| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੩੫. ਅਧਮ੍ਮੇਨ વਗ੍ਗਾਦਿਕਮ੍ਮਕਥਾ
235. Adhammena vaggādikammakathā
੩੮੨. ਤੇਨ ਖੋ ਪਨ ਸਮਯੇਨ ਚਮ੍ਪਾਯਂ ਭਿਕ੍ਖੂ ਏવਰੂਪਾਨਿ ਕਮ੍ਮਾਨਿ ਕਰੋਨ੍ਤਿ – ਅਧਮ੍ਮੇਨ વਗ੍ਗਕਮ੍ਮਂ ਕਰੋਨ੍ਤਿ, ਅਧਮ੍ਮੇਨ ਸਮਗ੍ਗਕਮ੍ਮਂ ਕਰੋਨ੍ਤਿ; ਧਮ੍ਮੇਨ વਗ੍ਗਕਮ੍ਮਂ ਕਰੋਨ੍ਤਿ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ ਕਰੋਨ੍ਤਿ; ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ ਕਰੋਨ੍ਤਿ; ਏਕੋਪਿ ਏਕਂ ਉਕ੍ਖਿਪਤਿ, ਏਕੋਪਿ ਦ੍વੇ ਉਕ੍ਖਿਪਤਿ, ਏਕੋਪਿ ਸਮ੍ਬਹੁਲੇ ਉਕ੍ਖਿਪਤਿ, ਏਕੋਪਿ ਸਙ੍ਘਂ ਉਕ੍ਖਿਪਤਿ; ਦ੍વੇਪਿ ਏਕਂ ਉਕ੍ਖਿਪਨ੍ਤਿ, ਦ੍વੇਪਿ ਦ੍વੇ ਉਕ੍ਖਿਪਨ੍ਤਿ, ਦ੍વੇਪਿ ਸਮ੍ਬਹੁਲੇ ਉਕ੍ਖਿਪਨ੍ਤਿ, ਦ੍વੇਪਿ ਸਙ੍ਘਂ ਉਕ੍ਖਿਪਨ੍ਤਿ ; ਸਮ੍ਬਹੁਲਾਪਿ ਏਕਂ ਉਕ੍ਖਿਪਨ੍ਤਿ; ਸਮ੍ਬਹੁਲਾਪਿ ਦ੍વੇ ਉਕ੍ਖਿਪਨ੍ਤਿ, ਸਮ੍ਬਹੁਲਾਪਿ ਸਮ੍ਬਹੁਲੇ ਉਕ੍ਖਿਪਨ੍ਤਿ, ਸਮ੍ਬਹੁਲਾਪਿ ਸਙ੍ਘਂ ਉਕ੍ਖਿਪਨ੍ਤਿ; ਸਙ੍ਘੋਪਿ ਸਙ੍ਘਂ ਉਕ੍ਖਿਪਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਚਮ੍ਪਾਯਂ ਭਿਕ੍ਖੂ ਏવਰੂਪਾਨਿ ਕਮ੍ਮਾਨਿ ਕਰਿਸ੍ਸਨ੍ਤਿ – ਅਧਮ੍ਮੇਨ વਗ੍ਗਕਮ੍ਮਂ ਕਰਿਸ੍ਸਨ੍ਤਿ, ਅਧਮ੍ਮੇਨ ਸਮਗ੍ਗਕਮ੍ਮਂ ਕਰਿਸ੍ਸਨ੍ਤਿ, ਧਮ੍ਮੇਨ વਗ੍ਗਕਮ੍ਮਂ ਕਰਿਸ੍ਸਨ੍ਤਿ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ ਕਰਿਸ੍ਸਨ੍ਤਿ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ ਕਰਿਸ੍ਸਨ੍ਤਿ, ਏਕੋਪਿ ਏਕਂ ਉਕ੍ਖਿਪਿਸ੍ਸਤਿ, ਏਕੋਪਿ ਦ੍વੇ ਉਕ੍ਖਿਪਿਸ੍ਸਤਿ, ਏਕੋਪਿ ਸਮ੍ਬਹੁਲੇ ਉਕ੍ਖਿਪਿਸ੍ਸਤਿ, ਏਕੋਪਿ ਸਙ੍ਘਂ ਉਕ੍ਖਿਪਿਸ੍ਸਤਿ, ਦ੍વੇਪਿ ਏਕਂ ਉਕ੍ਖਿਪਿਸ੍ਸਨ੍ਤਿ, ਦ੍વੇਪਿ ਦ੍વੇ ਉਕ੍ਖਿਪਿਸ੍ਸਨ੍ਤਿ, ਦ੍વੇਪਿ ਸਮ੍ਬਹੁਲੇ ਉਕ੍ਖਿਪਿਸ੍ਸਨ੍ਤਿ, ਦ੍વੇਪਿ ਸਙ੍ਘਂ ਉਕ੍ਖਿਪਿਸ੍ਸਨ੍ਤਿ, ਸਮ੍ਬਹੁਲਾਪਿ ਏਕਂ ਉਕ੍ਖਿਪਿਸ੍ਸਨ੍ਤਿ, ਸਮ੍ਬਹੁਲਾਪਿ ਦ੍વੇ ਉਕ੍ਖਿਪਿਸ੍ਸਨ੍ਤਿ, ਸਮ੍ਬਹੁਲਾਪਿ ਸਮ੍ਬਹੁਲੇ ਉਕ੍ਖਿਪਿਸ੍ਸਨ੍ਤਿ, ਸਮ੍ਬਹੁਲਾਪਿ ਸਙ੍ਘਂ ਉਕ੍ਖਿਪਿਸ੍ਸਨ੍ਤਿ, ਸਙ੍ਘੋਪਿ ਸਙ੍ਘਂ ਉਕ੍ਖਿਪਿਸ੍ਸਤੀ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਚਮ੍ਪਾਯਂ ਭਿਕ੍ਖੂ ਏવਰੂਪਾਨਿ ਕਮ੍ਮਾਨਿ ਕਰੋਨ੍ਤਿ – ਅਧਮ੍ਮੇਨ વਗ੍ਗਕਮ੍ਮਂ ਕਰੋਨ੍ਤਿ…ਪੇ॰… ਸਙ੍ਘੋਪਿ ਸਙ੍ਘਂ ਉਕ੍ਖਿਪਤੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਭਿਕ੍ਖવੇ, ਤੇਸਂ ਮੋਘਪੁਰਿਸਾਨਂ ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਏવਰੂਪਾਨਿ ਕਮ੍ਮਾਨਿ ਕਰਿਸ੍ਸਨ੍ਤਿ – ਅਧਮ੍ਮੇਨ વਗ੍ਗਕਮ੍ਮਂ ਕਰਿਸ੍ਸਨ੍ਤਿ…ਪੇ॰… ਸਙ੍ਘੋਪਿ ਸਙ੍ਘਂ ਉਕ੍ਖਿਪਿਸ੍ਸਤਿ। ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ…ਪੇ॰… ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ –
382. Tena kho pana samayena campāyaṃ bhikkhū evarūpāni kammāni karonti – adhammena vaggakammaṃ karonti, adhammena samaggakammaṃ karonti; dhammena vaggakammaṃ karonti, dhammapatirūpakena vaggakammaṃ karonti; dhammapatirūpakena samaggakammaṃ karonti; ekopi ekaṃ ukkhipati, ekopi dve ukkhipati, ekopi sambahule ukkhipati, ekopi saṅghaṃ ukkhipati; dvepi ekaṃ ukkhipanti, dvepi dve ukkhipanti, dvepi sambahule ukkhipanti, dvepi saṅghaṃ ukkhipanti ; sambahulāpi ekaṃ ukkhipanti; sambahulāpi dve ukkhipanti, sambahulāpi sambahule ukkhipanti, sambahulāpi saṅghaṃ ukkhipanti; saṅghopi saṅghaṃ ukkhipati. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma campāyaṃ bhikkhū evarūpāni kammāni karissanti – adhammena vaggakammaṃ karissanti, adhammena samaggakammaṃ karissanti, dhammena vaggakammaṃ karissanti, dhammapatirūpakena vaggakammaṃ karissanti, dhammapatirūpakena samaggakammaṃ karissanti, ekopi ekaṃ ukkhipissati, ekopi dve ukkhipissati, ekopi sambahule ukkhipissati, ekopi saṅghaṃ ukkhipissati, dvepi ekaṃ ukkhipissanti, dvepi dve ukkhipissanti, dvepi sambahule ukkhipissanti, dvepi saṅghaṃ ukkhipissanti, sambahulāpi ekaṃ ukkhipissanti, sambahulāpi dve ukkhipissanti, sambahulāpi sambahule