| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੧੧੭. ਅਧਮ੍ਮਿਕਕਤਿਕਾ
117. Adhammikakatikā
੨੦੫. ਤੇਨ ਖੋ ਪਨ ਸਮਯੇਨ ਸਾવਤ੍ਥਿਯਾ ਸਙ੍ਘੇਨ ਏવਰੂਪਾ ਕਤਿਕਾ ਕਤਾ ਹੋਤਿ – ਅਨ੍ਤਰਾવਸ੍ਸਂ ਨ ਪਬ੍ਬਾਜੇਤਬ੍ਬਨ੍ਤਿ। વਿਸਾਖਾਯ ਮਿਗਾਰਮਾਤੁਯਾ ਨਤ੍ਤਾ ਭਿਕ੍ਖੂ ਉਪਸਙ੍ਕਮਿਤ੍વਾ ਪਬ੍ਬਜ੍ਜਂ ਯਾਚਿ। ਭਿਕ੍ਖੂ ਏવਮਾਹਂਸੁ – ‘‘ਸਙ੍ਘੇਨ ਖੋ, ਆવੁਸੋ, ਏવਰੂਪਾ ਕਤਿਕਾ ਕਤਾ ‘ਅਨ੍ਤਰਾવਸ੍ਸਂ ਨ ਪਬ੍ਬਾਜੇਤਬ੍ਬ’ਨ੍ਤਿ। ਆਗਮੇਹਿ, ਆવੁਸੋ, ਯਾવ ਭਿਕ੍ਖੂ વਸ੍ਸਂ વਸਨ੍ਤਿ। વਸ੍ਸਂવੁਟ੍ਠਾ ਪਬ੍ਬਾਜੇਸ੍ਸਨ੍ਤੀ’’ਤਿ। ਅਥ ਖੋ ਤੇ ਭਿਕ੍ਖੂ વਸ੍ਸਂવੁਟ੍ਠਾ વਿਸਾਖਾਯ ਮਿਗਾਰਮਾਤੁਯਾ ਨਤ੍ਤਾਰਂ ਏਤਦવੋਚੁਂ – ‘‘ਏਹਿ, ਦਾਨਿ, ਆવੁਸੋ, ਪਬ੍ਬਜਾਹੀ’’ਤਿ। ਸੋ ਏવਮਾਹ – ‘‘ਸਚਾਹਂ, ਭਨ੍ਤੇ, ਪਬ੍ਬਜਿਤੋ ਅਸ੍ਸਂ, ਅਭਿਰਮੇਯ੍ਯਾਮਹਂ 1। ਨ ਦਾਨਾਹਂ, ਭਨ੍ਤੇ, ਪਬ੍ਬਜਿਸ੍ਸਾਮੀ’’ਤਿ। વਿਸਾਖਾ ਮਿਗਾਰਮਾਤਾ ਉਜ੍ਝਾਯਤਿ ਖਿਯ੍ਯਤਿ વਿਪਾਚੇਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਏવਰੂਪਂ ਕਤਿਕਂ ਕਰਿਸ੍ਸਨ੍ਤਿ ‘ਨ ਅਨ੍ਤਰਾવਸ੍ਸਂ ਪਬ੍ਬਾਜੇਤਬ੍ਬ’ਨ੍ਤਿ। ਕਂ ਕਾਲਂ ਧਮ੍ਮੋ ਨ ਚਰਿਤਬ੍ਬੋ’’ਤਿ? ਅਸ੍ਸੋਸੁਂ ਖੋ ਭਿਕ੍ਖੂ વਿਸਾਖਾਯ ਮਿਗਾਰਮਾਤੁਯਾ ਉਜ੍ਝਾਯਨ੍ਤਿਯਾ ਖਿਯ੍ਯਨ੍ਤਿਯਾ વਿਪਾਚੇਨ੍ਤਿਯਾ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਨ, ਭਿਕ੍ਖવੇ, ਏવਰੂਪਾ ਕਤਿਕਾ ਕਾਤਬ੍ਬਾ – ‘ਨ ਅਨ੍ਤਰਾવਸ੍ਸਂ ਪਬ੍ਬਾਜੇਤਬ੍ਬ’ਨ੍ਤਿ। ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾਤਿ।
205. Tena kho pana samayena sāvatthiyā saṅghena evarūpā katikā katā hoti – antarāvassaṃ na pabbājetabbanti. Visākhāya migāramātuyā nattā bhikkhū upasaṅkamitvā pabbajjaṃ yāci. Bhikkhū evamāhaṃsu – ‘‘saṅghena kho, āvuso, evarūpā katikā katā ‘antarāvassaṃ na pabbājetabba’nti. Āgamehi, āvuso, yāva bhikkhū vassaṃ vasanti. Vassaṃvuṭṭhā pabbājessantī’’ti. Atha kho te bhikkhū vassaṃvuṭṭhā visākhāya migāramātuyā nattāraṃ etadavocuṃ – ‘‘ehi, dāni, āvuso, pabbajāhī’’ti. So evamāha – ‘‘sacāhaṃ, bhante, pabbajito assaṃ, abhirameyyāmahaṃ 2. Na dānāhaṃ, bhante, pabbajissāmī’’ti. Visākhā migāramātā ujjhāyati khiyyati vipāceti – ‘‘kathañhi nāma ayyā evarūpaṃ katikaṃ karissanti ‘na antarāvassaṃ pabbājetabba’nti. Kaṃ kālaṃ dhammo na caritabbo’’ti? Assosuṃ kho bhikkhū visākhāya migāramātuyā ujjhāyantiyā khiyyantiyā vipācentiyā. Atha kho te bhikkhū bhagavato etamatthaṃ ārocesuṃ. Na, bhikkhave, evarūpā katikā kātabbā – ‘na antarāvassaṃ pabbājetabba’nti. Yo kareyya, āpatti dukkaṭassāti.
ਅਧਮ੍ਮਿਕਕਤਿਕਾ ਨਿਟ੍ਠਿਤਾ।
Adhammikakatikā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਧਮ੍ਮਿਕਕਤਿਕਾਦਿਕਥਾ • Adhammikakatikādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਧਮ੍ਮਿਕਕਤਿਕਕਥਾવਣ੍ਣਨਾ • Adhammikakatikakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਧਮ੍ਮਿਕਕਤਿਕਾਦਿਕਥਾવਣ੍ਣਨਾ • Adhammikakatikādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਧਮ੍ਮਿਕਕਤਿਕਾਦਿਕਥਾવਣ੍ਣਨਾ • Adhammikakatikādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੧੭. ਅਧਮ੍ਮਿਕਕਤਿਕਾਕਥਾ • 117. Adhammikakatikākathā
