ гаммам̣ гаад̇аб̣б̣ам̣. д̇асмаа ‘ад̇хисийлз сийлавибанно’д̇и зд̇т̇ааби буб̣б̣абхааг̇з ваа барабхааг̇з ваа жод̣̇анаасааран̣аад̣̇игаалз бхан̣д̣анабажжаяаа аабаннаабад̇д̇ивасзнзва гаад̇аб̣б̣ам̣, на гзвалам̣ сан̇гхаад̣̇исзсабажжаяаа гаад̇аб̣б̣а’’нд̇и. абарз бана вад̣̇анд̇и ‘‘ад̣̇зсанааг̇ааминияаад̇и ид̣̇ам̣ баарааж̇игаабад̇д̇им̣язва санд̇хааяа вуд̇д̇ам̣, на сан̇гхаад̣̇исзсам̣. адтагат̇ааяам̣ бана ‘ад̣̇зсанааг̇ааминияаад̇и баарааж̇игаабад̇д̇ияаа ваа сан̇гхаад̣̇исзсаабад̇д̇ияаа ваа’д̇и вуд̇д̇ам̣. д̇ад̇т̇а сан̇гхаад̣̇исзсаабад̇д̇ияаа ваад̇и ад̇т̇уд̣̇д̇хааравасзна вуд̇д̇ам̣, ‘ад̇хисийлз сийлавибанно’д̇и жа ид̣̇ам̣ сан̇гхаад̣̇исзсам̣язва санд̇хааяа вуд̇д̇ам̣, на баарааж̇игам̣. д̇асмаа баарааж̇игаабад̇д̇ибажжаяаа на д̇аж̇ж̇анийяагаммам̣ гаад̇аб̣б̣ам̣ баяож̇анаабхааваа, сан̇гхаад̣̇исзсабажжаяаа гаад̇аб̣б̣анд̇и аяамад̇т̇о сид̣̇д̇хо ход̇и. суггабагкз ‘д̣̇зсанааг̇ааминияаа аабад̇д̇ияаа гад̇ам̣ ход̇ий’д̇и иминаа вируж̇жхад̇ийд̇и жз? на згзна барияааязна сан̇гхаад̣̇исзсассаби д̣̇зсанааг̇ааминийвохаарасамбхавад̇о’’д̇и, д̇ам̣ яуд̇д̇ам̣ вияа д̣̇иссад̇и.
Nanu ca ‘‘adesanāgāminiyā āpattiyā kataṃ hotī’’ti idaṃ parato ‘‘tīhi, bhikkhave, aṅgehi samannāgatassa bhikkhuno ākaṅkhamāno saṅgho tajjanīyakammaṃ kareyya, adhisīle sīlavipanno hotī’’ti iminā virujjhati. Adesanāgāminiṃ āpanno hi ‘‘adhisīle sīlavipanno’’ti vuccatīti? Tattha keci vadanti ‘‘tajjanīyakammassa hi visesena bhaṇḍanakārakattaṃ aṅga’nti aṭṭhakathāyaṃ vuttaṃ, taṃ pāḷiyā āgatanidānena sameti, tasmā sabbatikesupi bhaṇḍanaṃ āropetvā bhaṇḍanapaccayā āpannāpattivasena idaṃ kammaṃ kātabbaṃ. Tasmā ‘adhisīle sīlavipanno’ti etthāpi pubbabhāge vā parabhāge vā codanāsāraṇādikāle bhaṇḍanapaccayā āpannāpattivaseneva kātabbaṃ, na kevalaṃ saṅghādisesapaccayā kātabba’’nti. Apare pana vadanti ‘‘adesanāgāminiyāti idaṃ pārājikāpattiṃyeva sandhāya vuttaṃ, na saṅghādisesaṃ. Aṭṭhakathāyaṃ pana ‘adesanāgāminiyāti pārājikāpattiyā vā saṅghādisesāpattiyā vā’ti vuttaṃ. Tattha saṅghādisesāpattiyā vāti atthuddhāravasena vuttaṃ, ‘adhisīle sīlavipanno’ti ca idaṃ saṅghādisesaṃyeva sandhāya vuttaṃ, na pārājikaṃ. Tasmā pārājikāpattipaccayā na tajjanīyakammaṃ kātabbaṃ payojanābhāvā, saṅghādisesapaccayā kātabbanti ayamattho siddho hoti. Sukkapakkhe ‘desanāgāminiyā āpattiyā kataṃ hotī’ti iminā virujjhatīti ce? Na ekena pariyāyena saṅghādisesassapi desanāgāminīvohārasambhavato’’ti, taṃ yuttaṃ viya dissati.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / ад̇хаммагаммад̣̇ваад̣̇асагам̣ • Adhammakammadvādasakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / ад̇хаммагаммад̣̇ваад̣̇асагагат̇аа • Adhammakammadvādasakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммагаммад̣̇ваад̣̇асагагат̇аад̣̇иван̣н̣анаа • Adhammakammadvādasakakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / ад̇хаммагаммад̣̇ваад̣̇асагагат̇аа • Adhammakammadvādasakakathā
