| Library / Tipiṭaka / තිපිටක • Tipiṭaka / චූළවග්‌ගපාළි • Cūḷavaggapāḷi |
අධම්‌මකම්‌මද්‌වාදසකං
Adhammakammadvādasakaṃ
13. ‘‘තීහි, භික්‌ඛවෙ, අඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච. අසම්‌මුඛා කතං හොති, අප්‌පටිපුච්‌ඡා කතං හොති, අප්‌පටිඤ්‌ඤාය කතං හොති – ඉමෙහි ඛො, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච.
13. ‘‘Tīhi, bhikkhave, aṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Asammukhā kataṃ hoti, appaṭipucchā kataṃ hoti, appaṭiññāya kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
‘‘අපරෙහිපි, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච. අනාපත්‌තියා කතං හොති, අදෙසනාගාමිනියා ආපත්‌තියා කතං හොති, දෙසිතාය ආපත්‌තියා කතං හොති – ඉමෙහි ඛො, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච.
‘‘Aparehipi, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Anāpattiyā kataṃ hoti, adesanāgāminiyā āpattiyā kataṃ hoti, desitāya āpattiyā kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
‘‘අපරෙහිපි, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච. අචොදෙත්‌වා කතං හොති, අසාරෙත්‌වා කතං හොති, ආපත්‌තිං අනාරොපෙත්‌වා කතං හොති – ඉමෙහි ඛො, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච.
‘‘Aparehipi, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Acodetvā kataṃ hoti, asāretvā kataṃ hoti, āpattiṃ anāropetvā kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
‘‘අපරෙහිපි, භික්‌ඛවෙ…පෙ.… අසම්‌මුඛා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.….
‘‘Aparehipi, bhikkhave…pe… asammukhā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘අපරෙහිපි , භික්‌ඛවෙ…පෙ.… අප්‌පටිපුච්‌ඡා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.….
‘‘Aparehipi , bhikkhave…pe… appaṭipucchā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘අපරෙහිපි, භික්‌ඛවෙ…පෙ.… අප්‌පටිඤ්‌ඤාය කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.….
‘‘Aparehipi, bhikkhave…pe… appaṭiññāya kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘අපරෙහිපි, භික්‌ඛවෙ…පෙ.… අනාපත්‌තියා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.… .
‘‘Aparehipi, bhikkhave…pe… anāpattiyā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe… .
‘‘අපරෙහිපි, භික්‌ඛවෙ…පෙ.… අදෙසනාගාමිනියා ආපත්‌තියා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.….
‘‘Aparehipi, bhikkhave…pe… adesanāgāminiyā āpattiyā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘අපරෙහිපි, භික්‌ඛවෙ…පෙ.… දෙසිතාය ආපත්‌තියා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.….
‘‘Aparehipi, bhikkhave…pe… desitāya āpattiyā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘අපරෙහිපි, භික්‌ඛවෙ…පෙ.… අචොදෙත්‌වා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.….
‘‘Aparehipi, bhikkhave…pe… acodetvā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe….
‘‘අපරෙහිපි, භික්‌ඛවෙ…පෙ.… අසාරෙත්‌වා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ…පෙ.… .
‘‘Aparehipi, bhikkhave…pe… asāretvā kataṃ hoti, adhammena kataṃ hoti, vaggena kataṃ hoti – imehi kho, bhikkhave…pe… .
‘‘අපරෙහිපි, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච. ආපත්‌තිං අනාරොපෙත්‌වා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ, තීහඞ්‌ගෙහි සමන්‌නාගතං නියස්‌සකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච.
‘‘Aparehipi, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca. Āpattiṃ anāropetvā kataṃ hoti, adhammena kataṃ hoti, vaggena kataṃ hoti – imehi kho, bhikkhave, tīhaṅgehi samannāgataṃ niyassakammaṃ adhammakammañca hoti, avinayakammañca, duvūpasantañca.
අධම්‌මකම්‌මද්‌වාදසකං නිට්‌ඨිතං.
Adhammakammadvādasakaṃ niṭṭhitaṃ.
