| Library / Tipiṭaka / တိပိဋက • Tipiṭaka / စူဠဝဂ္ဂပာဠိ • Cūḷavaggapāḷi |
အဓမ္မကမ္မဒ္ဝာဒသကံ
Adhammakammadvādasakaṃ
၁၃. ‘‘တီဟိ, ဘိက္ခဝေ, အင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။ အသမ္မုခာ ကတံ ဟောတိ, အပ္ပဋိပုစ္ဆာ ကတံ ဟောတိ, အပ္ပဋိညာယ ကတံ ဟောတိ – ဣမေဟိ ခော, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။
13. ‘‘Tīhi, bhikkhave, aṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Asammukhā kataṃ hoti, appaṭipucchā kataṃ hoti, appaṭiññāya kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
‘‘အပရေဟိပိ, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။ အနာပတ္တိယာ ကတံ ဟောတိ, အဒေသနာဂာမိနိယာ အာပတ္တိယာ ကတံ ဟောတိ, ဒေသိတာယ အာပတ္တိယာ ကတံ ဟောတိ – ဣမေဟိ ခော, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။
‘‘Aparehipi, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Anāpattiyā kataṃ hoti, adesanāgāminiyā āpattiyā kataṃ hoti, desitāya āpattiyā kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
‘‘အပရေဟိပိ, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။ အစောဒေတ္ဝာ ကတံ ဟောတိ, အသာရေတ္ဝာ ကတံ ဟောတိ, အာပတ္တိံ အနာရောပေတ္ဝာ ကတံ ဟောတိ – ဣမေဟိ ခော, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။
‘‘Aparehipi, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Acodetvā kataṃ hoti, asāretvā kataṃ hoti, āpattiṃ anāropetvā kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
‘‘အပရေဟိပိ, ဘိက္ခဝေ။ပေ.။ အသမ္မုခာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။။
‘‘Aparehipi, bhikkhave…pe… asammukhā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘အပရေဟိပိ , ဘိက္ခဝေ။ပေ.။ အပ္ပဋိပုစ္ဆာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။။
‘‘Aparehipi , bhikkhave…pe… appaṭipucchā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘အပရေဟိပိ, ဘိက္ခဝေ။ပေ.။ အပ္ပဋိညာယ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။။
‘‘Aparehipi, bhikkhave…pe… appaṭiññāya kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘အပရေဟိပိ, ဘိက္ခဝေ။ပေ.။ အနာပတ္တိယာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။ ။
‘‘Aparehipi, bhikkhave…pe… anāpattiyā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe… .
‘‘အပရေဟိပိ, ဘိက္ခဝေ။ပေ.။ အဒေသနာဂာမိနိယာ အာပတ္တိယာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။။
‘‘Aparehipi, bhikkhave…pe… adesanāgāminiyā āpattiyā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘အပရေဟိပိ, ဘိက္ခဝေ။ပေ.။ ဒေသိတာယ အာပတ္တိယာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။။
‘‘Aparehipi, bhikkhave…pe… desitāya āpattiyā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘အပရေဟိပိ, ဘိက္ခဝေ။ပေ.။ အစောဒေတ္ဝာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။။
‘‘Aparehipi, bhikkhave…pe… acodetvā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘အပရေဟိပိ, ဘိက္ခဝေ။ပေ.။ အသာရေတ္ဝာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ။ပေ.။ ။
‘‘Aparehipi, bhikkhave…pe… asāretvā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe… .
‘‘အပရေဟိပိ, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။ အာပတ္တိံ အနာရောပေတ္ဝာ ကတံ ဟောတိ, အဓမ္မေန ကတံ ဟောတိ, ဝဂ္ဂေန ကတံ ဟောတိ – ဣမေဟိ ခော, ဘိက္ခဝေ, တီဟင္ဂေဟိ သမန္နာဂတံ နိယသ္သကမ္မံ အဓမ္မကမ္မဉ္စ ဟောတိ, အဝိနယကမ္မဉ္စ, ဒုဝူပသန္တဉ္စ။
‘‘Aparehipi, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Āpattiṃ anāropetvā kataṃ hoti, adhammena kataṃ hoti, vaggena kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
အဓမ္မကမ္မဒ္ဝာဒသကံ နိဋ္ဌိတံ။
Adhammakammadvādasakaṃ niṭṭhitaṃ.
