| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
117. ад̇хаммигагад̇игаа
117. Adhammikakatikā
205. д̇зна ко бана самаязна саавад̇т̇ияаа сан̇гхзна зваруубаа гад̇игаа гад̇аа ход̇и – анд̇араавассам̣ на баб̣б̣ааж̇зд̇аб̣б̣анд̇и. висаакааяа миг̇аарамаад̇уяаа над̇д̇аа бхигкуу убасан̇гамид̇ваа баб̣б̣аж̇ж̇ам̣ яаажи. бхигкуу звамаахам̣су – ‘‘сан̇гхзна ко, аавусо, зваруубаа гад̇игаа гад̇аа ‘анд̇араавассам̣ на баб̣б̣ааж̇зд̇аб̣б̣а’нд̇и. ааг̇амзхи, аавусо, яаава бхигкуу вассам̣ васанд̇и. вассам̣вудтаа баб̣б̣ааж̇зссанд̇ий’’д̇и. ат̇а ко д̇з бхигкуу вассам̣вудтаа висаакааяа миг̇аарамаад̇уяаа над̇д̇аарам̣ зд̇ад̣̇авожум̣ – ‘‘зхи, д̣̇аани, аавусо, баб̣б̣аж̇аахий’’д̇и. со звамааха – ‘‘сажаахам̣, бханд̇з, баб̣б̣аж̇ид̇о ассам̣, абхирамзяяаамахам̣ 1. на д̣̇аанаахам̣, бханд̇з, баб̣б̣аж̇иссаамий’’д̇и. висаакаа миг̇аарамаад̇аа уж̇жхааяад̇и кияяад̇и вибаажзд̇и – ‘‘гат̇ан̃хи наама аяяаа зваруубам̣ гад̇игам̣ гариссанд̇и ‘на анд̇араавассам̣ баб̣б̣ааж̇зд̇аб̣б̣а’нд̇и. гам̣ гаалам̣ д̇хаммо на жарид̇аб̣б̣о’’д̇и? ассосум̣ ко бхигкуу висаакааяа миг̇аарамаад̇уяаа уж̇жхааяанд̇ияаа кияяанд̇ияаа вибаажзнд̇ияаа. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. на, бхигкавз, зваруубаа гад̇игаа гаад̇аб̣б̣аа – ‘на анд̇араавассам̣ баб̣б̣ааж̇зд̇аб̣б̣а’нд̇и. яо гарзяяа, аабад̇д̇и д̣̇уггадассаад̇и.
205. Tena kho pana samayena sāvatthiyā saṅghena evarūpā katikā katā hoti – antarāvassaṃ na pabbājetabbanti. Visākhāya migāramātuyā nattā bhikkhū upasaṅkamitvā pabbajjaṃ yāci. Bhikkhū evamāhaṃsu – ‘‘saṅghena kho, āvuso, evarūpā katikā katā ‘antarāvassaṃ na pabbājetabba’nti. Āgamehi, āvuso, yāva bhikkhū vassaṃ vasanti. Vassaṃvuṭṭhā pabbājessantī’’ti. Atha kho te bhikkhū vassaṃvuṭṭhā visākhāya migāramātuyā nattāraṃ etadavocuṃ – ‘‘ehi, dāni, āvuso, pabbajāhī’’ti. So evamāha – ‘‘sacāhaṃ, bhante, pabbajito assaṃ, abhirameyyāmahaṃ 2. Na dānāhaṃ, bhante, pabbajissāmī’’ti. Visākhā migāramātā ujjhāyati khiyyati vipāceti – ‘‘kathañhi nāma ayyā evarūpaṃ katikaṃ karissanti ‘na antarāvassaṃ pabbājetabba’nti. Kaṃ kālaṃ dhammo na caritabbo’’ti? Assosuṃ kho bhikkhū visākhāya migāramātuyā ujjhāyantiyā khiyyantiyā vipācentiyā. Atha kho te bhikkhū bhagavato etamatthaṃ ārocesuṃ. Na, bhikkhave, evarūpā katikā kātabbā – ‘na antarāvassaṃ pabbājetabba’nti. Yo kareyya, āpatti dukkaṭassāti.
ад̇хаммигагад̇игаа нидтид̇аа.
Adhammikakatikā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ад̇хаммигагад̇игаад̣̇игат̇аа • Adhammikakatikādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ад̇хаммигагад̇игагат̇ааван̣н̣анаа • Adhammikakatikakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ад̇хаммигагад̇игаад̣̇игат̇ааван̣н̣анаа • Adhammikakatikādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 117. ад̇хаммигагад̇игаагат̇аа • 117. Adhammikakatikākathā
