| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
82. ад̇хаммагаммабадиггосанаад̣̇и
82. Adhammakammapaṭikkosanādi
154. д̇зна ко бана самаязна чаб̣б̣аг̇г̇ияаа бхигкуу сан̇гхамаж̇жхз ад̇хаммагаммам̣ гаронд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, ад̇хаммагаммам̣ гаад̇аб̣б̣ам̣. яо гарзяяа, аабад̇д̇и д̣̇уггадассаад̇и. гаронд̇иязва ад̇хаммагаммам̣. бхаг̇авад̇о зд̇амад̇т̇ам̣ аарожзсум̣ . ануж̇аанаами, бхигкавз, ад̇хаммагаммз гаяирамаанз бадиггосид̇унд̇и.
154. Tena kho pana samayena chabbaggiyā bhikkhū saṅghamajjhe adhammakammaṃ karonti. Bhagavato etamatthaṃ ārocesuṃ. Na, bhikkhave, adhammakammaṃ kātabbaṃ. Yo kareyya, āpatti dukkaṭassāti. Karontiyeva adhammakammaṃ. Bhagavato etamatthaṃ ārocesuṃ . Anujānāmi, bhikkhave, adhammakamme kayiramāne paṭikkositunti.
д̇зна ко бана самаязна бзсалаа бхигкуу чаб̣б̣аг̇г̇иязхи бхигкуухи ад̇хаммагаммз гаяирамаанз бадиггосанд̇и. чаб̣б̣аг̇г̇ияаа бхигкуу лабханд̇и аагхаад̇ам̣, лабханд̇и аббажжаяам̣, вад̇хзна д̇аж̇ж̇знд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̣̇идтимби аавигаад̇унд̇и. д̇зсам̣язва санд̇игз д̣̇идтим̣ аавигаронд̇и. чаб̣б̣аг̇г̇ияаа бхигкуу лабханд̇и аагхаад̇ам̣, лабханд̇и аббажжаяам̣, вад̇хзна д̇аж̇ж̇знд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, жад̇уухи бан̃жахи бадиггосид̇ум̣, д̣̇вийхи д̇ийхи д̣̇идтим̣ аавигаад̇ум̣, згзна ад̇хидтаад̇ум̣ – ‘на мзд̇ам̣ камад̇ий’д̇и.
Tena kho pana samayena pesalā bhikkhū chabbaggiyehi bhikkhūhi adhammakamme kayiramāne paṭikkosanti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, diṭṭhimpi āvikātunti. Tesaṃyeva santike diṭṭhiṃ āvikaronti. Chabbaggiyā bhikkhū labhanti āghātaṃ, labhanti appaccayaṃ, vadhena tajjenti. Bhagavato etamatthaṃ ārocesuṃ. Anujānāmi, bhikkhave, catūhi pañcahi paṭikkosituṃ, dvīhi tīhi diṭṭhiṃ āvikātuṃ, ekena adhiṭṭhātuṃ – ‘na metaṃ khamatī’ti.
д̇зна ко бана самаязна чаб̣б̣аг̇г̇ияаа бхигкуу сан̇гхамаж̇жхз баад̇имогкам̣ уд̣̇д̣̇исамаанаа сан̃жижжа на саавзнд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, баад̇имогкуд̣̇д̣̇зсагзна сан̃жижжа на саавзд̇аб̣б̣ам̣. яо на саавзяяа, аабад̇д̇и д̣̇уггадассаад̇и.
Tena kho pana samayena chabbaggiyā bhikkhū saṅghamajjhe pātimokkhaṃ uddisamānā sañcicca na sāventi. Bhagavato etamatthaṃ ārocesuṃ. Na, bhikkhave, pātimokkhuddesakena sañcicca na sāvetabbaṃ. Yo na sāveyya, āpatti dukkaṭassāti.
д̇зна ко бана самаязна ааяасмаа уд̣̇ааяий сан̇гхасса баад̇имогкуд̣̇д̣̇зсаго ход̇и гаагассараго. ат̇а ко ааяасмад̇о уд̣̇ааяисса зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘баад̇имогкуд̣̇д̣̇зсагзна саавзд̇аб̣б̣а’нд̇и, ахан̃жамхи гаагассараго, гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, баад̇имогкуд̣̇д̣̇зсагзна вааяамид̇ум̣ – ‘гат̇ам̣ саавзяяа’нд̇и. вааяаманд̇асса анаабад̇д̇ийд̇и.
Tena kho pana samayena āyasmā udāyī saṅghassa pātimokkhuddesako hoti kākassarako. Atha kho āyasmato udāyissa etadahosi – ‘‘bhagavatā paññattaṃ ‘pātimokkhuddesakena sāvetabba’nti, ahañcamhi kākassarako, kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. Anujānāmi, bhikkhave, pātimokkhuddesakena vāyamituṃ – ‘kathaṃ sāveyya’nti. Vāyamantassa anāpattīti.
д̇зна ко бана самаязна д̣̇звад̣̇ад̇д̇о саг̇ахадтааяа барисааяа баад̇имогкам̣ уд̣̇д̣̇исад̇и. бхаг̇авад̇о зд̇амад̇т̇ам̣ аарожзсум̣. на, бхигкавз, саг̇ахадтааяа барисааяа баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадассаад̇и.
Tena kho pana samayena devadatto sagahaṭṭhāya parisāya pātimokkhaṃ uddisati. Bhagavato etamatthaṃ ārocesuṃ. Na, bhikkhave, sagahaṭṭhāya parisāya pātimokkhaṃ uddisitabbaṃ. Yo uddiseyya, āpatti dukkaṭassāti.
д̇зна ко бана самаязна чаб̣б̣аг̇г̇ияаа бхигкуу сан̇гхамаж̇жхз анаж̇жхидтаа баад̇имогкам̣ уд̣̇д̣̇исанд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сан̇гхамаж̇жхз анаж̇жхидтзна баад̇имогкам̣ уд̣̇д̣̇исид̇аб̣б̣ам̣. яо уд̣̇д̣̇исзяяа, аабад̇д̇и д̣̇уггадасса. ануж̇аанаами, бхигкавз, т̇зраад̇хигам̣ 1 баад̇имогканд̇и.
Tena kho pana samayena chabbaggiyā bhikkhū saṅghamajjhe anajjhiṭṭhā pātimokkhaṃ uddisanti. Bhagavato etamatthaṃ ārocesuṃ. Na, bhikkhave, saṅghamajjhe anajjhiṭṭhena pātimokkhaṃ uddisitabbaṃ. Yo uddiseyya, āpatti dukkaṭassa. Anujānāmi, bhikkhave, therādhikaṃ 2 pātimokkhanti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ад̇хаммагаммабадиггосанаад̣̇игат̇аа • Adhammakammapaṭikkosanādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммагаммабадиггосанаад̣̇игат̇ааван̣н̣анаа • Adhammakammapaṭikkosanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 82. ад̇хаммагаммабадиггосанаад̣̇игат̇аа • 82. Adhammakammapaṭikkosanādikathā