ukkhipissanti, sambahulāpi saṅghaṃ ukkhipissanti, saṅghopi saṅghaṃ ukkhipissatī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, campāyaṃ bhikkhū evarūpāni kammāni karonti – adhammena vaggakammaṃ karonti…pe… saṅghopi saṅghaṃ ukkhipatī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, bhikkhave, tesaṃ moghapurisānaṃ ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma te, bhikkhave, moghapurisā evarūpāni kammāni karissanti – adhammena vaggakammaṃ karissanti…pe… saṅghopi saṅghaṃ ukkhipissati. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi –
੩੮੩. ‘‘ਅਧਮ੍ਮੇਨ ਚੇ, ਭਿਕ੍ਖવੇ, વਗ੍ਗਕਮ੍ਮਂ ਅਕਮ੍ਮਂ ਨ ਚ ਕਰਣੀਯਂ, ਅਧਮ੍ਮੇਨ 1 ਸਮਗ੍ਗਕਮ੍ਮਂ ਅਕਮ੍ਮਂ ਨ ਚ ਕਰਣੀਯਂ, ਧਮ੍ਮੇਨ વਗ੍ਗਕਮ੍ਮਂ ਅਕਮ੍ਮਂ ਨ ਚ ਕਰਣੀਯਂ; ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ ਅਕਮ੍ਮਂ ਨ ਚ ਕਰਣੀਯਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ ਅਕਮ੍ਮਂ ਨ ਚ ਕਰਣੀਯਂ; ਏਕੋਪਿ ਏਕਂ ਉਕ੍ਖਿਪਤਿ ਅਕਮ੍ਮਂ ਨ ਚ ਕਰਣੀਯਂ, ਏਕੋਪਿ ਦ੍વੇ ਉਕ੍ਖਿਪਤਿ ਅਕਮ੍ਮਂ ਨ ਚ ਕਰਣੀਯਂ, ਏਕੋਪਿ ਸਮ੍ਬਹੁਲੇ ਉਕ੍ਖਿਪਤਿ ਅਕਮ੍ਮਂ ਨ ਚ ਕਰਣੀਯਂ, ਏਕੋਪਿ ਸਙ੍ਘਂ ਉਕ੍ਖਿਪਤਿ ਅਕਮ੍ਮਂ ਨ ਚ ਕਰਣੀਯਂ; ਦ੍વੇਪਿ ਏਕਂ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ, ਦ੍વੇਪਿ ਦ੍વੇ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ, ਦ੍વੇਪਿ ਸਮ੍ਬਹੁਲੇ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ, ਦ੍વੇਪਿ ਸਙ੍ਘਂ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ; ਸਮ੍ਬਹੁਲਾਪਿ ਏਕਂ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ, ਸਮ੍ਬਹੁਲਾਪਿ ਦ੍વੇ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ, ਸਮ੍ਬਹੁਲਾਪਿ ਸਮ੍ਬਹੁਲੇ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ, ਸਮ੍ਬਹੁਲਾਪਿ ਸਙ੍ਘਂ ਉਕ੍ਖਿਪਨ੍ਤਿ ਅਕਮ੍ਮਂ ਨ ਚ ਕਰਣੀਯਂ; ਸਙ੍ਘੋਪਿ ਸਙ੍ਘਂ ਉਕ੍ਖਿਪਤਿ ਅਕਮ੍ਮਂ ਨ ਚ ਕਰਣੀਯਂ।
