| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
ཨདྷམྨཀམྨདྭཱདསཀཾ
Adhammakammadvādasakaṃ
༤༨. ‘‘ཏཱིཧི, བྷིཀྑཝེ, ཨངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ། ཨསམྨུཁཱ ཀཏཾ ཧོཏི, ཨཔྤཊིཔུཙྪཱ ཀཏཾ ཧོཏི, ཨཔྤཊིཉྙཱཡ ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ།
48. ‘‘Tīhi, bhikkhave, aṅgehi samannāgataṃ, āpattiyā adassane, ukkhepanīyakammaṃ adhammakammañca hoti, avinayakammañca, duvūpasantañca. Asammukhā kataṃ hoti, appaṭipucchā kataṃ hoti, appaṭiññāya kataṃ hoti – imehi kho, bhikkhave, tīhaṅgehi samannāgataṃ, āpattiyā adassane, ukkhepanīyakammaṃ adhammakammañca hoti, avinayakammañca, duvūpasantañca.
‘‘ཨཔརེཧིཔི, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ། ཨནཱཔཏྟིཡཱ ཀཏཾ ཧོཏི, ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, དེསིཏཱཡ ཨཱཔཏྟིཡཱ ཀཏཾ ཧོཏི…པེ॰… ཨཙོདེཏྭཱ ཀཏཾ ཧོཏི, ཨསཱརེཏྭཱ ཀཏཾ ཧོཏི, ཨཱཔཏྟིཾ ཨནཱརོཔེཏྭཱ ཀཏཾ ཧོཏི…པེ॰… ཨསམྨུཁཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨཔྤཊིཔུཙྪཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨཔྤཊིཉྙཱཡ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨནཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨདེསནཱགཱམིནིཡཱ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… དེསིཏཱཡ ཨཱཔཏྟིཡཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨཙོདེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨསཱརེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི…པེ॰… ཨཱཔཏྟིཾ ཨནཱརོཔེཏྭཱ ཀཏཾ ཧོཏི, ཨདྷམྨེན ཀཏཾ ཧོཏི, ཝགྒེན ཀཏཾ ཧོཏི – ཨིམེཧི ཁོ, བྷིཀྑཝེ, ཏཱིཧངྒེཧི སམནྣཱགཏཾ, ཨཱཔཏྟིཡཱ ཨདསྶནེ, ཨུཀྑེཔནཱིཡཀམྨཾ ཨདྷམྨཀམྨཉྩ ཧོཏི, ཨཝིནཡཀམྨཉྩ, དུཝཱུཔསནྟཉྩ།
‘‘Aparehipi, bhikkhave, tīhaṅgehi samannāgataṃ, āpattiyā adassane, ukkhepanīyakammaṃ adhammakammañca hoti, avinayakammañca, duvūpasantañca. Anāpattiyā kataṃ hoti, adesanāgāminiyā āpattiyā kataṃ hoti, desitāya āpattiyā kataṃ hoti…pe… acodetvā kataṃ hoti, asāretvā kataṃ hoti, āpattiṃ anāropetvā kataṃ hoti…pe… asammukhā kataṃ hoti, adhammena kataṃ hoti, vaggena kataṃ hoti…pe… appaṭipucchā kataṃ hoti, adhammena kataṃ hoti, vaggena kataṃ hoti…pe… appaṭiññāya kataṃ hoti, adhammena kataṃ hoti, vaggena kataṃ hoti…pe… anāpattiyā kataṃ hoti, adhammena kataṃ hoti, vaggena kataṃ hoti…pe… adesanāgāminiyā āpattiyā kataṃ hoti, adhammena kataṃ hoti, vaggena kataṃ hoti…pe… desitāya āpattiyā kataṃ hoti, adhammena kataṃ hoti, vaggena kataṃ hoti…pe… acodetvā kataṃ hoti, adhammena kataṃ hoti, vaggena kataṃ hoti…pe… asāretvā kataṃ hoti, adhammena kataṃ hoti, vaggena kataṃ hoti…pe… āpattiṃ anāropetvā kataṃ hoti, adhammena kataṃ hoti, vaggena kataṃ hoti – imehi kho, bhikkhave, tīhaṅgehi samannāgataṃ, āpattiyā adassane, ukkhepanīyakammaṃ adhammakammañca hoti, avinayakammañca, duvūpasantañca.
ཨཱཔཏྟིཡཱ ཨདསྶནེ ཨུཀྑེཔནཱིཡཀམྨེ ཨདྷམྨཀམྨདྭཱདསཀཾ ནིཊྛིཏཾ།
Āpattiyā adassane ukkhepanīyakamme adhammakammadvādasakaṃ niṭṭhitaṃ.
