| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
ад̇хаммагаммабадиггосанаад̣̇игат̇аа
Adhammakammapaṭikkosanādikathā
154. ад̇хаммагаммам̣ вуд̇д̇анаяамзва. бадиггосид̇унд̇и ваарзд̇ум̣. д̣̇идтимби аавигаад̇унд̇и ‘‘ад̇хаммагаммам̣ ид̣̇ам̣ на мз камад̇ий’’д̇и звам̣ ан̃н̃асса санд̇игз ад̇д̇ано д̣̇идтим̣ багаасзд̇ум̣. жад̇уухи бан̃жахийд̇иаад̣̇и д̇зсам̣ анубад̣̇д̣̇авад̇т̇ааяа вуд̇д̇ам̣. сан̃жижжа на саавзнд̇ийд̇и яат̇аа на сун̣анд̇и звам̣ бхан̣иссаамаад̇и сан̃жижжа сан̣игам̣ уд̣̇д̣̇исанд̇и.
154.Adhammakammaṃ vuttanayameva. Paṭikkositunti vāretuṃ. Diṭṭhimpi āvikātunti ‘‘adhammakammaṃ idaṃ na me khamatī’’ti evaṃ aññassa santike attano diṭṭhiṃ pakāsetuṃ. Catūhi pañcahītiādi tesaṃ anupaddavatthāya vuttaṃ. Sañcicca na sāventīti yathā na suṇanti evaṃ bhaṇissāmāti sañcicca saṇikaṃ uddisanti.
155. т̇зраад̇хиганд̇и т̇зраад̇хийнам̣; т̇зрааяад̇д̇ам̣ бхавид̇унд̇и ад̇т̇о. ‘‘т̇зраад̇хзяяа’’нд̇иби баато, д̇асмаа т̇зрзна саяам̣ ваа уд̣̇д̣̇исид̇аб̣б̣ам̣, ан̃н̃о ваа аж̇жхзсид̇аб̣б̣о. аж̇жхзсанавид̇хаанан̃жзд̇т̇а д̇хаммаж̇жхзсанз вуд̇д̇анаяамзва. со на ж̇аанаад̇и убосат̇ам̣ ваад̇иаад̣̇ийсу жаад̇уд̣̇д̣̇асигабаннарасигабхзд̣̇зна д̣̇увид̇хам̣, сан̇гхаубосат̇аад̣̇ибхзд̣̇зна нававид̇хан̃жа убосат̇ам̣ на ж̇аанаад̇и, жад̇уб̣б̣ид̇хам̣ убосат̇агаммам̣ на ж̇аанаад̇и, д̣̇увид̇хам̣ баад̇имогкам̣ на ж̇аанаад̇и, нававид̇хам̣ баад̇имогкуд̣̇д̣̇зсам̣ на ж̇аанаад̇и. яо д̇ад̇т̇а бхигку б̣яад̇д̇о бадиб̣алод̇и зд̇т̇а гин̃жааби д̣̇ахарассааби б̣яад̇д̇асса баад̇имогко анун̃н̃аад̇о. ат̇а ко зд̇т̇а аяамад̇хиббааяо. сажз т̇зрасса бан̃жа ваа жад̇д̇ааро ваа д̇аяо ваа баад̇имогкуд̣̇д̣̇зсаа нааг̇ажчанд̇и; д̣̇вз бана акан̣д̣аа сувисад̣̇аа ваажуг̇г̇ад̇аа хонд̇и, т̇зрааяад̇д̇ова баад̇имогкаа. сажз бана зд̇д̇агамби висад̣̇ам̣ гаад̇ум̣ на саггод̇и, б̣яад̇д̇асса бхигкуно ааяад̇д̇о ход̇и.
155.Therādhikanti therādhīnaṃ; therāyattaṃ bhavitunti attho. ‘‘Therādheyya’’ntipi pāṭho, tasmā therena sayaṃ vā uddisitabbaṃ, añño vā ajjhesitabbo. Ajjhesanavidhānañcettha dhammajjhesane vuttanayameva. So najānāti uposathaṃ vātiādīsu cātuddasikapannarasikabhedena duvidhaṃ, saṅghauposathādibhedena navavidhañca uposathaṃ na jānāti, catubbidhaṃ uposathakammaṃ na jānāti, duvidhaṃ pātimokkhaṃ na jānāti, navavidhaṃ pātimokkhuddesaṃ na jānāti. Yo tattha bhikkhu byatto paṭibaloti ettha kiñcāpi daharassāpi byattassa pātimokkho anuññāto. Atha kho ettha ayamadhippāyo. Sace therassa pañca vā cattāro vā tayo vā pātimokkhuddesā nāgacchanti; dve pana akhaṇḍā suvisadā vācuggatā honti, therāyattova pātimokkhā. Sace pana ettakampi visadaṃ kātuṃ na sakkoti, byattassa bhikkhuno āyatto hoti.
сааманд̇аа ааваасаад̇и сааманд̇ам̣ ааваасам̣. саж̇ж̇уганд̇и д̇ад̣̇ахзва ааг̇аманад̇т̇ааяа. навам̣ бхигкум̣ аан̣аабзд̇унд̇и зд̇т̇а яо саггод̇и уг̇г̇ахзд̇ум̣, зваруубо аан̣аабзд̇аб̣б̣о, на б̣аало.
Sāmantā āvāsāti sāmantaṃ āvāsaṃ. Sajjukanti tadaheva āgamanatthāya. Navaṃ bhikkhuṃ āṇāpetunti ettha yo sakkoti uggahetuṃ, evarūpo āṇāpetabbo, na bālo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
82. ад̇хаммагаммабадиггосанаад̣̇и • 82. Adhammakammapaṭikkosanādi
83. баад̇имогкуд̣̇д̣̇зсагааж̇жхзсанаад̣̇и • 83. Pātimokkhuddesakaajjhesanādi
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / баад̇имогкуд̣̇д̣̇зсагааж̇жхзсанаад̣̇игат̇ааван̣н̣анаа • Pātimokkhuddesakaajjhesanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
ад̇хаммагаммабадиггосанаад̣̇игат̇ааван̣н̣анаа • Adhammakammapaṭikkosanādikathāvaṇṇanā
баад̇имогкуд̣̇д̣̇зсагааж̇жхзсанаад̣̇игат̇ааван̣н̣анаа • Pātimokkhuddesakaajjhesanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммагаммабадиггосанаад̣̇игат̇ааван̣н̣анаа • Adhammakammapaṭikkosanādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
82. ад̇хаммагаммабадиггосанаад̣̇игат̇аа • 82. Adhammakammapaṭikkosanādikathā
83. баад̇имогкуд̣̇д̣̇зсагааж̇жхзсанаад̣̇игат̇аа • 83. Pātimokkhuddesakaajjhesanādikathā