383. ‘‘Adhammena ce, bhikkhave, vaggakammaṃ akammaṃ na ca karaṇīyaṃ, adhammena 2 samaggakammaṃ akammaṃ na ca karaṇīyaṃ, dhammena vaggakammaṃ akammaṃ na ca karaṇīyaṃ; dhammapatirūpakena vaggakammaṃ akammaṃ na ca karaṇīyaṃ, dhammapatirūpakena samaggakammaṃ akammaṃ na ca karaṇīyaṃ; ekopi ekaṃ ukkhipati akammaṃ na ca karaṇīyaṃ, ekopi dve ukkhipati akammaṃ na ca karaṇīyaṃ, ekopi sambahule ukkhipati akammaṃ na ca karaṇīyaṃ, ekopi saṅghaṃ ukkhipati akammaṃ na ca karaṇīyaṃ; dvepi ekaṃ ukkhipanti akammaṃ na ca karaṇīyaṃ, dvepi dve ukkhipanti akammaṃ na ca karaṇīyaṃ, dvepi sambahule ukkhipanti akammaṃ na ca karaṇīyaṃ, dvepi saṅghaṃ ukkhipanti akammaṃ na ca karaṇīyaṃ; sambahulāpi ekaṃ ukkhipanti akammaṃ na ca karaṇīyaṃ, sambahulāpi dve ukkhipanti akammaṃ na ca karaṇīyaṃ, sambahulāpi sambahule ukkhipanti akammaṃ na ca karaṇīyaṃ, sambahulāpi saṅghaṃ ukkhipanti akammaṃ na ca karaṇīyaṃ; saṅghopi saṅghaṃ ukkhipati akammaṃ na ca karaṇīyaṃ.
੩੮੪. ‘‘ਚਤ੍ਤਾਰਿਮਾਨਿ , ਭਿਕ੍ਖવੇ, ਕਮ੍ਮਾਨਿ – ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮੇਨ ਸਮਗ੍ਗਕਮ੍ਮਂ। ਤਤ੍ਰ, ਭਿਕ੍ਖવੇ, ਯਦਿਦਂ ਅਧਮ੍ਮੇਨ વਗ੍ਗਕਮ੍ਮਂ, ਇਦਂ, ਭਿਕ੍ਖવੇ, ਕਮ੍ਮਂ ਅਧਮ੍ਮਤ੍ਤਾ વਗ੍ਗਤ੍ਤਾ ਕੁਪ੍ਪਂ ਅਟ੍ਠਾਨਾਰਹਂ; ਨ, ਭਿਕ੍ਖવੇ, ਏવਰੂਪਂ ਕਮ੍ਮਂ ਕਾਤਬ੍ਬਂ, ਨ ਚ ਮਯਾ ਏવਰੂਪਂ ਕਮ੍ਮਂ ਅਨੁਞ੍ਞਾਤਂ। ਤਤ੍ਰ, ਭਿਕ੍ਖવੇ, ਯਦਿਦਂ ਅਧਮ੍ਮੇਨ ਸਮਗ੍ਗਕਮ੍ਮਂ, ਇਦਂ, ਭਿਕ੍ਖવੇ, ਕਮ੍ਮਂ ਅਧਮ੍ਮਤ੍ਤਾ ਕੁਪ੍ਪਂ ਅਟ੍ਠਾਨਾਰਹਂ; ਨ, ਭਿਕ੍ਖવੇ, ਏવਰੂਪਂ ਕਮ੍ਮਂ ਕਾਤਬ੍ਬਂ, ਨ ਚ ਮਯਾ ਏવਰੂਪਂ ਕਮ੍ਮਂ ਅਨੁਞ੍ਞਾਤਂ। ਤਤ੍ਰ, ਭਿਕ੍ਖવੇ, ਯਦਿਦਂ ਧਮ੍ਮੇਨ વਗ੍ਗਕਮ੍ਮਂ, ਇਦਂ, ਭਿਕ੍ਖવੇ, ਕਮ੍ਮਂ વਗ੍ਗਤ੍ਤਾ ਕੁਪ੍ਪਂ ਅਟ੍ਠਾਨਾਰਹਂ; ਨ, ਭਿਕ੍ਖવੇ, ਏવਰੂਪਂ ਕਮ੍ਮਂ ਕਾਤਬ੍ਬਂ, ਨ ਚ ਮਯਾ ਏવਰੂਪਂ ਕਮ੍ਮਂ ਅਨੁਞ੍ਞਾਤਂ। ਤਤ੍ਰ, ਭਿਕ੍ਖવੇ, ਯਦਿਦਂ ਧਮ੍ਮੇਨ ਸਮਗ੍ਗਕਮ੍ਮਂ, ਇਦਂ, ਭਿਕ੍ਖવੇ, ਕਮ੍ਮਂ ਧਮ੍ਮਤ੍ਤਾ ਸਮਗ੍ਗਤ੍ਤਾ ਅਕੁਪ੍ਪਂ ਠਾਨਾਰਹਂ; ਏવਰੂਪਂ, ਭਿਕ੍ਖવੇ, ਕਮ੍ਮਂ ਕਾਤਬ੍ਬਂ, ਏવਰੂਪਞ੍ਚ ਮਯਾ ਕਮ੍ਮਂ ਅਨੁਞ੍ਞਾਤਂ। ਤਸ੍ਮਾਤਿਹ, ਭਿਕ੍ਖવੇ, ਏવਰੂਪਂ ਕਮ੍ਮਂ ਕਰਿਸ੍ਸਾਮ ਯਦਿਦਂ ਧਮ੍ਮੇਨ ਸਮਗ੍ਗਨ੍ਤਿ – ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ।
384. ‘‘Cattārimāni , bhikkhave, kammāni – adhammena vaggakammaṃ, adhammena samaggakammaṃ, dhammena vaggakammaṃ, dhammena samaggakammaṃ. Tatra, bhikkhave, yadidaṃ adhammena vaggakammaṃ, idaṃ, bhikkhave, kammaṃ adhammattā vaggattā kuppaṃ aṭṭhānārahaṃ; na, bhikkhave, evarūpaṃ kammaṃ kātabbaṃ, na ca mayā evarūpaṃ kammaṃ anuññātaṃ. Tatra, bhikkhave, yadidaṃ adhammena samaggakammaṃ, idaṃ, bhikkhave, kammaṃ adhammattā kuppaṃ aṭṭhānārahaṃ; na, bhikkhave, evarūpaṃ kammaṃ kātabbaṃ, na ca mayā evarūpaṃ kammaṃ anuññātaṃ. Tatra, bhikkhave, yadidaṃ dhammena vaggakammaṃ, idaṃ, bhikkhave, kammaṃ vaggattā kuppaṃ aṭṭhānārahaṃ; na, bhikkhave, evarūpaṃ kammaṃ kātabbaṃ, na ca mayā evarūpaṃ kammaṃ anuññātaṃ. Tatra, bhikkhave, yadidaṃ dhammena samaggakammaṃ, idaṃ, bhikkhave, kammaṃ dhammattā samaggattā akuppaṃ ṭhānārahaṃ; evarūpaṃ, bhikkhave, kammaṃ kātabbaṃ, evarūpañca mayā kammaṃ anuññātaṃ. Tasmātiha, bhikkhave, evarūpaṃ kammaṃ karissāma yadidaṃ dhammena samagganti – evañhi vo, bhikkhave, sikkhitabba’’nti.
ਅਧਮ੍ਮੇਨ વਗ੍ਗਾਦਿਕਮ੍ਮਕਥਾ ਨਿਟ੍ਠਿਤਾ।
Adhammena vaggādikammakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾ • Kassapagottabhikkhuvatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੩੪. ਕਸ੍ਸਪਗੋਤ੍ਤਭਿਕ੍ਖੁવਤ੍ਥੁਕਥਾ • 234. Kassapagottabhikkhuvatthukathā
