| Library / Tipiṭaka / තිපිටක • Tipiṭaka / චූළවග්‌ගපාළි • Cūḷavaggapāḷi |
අධම්‌මකම්‌මද්‌වාදසකං
Adhammakammadvādasakaṃ
57. ‘‘තීහි, භික්‌ඛවෙ, අඞ්‌ගෙහි සමන්‌නාගතං, ආපත්‌තියා අප්‌පටිකම්‌මෙ, උක්‌ඛෙපනීයකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච. අසම්‌මුඛා කතං හොති, අප්‌පටිපුච්‌ඡා කතං හොති, අප්‌පටිඤ්‌ඤාය කතං හොති – ඉමෙහි ඛො, භික්‌ඛවෙ, තීහඞ්‌ගෙහි සමන්‌නාගතං, ආපත්‌තියා අප්‌පටිකම්‌මෙ, උක්‌ඛෙපනීයකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච.
57. ‘‘Tīhi, bhikkhave, aṅgehi samannāgataṃ, āpattiyā appaṭikamme, ukkhepanīyakammaṃ adhammakammañca hoti, avinayakammañca, duvūpasantañca. Asammukhā kataṃ hoti, appaṭipucchā kataṃ hoti, appaṭiññāya kataṃ hoti – imehi kho, bhikkhave, tīhaṅgehi samannāgataṃ, āpattiyā appaṭikamme, ukkhepanīyakammaṃ adhammakammañca hoti, avinayakammañca, duvūpasantañca.
‘‘අපරෙහිපි, භික්‌ඛවෙ, තීහඞ්‌ගෙහි සමන්‌නාගතං, ආපත්‌තියා අප්‌පටිකම්‌මෙ, උක්‌ඛෙපනීයකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච. අනාපත්‌තියා කතං හොති, අදෙසනාගාමිනියා ආපත්‌තියා කතං හොති, දෙසිතාය ආපත්‌තියා කතං හොති…පෙ.… අචොදෙත්‌වා කතං හොති, අසාරෙත්‌වා කතං හොති, ආපත්‌තිං අනාරොපෙත්‌වා කතං හොති…පෙ.… අසම්‌මුඛා කතං හොති, අධම්‌මෙන කතං හොති, වග්‌ගෙන කතං හොති…පෙ.… අප්‌පටිපුච්‌ඡා කතං හොති, අධම්‌මෙන කතං හොති, වග්‌ගෙන කතං හොති…පෙ.… අප්‌පටිඤ්‌ඤාය කතං හොති, අධම්‌මෙන කතං හොති, වග්‌ගෙන කතං හොති…පෙ.… අනාපත්‌තියා කතං හොති, අධම්‌මෙන කතං හොති, වග්‌ගෙන කතං හොති…පෙ.… අදෙසනාගාමිනියා ආපත්‌තියා කතං හොති, අධම්‌මෙන කතං හොති, වග්‌ගෙන කතං හොති…පෙ.… දෙසිතාය ආපත්‌තියා කතං හොති, අධම්‌මෙන කතං හොති, වග්‌ගෙන කතං හොති…පෙ.… අචොදෙත්‌වා කතං හොති, අධම්‌මෙන කතං හොති, වග්‌ගෙන කතං හොති…පෙ.… අසාරෙත්‌වා කතං හොති, අධම්‌මෙන කතං හොති, වග්‌ගෙන කතං හොති…පෙ.… ආපත්‌තිං අනාරොපෙත්‌වා කතං හොති, අධම්‌මෙන කතං හොති, වග්‌ගෙන කතං හොති – ඉමෙහි ඛො, භික්‌ඛවෙ, තීහඞ්‌ගෙහි සමන්‌නාගතං, ආපත්‌තියා අප්‌පටිකම්‌මෙ, උක්‌ඛෙපනීයකම්‌මං අධම්‌මකම්‌මඤ්‌ච හොති, අවිනයකම්‌මඤ්‌ච, දුවූපසන්‌තඤ්‌ච.
‘‘Aparehipi, bhikkhave, tīhaṅgehi samannāgataṃ, āpattiyā appaṭikamme, ukkhepanīyakammaṃ adhammakammañca hoti, avinayakammañca, duvūpasantañca. Anāpattiyā kataṃ hoti, adesanāgāminiyā āpattiyā kataṃ hoti, desitāya āpattiyā kataṃ hoti…pe… acodetvā kataṃ hoti, asāretvā kataṃ hoti, āpattiṃ anāropetvā kataṃ hoti…pe… asammukhā kataṃ hoti, adhammena kataṃ hoti, vaggena kataṃ hoti…pe… appaṭipucchā kataṃ hoti, adhammena kataṃ hoti, vaggena kataṃ hoti…pe… appaṭiññāya kataṃ hoti, adhammena kataṃ hoti, vaggena kataṃ hoti…pe… anāpattiyā kataṃ hoti, adhammena kataṃ hoti, vaggena kataṃ hoti…pe… adesanāgāminiyā āpattiyā kataṃ hoti, adhammena kataṃ hoti, vaggena kataṃ hoti…pe… desitāya āpattiyā kataṃ hoti, adhammena kataṃ hoti, vaggena kataṃ hoti…pe… acodetvā kataṃ hoti, adhammena kataṃ hoti, vaggena kataṃ hoti…pe… asāretvā kataṃ hoti, adhammena kataṃ hoti, vaggena kataṃ hoti…pe… āpattiṃ anāropetvā kataṃ hoti, adhammena kataṃ hoti, vaggena kataṃ hoti – imehi kho, bhikkhave, tīhaṅgehi samannāgataṃ, āpattiyā appaṭikamme, ukkhepanīyakammaṃ adhammakammañca hoti, avinayakammañca, duvūpasantañca.
ආපත්‌තියා අප්‌පටිකම්‌මෙ උක්‌ඛෙපනීයකම්‌මෙ
Āpattiyā appaṭikamme ukkhepanīyakamme
අධම්‌මකම්‌මද්‌වාදසකං නිට්‌ඨිතං.
Adhammakammadvādasakaṃ niṭṭhitaṃ.
